1 ጳዉሎሳራ ስላሰራን አምፍጶልሳራን አጶሎንያራ አꬊ ተሰሎንቄ ቅትዳ። እዘ አይሁደ ዎሳ ኬꬂ የነ። 2 ጳዉሎሳ ዛጋን ጋራ እዘ ገልዳ። እዘ Ꮉይꬕ ሳምባታ ጾዘ ቃላፓ አሱንꬅስ ኦህዳ። 3 ክርስቶሳ ማꬋ ኤኮደስን Ꮉይቆፓ ደንዶደስን ቤዛኖ ኡንትስ ጌሽ ኦህተራ፥ «የሱሳ Ꮉይ ታ ይንትስ ኦህዛይ ክርስቶሳ» ያጋይዳ። 4 ኡንታፓ ፈተ ፈተ ኦህዳና ቱሮ ማቅዳኖ ኤኪ ጳዉሎሳራን ስላሰራ ዎላ ፈቶ ማቅዳ። ይኒ ፋና፥ ጾዝ ጎይንዘ ጋማ ግርኬ አሱንꬅን ጋማ ቦንችንትደ ማቹንꬅን ኡንታራ ዎላ ማቅዳ።

5 የዝን አይሁዱንꬅ እጺ ፈቲ ፈቲ ኦቻ ባይዘ ኢታ አሱንꬃና ኦገፓ ሺሽዳ። ካታምቶ ቡቀ አይክዳ፤ ጳዉሎሳን ስላሰን አሱንꬅስ አꬂ እንጎደስ ኮይ ኢያሶነ ኬꬅቶ ተቂዳ። 6 ጳዉሎሳን ስላሰን ኡንትስ በንታንጽን፥ ኢያሶነን ፈቲ ፈቲ አማንዙንꬃና ካታማ Ꮉላቁንꬃጎ ጎቺ ካንግ፥ «Ꮉንስ ሳእቶ ኡባ ቡቅዙንꬅ Ꮉተ ኑጎ ይእዳ። 7 ኢያሶነ ኡንታና ፋ ካራ ጋድዳ። Ꮉንስ፥ ‹የሱሳ ጋዘ መለ ካት የነ› ጋእ ቄሳረ ኪቶ እጻነ» ጋእ ꬎቅ ጋይደ ቃላራ ኦህዳ።

8 ሺቅደ አሱንꬅን ካታማ Ꮉላቁንꬅ ይኖ ስእ Ꮉኖደባዝ ꬋብዳ። 9 Ꮉላቁንꬅ ኢያሶነን መሉንꬃና ዋሰር ብልዳ።

10 አማንዙንꬅ ጳዉሎሳን ስላሰን ቃማራ ቤርያ ዳክዳ። ቤርያ የሊ፥ አይሁደ ዎሳ ኬꬃ ገልዳ። 11 ቤርያ አሱንꬅ ተሰሎንቄ አሱንꬃፓ አꬊ ዎዝና ዳልጋ። ኡን ቃልቶ ኩሙꬅ ዎዝናፓ ኤክዳ፤ ጳዉሎሳ ጋይዳና ቱሮ ማቅዳኖ ሻኪ ኤሮደስ ኡባ ዎደ ጌሽ ማጻፈ ናባባነ። 12 ይኒ ግሾ፥ ኡንታፓ ጋሙንꬅ፥ ግርኩንꬃፓ ቦንችንትደ ጋማ ማቹንꬅን ጋማ ꬊራꬁንꬂ አማንዳ።

13 የዝን ተሰሎንቄ የዘ አይሁዱንꬅ ጳዉሎሳ ጾዘ ቃላ ቤርያ ግዳን ኦህዳኖ ስእደ ዎደ ቤርያ ይእ አሱንꬃና ቡቅዳ። 14 ይንፓ ማቂ፥ አማንዙንꬅ ኤልሲ ጳዉሎሳ አባ ካለ ዳክዳ። የዝን ስላሰን ጢሞትዮሳን ቤርያ አትዳ። 15 ጳዉሎሳ ሞይዝደ አሱንꬅ አቴና የልꬅዳ። የንꬅ አሱንꬅ ስላሰን ጢሞትዮሳን ፋስ ዳንዳእንትደ ጋር ኤልሲ ፋጎ የኦደ ጋር ጳዉሎሳ ኪተዘ ኪቶ ኤኪ ቤርያ ማቅዳ።

16 ጳዉሎሳ አቴና ስላሰን ጢሞትዮሳን ካፍተራ፥ ካታማ ኤቃ ኩምዳኖ ብእ ዥልꬍዳ። 17 ይኒ ግሾ፥ አይሁደ ዎሳ ኬꬅተ አይሁዱንꬃራን ጾዝ ጎይንዘ አይሁደ ማቆሰ አሱንꬃራ ማህ ፋራ የልንትዘ አሱንꬃራ ኡባ ዎደ ጋበ ላላነ። 18 ኤጵቆሮሳን እስቶይኬ ጋእንትዘ ባጉንꬃፓ ፈቲ ፈቲ ኤሩንꬅ ጳዉሎሳራ ዎላ ላልዳ። ኡንታፓ ፈተ ፈተ፥ «Ꮉይ ጫንጭዘ አኮ ኦሆደስ ኮየ?» ያጋይዳ።

መሉንꬅ ጳዉሎሳ የሱሳን Ꮉይቆፓ ደንዶ ባዝ ፋስ ኦህደ ግሾ «መለ ኤቁንꬅ ባዝ ኦህዛ አዛነ» ያጋይዳ።

19 ጳዉሎሳ አይኪ አርዮስፓጎሳ ጋዘ ሺቆ በስተ ካንግ፥ «Ꮉና ነ ታማርስዘ ክለ ባዝታ አኮ የዛኮን ኑና ኤርሶ? 20 አኮስ ጋይኮ፥ ነ ኑስ ክሌ ባዝ ኦህነ፤ ይኬ ይና አኮ የዛኮን ኑ ኤሮደስ ኮያነ» ያጋይዳ። 21 አቴና አሱንꬅ ኡቡንꬅን እዘ የዘ ዛቁንꬅ ክሌ ባዝ ኦህካይዛራን ስእካይዛራን ፌዦስ።

22 ጳዉሎሳ አርዮስፓጎሳ ግዳ ሺቅደ አሱንꬅ ቲኖ ኤቂ፥ «አቴና አሱንꬆ፥ ይን ኤቁንꬅስ ኡባ ባዛ ጋማ ዣሽትዛኖ ታ ብእዳ። 23 ታኒ ይን ካታማራ ዉትተራ ይን ጎይንዘ በስተ በእዘ ዎደ ‹ኤርንቶሰ ጾዘስ› ጋእንት ጻፍንትደ ዣርሾ በስቶ ደንግዳ። Ꮉና ይን ኤርካይዛራ ጎይንዛያ ታ ይንትስ ኦሆዳ። 24 ሳአን ሳአላ የዘ ኡባባዝቶ መꬍደ ጾዘ፥ ሳሎን ሳአ ላꬄ፥ አስ ኬጽደ ኬꬃ የዞስ። [a] 25 ኤ ደኦ፥ ሸምፖን ኡባ ባዝ አስ ኡባስ እንግደ ግሾ ፋጨ የዘ አስ ፋና አስ ማደ ኮዮስ። 26 ጾዚ ኡን የሳደ ዎደስን በስስ ዉዙላ እንግዳ። ይንፓ አስ ኮች ኡባ ፈቲ አሳፓ መꬊ ሳአ ኡባ ጋድዳ። 27 ኤ ይኖ ኦችዳና አስ ኤዛ ኮዮደ ፋናን ቁርች ደንጎደ ፋና። ማቅኮን ኤ ኑፓ Ꮉኮ ባያ። 28 ይንታፓ ፈቲ ፈቲ የጽዙንꬅ፥ ‹ኑ ኤ ናኡንꬃና› ማቅዳን ፋና፥ ኑ ኤ ግዳ ፋጻ የነ፥ ኤንእንታነ። 29 ይኬ፥ ኑ ጾዘ ናኡንꬃና ማቅደ ግሾ ‹ጾዚ አስ ዪላትꬃራን ቆፋራ ዎርቃፓ ዎይ ብራፓ ዎይ ሹቻፓ ኦችንትደባዝ አዛነ› ጋእ ቆፖደስ ቤዞስ። 30 ይኒ ግሾ፥ ጾዚ ቲኖ ዎደ አስ ኤርካይዛራ ኦችዳኖ አሺ አꬍዳ፥ የዝን Ꮉተ ኡባ በሳ የዘ አስ ኡባ ናጋራፓ ማቃደ ጋር ኪታነ። 31 አኮስ ጋይኮ፥ ጾዚ ፋ ዶርደ አꬄራ ሳአላ የዘ አስ ኡባላ ጽሎ ፍርዳ ፍርዶደስ ቃማ ጊግዚ ጋድዳ። ኤዛ Ꮉይቆፓ ደንꬂ ይኖ አስ ኡባስ ጌሽዳ» ጋይዳ።

32 ኡንታፓ ፈቲ ፈቲ አሱንꬅ Ꮉይቆፓ ደንደባዝ ጳዉሎሳፓ ስእ፥ ኤዛ ለቂዳ። የዝን መሉንꬅ፥ «ኑኒ ይኖ ኔፓ ጉጂ ስኦደስ ኮያነ» ጋይዳ። 33 ይኒ ግሾ፥ ጳዉሎሳ ኡን ግዳፓ ከዝዳ። 34 የዝን ፈቲ ፈቲ ꬊራꬁንꬂ ጳዉሎሳራ የሊ አማንዳ። ኡን ግዳፓ አርዮስፓጎሳን ሺቅተ የዘ ድዮናስዮሳ ጋዘ አꬄ፥ ዳማሪሶ ጋዘ ፈቲ ማችታን መሉንꬅን ኡንታራ የነ።

<- ሐዋሩንꬅ ኦቻ 16ሐዋሩንꬅ ኦቻ 18 ->