3 ዎሳ ኬꬅታ ኡንታና ኪትን ቅትዳ። ኡን ፍንቀራን ሳማራራ አꬍተራ አይሁደ ማቆሱንꬅ ጾዛጎ ዋይዝ ማቀዛኮ ኦህዳ። ይና አማንዙንꬃና ኡባ ጋማ ኡፋይስዳ። 4 ኡን የሩሳላመ የልደ ዎደ ዎሳ ኬꬅታ፥ ሐዋሩንꬅን ጭሙንꬅ ኡንታና ሞክዳ። ጾዚ ኡንታራ ኦችዳኖ ኡባ ኦህዳ። 5 የዝን ፋርሳዉንꬅ ባጋፓ አማንደ ፈቲ ፈቲ አሱንꬅ ደንዲ ኤቂ፥ «አይሁደ ማቆሰ አማንዘ አሱንꬅ ጋራዝንቶደስን ሙሴ ህግቶ ናጎደስ ቤዛነ» ያጋይዳ።
6 ሐዋሩንꬅን ጭሙንꬅ ይኖ ዞርንቶደስ ሺቅዳ። 7 ጋማ ኦህንትዳንፓ ማቂ፥ ጴጥሮሳ ደንዲ ኤቂ፥ «ታ እሹንꬆ፥ አይሁደ ማቆሱንꬅ ዎንገለ ቃላ ታ ዶናፓ ስእ አማኖደ ጋር ቲንꬊ ታና ጾዚ ይን ግዳፓ ዶርዳኖ ይን ኤራነ። [b] 8 አስ ዎዝና ኤርዘ ጾዘ ጌሽ አያና ኑስ እንግዳንጋር ኡንትስን እንግ ቱርዝዳ። [c] 9 አማኖራ ኡን ዎዝንቶ ጌሽደ ግሾ ኑ ግዳን ኡን ግዳ ሻኮ ጋድካያ። 10 ይኒ ግሾ፥ ኑ አዱንꬅን ኑኒ ቶኮደስ ዳንዳኦስ ቃምባራ አማንዙንꬅ ጌታላ ጋዲ Ꮉተ አኮስ ጾዝ ፋታነተ? 11 ላꬄ የሱስ አꬎ ኬሃትꬅተ ኡን አትዳን ጋራ ኑንን አትዳኖ አማናነ» ያጋይዳ።
12 አሱንꬅ ስእ ጋእ፥ ባርናባሳን ጳዉሎሳ አይሁደ ማቆሰ አሱንꬅ ግዳ ኡን ባጋራ ጾዚ ኦችደ ማላን ክሌ ባዝ ኡባ ኦሆደራ ስእነ።
13 ኡን ኦህ Ꮉስዳንፓ ማቂ ያይቆባ፥ «እሹንꬆ፥ ታ ጋዛኖ ስኦተ። 14 ጾዚ አይሁደ ማቆሱንꬅ ግዳ ፋ ፋ ሱንꬅቶ ጼግዘ ዎርዣ ዶሮደስ ኮይ ኡንታና ቲኖ ዋይዝ ቆፐዛኮ ስሞና ኦህዳ። 15 ናቡንꬅ ቃልታ Ꮉንራ ጊጋነ። ጌሽ ማጻፍተ፥
19 «ይኒ ግሾ፥ ታ ቆፍታ ጾዛጎ ማቅዘ አይሁደ ማቆሱንꬃና ኑኒ ዋይꬆሳኮ ሎኦ። 20 የዝን ኡን ኤቃስ ዣርሽንቲ ቱንደባዝ ማአመ ጋር፥ ኦላላመ ጋር፥ ባዉታ ማአመ ጋራን ሱꬅ ኡዣመ ጋራን ማአመ ጋር ኡንትስ ኑኒ ዳብዳበ ጻፎደስ ቤዛነ። [e] 21 ሙሴ ህገ ዛጋፓ አይኪ ሳምባታ ሳምባታ አይሁደ ዎሳ ኬꬃ ናባብንቲ ካታማ ኡባ ሳባክንታነ» ያጋይዳ።
22 ይንፓ ማቂ፥ ሐዋሩንꬅን ጭሙንꬅ ዎሳ ኬꬃ አስ ኡቡንꬃራ ፈትላ ፋ ግዳ ፋ ኤራꬅ አሱንꬃና ዶሪ ጳዉሎሳራን ባርናባሳራ አንጾክያ ዳኮደስ ቆፋ አጭዳ። ጋማ ኤርንትደ ካልꬅዙንꬃና ባርሳባሳ ጋእንትዘ ይሁዳን ስላሰን ዶርዳ። 23 Ꮉንጋራ ጋእንት ዳብዳበ ኡንታላ ዳክዳ፦ «ኑ ሐዋሩንꬅን ጭሙንꬅ ይን እሹንꬅ፥ አንጾክያ፥ ሶርያ ክልቅያ የዘ አይሁደ ማቆሰ እሹንꬅስ ኑ ሳሮትꬅ ኪትዳ።
24 «ኑኒ ኪትካይዘ አሱንꬅ ኑ ግዳፓ Ꮉንግ፥ ‹ይን ጋራዝንቶደስን ህግቶ ናጎደስ ቤዛነ› ጋእ፥ ይንታና ዋይꬅዳኖን ዥልዝዳኖ ስእዳ። 25 ኑኒ ካዽዘ ባርናባሳን ጳዉሎሳ ዶርንትደ አሱንꬃራ ዎላ ይንታጎ ዳኮደስ ፈቲ ዎዝናራ ኑ ቆፍቶ አጭዳ። 26 ኡን ኑ ላꬄ የሱስ ክርስቶሳ ግሾ ፋ ደእቶ አꬂ እንግዳ። 27 ይኒ ግሾ፥ ኑ ጻፍዳኖ ኡን ፋ ዶናራ ጉጂ ይንትስ ኦሆደ ፋና ይሁዳን ስላሰን ኪትዳ።
28 «Ꮉና ኮሽዙንꬃፕ አትን መለ ቶፎ ይንታና ቶሳመ ጋር ኑንን ጌሽ አያና ኦህቶ አጭዳ። 29 ኤቃስ ዣርሽንቲ ቱንደባዝ ሙእፐተ፥ ሱꬅ ኡዥፐተ፥ ባዉታ ሙእፐተ፥ ኦላልፐተ። Ꮉንꬅ ኡባፓ ይን፥ ይን ኦምቶ ናግኮ ሎኦ ባዝ ኦቻነ። ሎኦ የዞተ» ያጋይዳ።
30 ይኒ ግሾ፥ ኪትንትዱንꬅ ሞይዝንቲ አንጾክያ ቅቲ አማንዘ አሱንꬃና ሺሺ፥ ዳብዳቢዛ እንግዳ። 31 ኡን የ ምንꬅꬅዘ ዳብዳቢዛ ናባብደ ዎደ ኡፋይትዳ። 32 ማህ ይሁዳን ስላሰን ፋ ኦምተ ናቡንꬃና ማቅደ ግሾ አማንዙንꬃና ሎይꬂ ዞሪ ምንꬅꬅዳ። 33 ኡን አንጾክያ ኤራꬅ ዎደ በትዳንፓ ሱባ አማንዘ እሹንꬅ ሎይꬅ ሞይዝን ፋና ኪተዙንꬃጎ ማቅዳ። 34 [የዝን ስላሰን እዘ አቶደስ ኮይዳ።][f]
35 ማህ ጳዉሎሳን ባርናባሳን መለ ጋማ አሱንꬃራ ዎላ ላꬄ ቃላ ታማርስተራ ዎንገለ ኦህተራ አንጾክያ ጋምእዳ።