1 Tak mne naꞌ, leꞌ bel' naꞌ re' luxa xa nak ti yo ta lud nxeka, per Dios ngeno yo adiꞌ ro lo beꞌ jwanꞌ tayaꞌ Xaꞌ lo naꞌ, ti yo jwanꞌ naꞌmdoxkwaꞌyaꞌda men. 2 Jwanꞌ nasa, nchon' lazo' na' laj nzo na' len' bel' re', tak sala ncholaꞌs naꞌ sin naꞌ liz naꞌ ta ndob lo beꞌ ba, 3 len'na yo naꞌ aka xaja xab na', sa na'yanꞌcheꞌyta naꞌ. 4 Laj benꞌ nzon' len' liz naꞌ jwanꞌ nak belꞌ naꞌ reꞌ, ndiꞌ nabil lazonꞌ, tak na'nchola'sta naꞌ yan' chey' na'; che'la jwan' ncholaꞌs na' nak, gok na' lar kub jwan' ta' Dios, sa bel' na' ta ndluxa dyonꞌna nde yolala ti yalnaban kub. 5 Nde Dios ndli sa ndosanꞌ ak jwanꞌ reꞌ, nde mdaꞌ Xaꞌ Mbi Nayon lonꞌ jwanꞌ nak beꞌ ke liga li Xaꞌy.
6 Jwanꞌ nasa thiblaꞌ dibxlaꞌs ban naꞌ, tak mnenꞌ lo laj naban naꞌ kon belꞌ naꞌ reꞌ, naꞌnzonod naꞌ Xaꞌ Nyebeꞌ. 7 Tak be'nta ndlipa lazonꞌ Xaꞌ, na'ngwi'd na' Xaꞌ. 8 Nde naꞌnchak ropta xgab náꞌ, cheꞌla ncholaꞌs náꞌ naꞌbantra náꞌ lo izyo, sa leꞌ náꞌ yoban kon Xaꞌ Nyebeꞌ. 9 Jwanꞌ nasa, tez ben' ngete náꞌ lo izyo re' o ndyala náꞌ lo beꞌ, thiblaꞌ chal náꞌ li náꞌ jwanꞌ ndryoꞌ lazoꞌ Xa' Nyebe'. 10 Tak reta naꞌ, nakinꞌ rid na' tenꞌ nyaꞌb Crist kwent lonꞌ,[a] sa thiba men kayaꞌ jwanꞌ ndinꞌ men a xa nak jwanꞌ mbli men lo mkete men lo izyo, tez mbli men jwanꞌ wen o mbli men jwanꞌ narax.
18 Nde Dios ndli reta jwanꞌ reꞌ, leꞌga Dios mtoyal kwent kon naꞌ senꞌ mtelꞌ Xaꞌ Xinꞌ Xaꞌ Jesucrist, nde naya mtanꞌ Xaꞌ sinꞌ reꞌ lo náꞌ, sa tej náꞌ lo men ke Dios nchola's toyal Xa' kwent kon men. 19 Tak Dios ndono Crist sa leꞌga Xaꞌ mtoyal kwent kon reta men, ntoriꞌd yek Dios reta yalke jwanꞌ nchap men, nde mtanꞌ Dios sinꞌ reꞌ lonꞌ, sa tej naꞌ lo men nakinꞌ toyal xaꞌ kwent kon Dios. 20 Jwanꞌ nasa, Dios mtel' náꞌ tej ná' xki's Jesucrist, tak Dios ndlirsinꞌ Xa' náꞌ xajka yub Dios ngenaꞌb lo goꞌ, sa lo le Jesucrist nyaꞌb náꞌ lo goꞌ: Bla yek go' yal kwent kon Dios. 21 Jesucrist naꞌnchapta Xaꞌ nek thib yalke, per xke chanꞌ re men sa mbwiꞌ Dios Jesús xaga Xaꞌ nchap yalke, sa tamod lilal Dios naꞌ men galꞌ lo ndli lazonꞌ Jesucrist.
<- 2 CORINTIOS 42 CORINTIOS 6 ->- a 5:10 Ro. 14:10.