150
AMISY ararimbe
1 AMISY ararimbe!
Amisy ararimbe no Apa tuna ri ndandinit rai!
Apa vambunine rararimbe no naumo ntiti ntindimu rai!
2 AMISY ararimbe weye Apa ana dave makokoive,
AMISY ararimbe weye Apa kovo ntiti manakoe rave!
3 Tavuna[a] ramawisy veano AMISY ararimbe,
Itari anakoe muno itari mamaun[b] raeyan veano AMISY ararimbe!
4 Airap[c] ranepat wasarer indamu AMISY ararimbe,
Itari raeyan muno suline ramawisy indamu veano AMISY ararimbe!
5 Ceracap[d] mamaun yapapoambe veano AMISY ararimbe,
Ceracap anakoe yapapoambe indamu veano AMISY ararimbe!
6 Koveamo anakotaro njayaisy tenambe wo AMISY ararimbe!
AMISY ararimbe!
<- MASMUR 149
- a 150:3 Tavuna Israel wo rave mamo korodowai kambino anya.
- b 150:3 Itari anakoe muno itari mamaun ranigwano ‘‘gambus’’ muno ‘‘kecapi’’ rai.
- c 150:4 Airap ranigwano ‘‘rebana’’ rai. Rebana ranepat maisyare airape ranepat wemaisy.
- d 150:5 Ceracap omamo maisyare potami vasye jirum yamaisy umba yapapoambe.