149
Ransyeran kangkaman anasineko
1 AMISY ararimbe!
Wakinyo ransyerano nggwanyine raijo AMISY Ai!
Inya, vatano wasatawandi watavondi Amisye Ai weap, wapo ararimbe no wapa anugane rai!
2 Inya, Israel, wasanayanambe weye Wepi Po wasanari;
Inya, vatano wana no Sion,[a] wasananibe weye wapa Akarijo Titi pije!
3 Wasarer indamu Apa tame rararimbe,
weapo itari raeyan muno airape[b] ranepat indamu AMISY ararimbe!
4 Weye AMISY anuga no irati Apa kawasae mai;
muno Wepi Po anasineko marova mai raunanto irati vatano manuga mpaaje mai.
5 Indati Apa vatano matawandi utavondi Aije nawamo umananibe
weye Po marova apinde to,
muno ukiny manayanambe no arono unaki.
6 Koveamo wenao ukangkamambe Amisye Ai rave manamoto manakoeve rai,
umba wo anaiyu nsansinao raijaro maneme rai.
7 Indamu wo marova rasakinavo susyo wanave Amisye Ai jewene mansai,
muno mangke raugaje irati susye kotaro wanave Ai jewene mansai.
8 Indamu wo poor besi raasaro awa akarijo titi mai,
muno waijo besi veano awa akarijo wo nuge raijanande maokaisy.
9 Maisyare omaisy, wo mangke raugaje susyo mine so mai,
mamaisyo Amisye Apa dapatimuge rai.
Omirati kovo manakoe Amisye Po raugaje Apa kawasae matawandi utavondi Ai mansai mijem.