1 Yalƣan taraza Pǝrwǝrdigarƣa yirginqliktur;

Adil jing texi Uni hursǝn ⱪilar. [a]

2 Tǝkǝbburluⱪ bilǝn birgǝ xǝrmǝndiqilik ǝgixip kelǝr;

Lekin danaliⱪ kiqik peillarƣa ⱨǝmraⱨ bolar. [b]

3 Toƣrilarning sǝmimiyliki ɵzini yetǝklǝr;

Lekin kazzaplarning ǝgriliki ɵzini wǝyran ⱪilar. [c]

4 Hudaning ƣǝzǝp künidǝ mal-dunyaning paydisi bolmas;

Lekin ⱨǝⱪⱪaniyǝt adǝmni ɵlümdin ⱪutⱪuzar. [d]

5 Kamil adǝmning ⱨǝⱪⱪaniyliⱪi ɵzini tüz yolƣa baxlar;

Yaman adǝm ɵz yamanliⱪidin yiⱪilar.

6 Durus adǝmlǝrning ⱨǝⱪⱪaniyliⱪi ɵzlirini ⱪutⱪuzar;

Lekin kazzaplar ɵz ⱨiylǝ-nǝyringidin tutular.

7 Rǝzil adǝm ɵlsǝ, uning ümidi yoⱪⱪa qiⱪar;

Gunaⱨkarning ümidi ahiri ⱪuruⱪ ⱪalar. ◼«Gunaⱨkarning ümidi...» — baxⱪa birhil tǝrjimisi, «Küqlüklǝrning ümidi...».

8 Ⱨǝⱪⱪaniy adǝm ⱪiyinqiliⱪtin haliy ⱪilinar;

Rǝzil adǝm uning orniƣa tutular. [f]

9 Munapiⱪlar ɵz aƣzi bilǝn yeⱪinini buzar;

Lekin ⱨǝⱪⱪaniylar bilimi bilǝn ⱪutⱪuzular.

10 Ⱨǝⱪⱪaniy adǝm ronaⱪ tapsa, xǝⱨǝr hux bolar;

Rǝzil adǝm ⱨalak bolsa, hǝlⱪ tǝntǝnǝ ⱪilar.

11 Toƣrilarning bǝrikǝt tilǝxliri bilǝn xǝⱨǝr güllinǝr;

Lekin rǝzillǝrning tili bilǝn wǝyran bolar.

12 Ɵz yeⱪinini sɵkidiƣan kixi — ǝⱪilsizdur;

Əmma yorutulƣan adǝm aƣzini yiƣar.

13 Gǝp toxuƣuqi mǝhpiyǝtlǝrni axkarilar;

Sadiⱪ adǝm amanǝtkǝ hiyanǝt ⱪilmas.

14 Yolyoruⱪ kǝm bolsa, ǝl-yurt yiⱪilar;

Uluƣ bir mǝsliⱨǝtqi bolsa, ǝl nijat tapar. ◼«Yolyoruⱪ kǝm bolsa...» — baxⱪa birhil tǝrjimisi, «Kɵp mǝsliⱨǝtqilǝr bolsa,...». «...nijat tapar» — yaki «....bihǝtǝr turar».  [h]

15 Yatⱪa borun bolƣan kixi ziyan tartmay ⱪalmas;

Ⱪol berixip kepil boluxni yaman kɵrgǝn kixining ⱪuliⱪi tinq bolar. ◼«Yatⱪa borun bolƣan kixi ziyan tartmay ⱪalmas» — 6:1 wǝ izaⱨatni kɵrüng.

16 Xapaǝtlik ayal izzǝt-ⱨɵrmǝtni ⱪoldin bǝrmǝs;

Zorawanlar bayliⱪni ⱪoldin bǝrmǝs.

17 Rǝⱨimdil ɵz-ɵzigǝ bǝht yaritar;

Rǝⱨimsiz ɵz tenini aƣritar.

18 Yaman adǝmlǝrning alƣan ix ⱨǝⱪⱪi ularni aldar, bǝrikǝtsiz bolar;

Əmma ⱨǝⱪⱪaniyǝt teriƣuqi adǝm ǝmǝliy in’am alar. ◼«Yaman adǝmlǝrning alƣan ix ⱨǝⱪⱪi ularni aldar, bǝrikǝtsiz bolar» — ibraniy tilida «yaman adǝmning ix ⱨǝⱪⱪi yalƣan bolar».

19 Ⱨǝⱪⱪaniyǝt adǝmgǝ ⱨayatliⱪ tapⱪuzar;

Yamanliⱪni kɵzlǝp yüridiƣan kixi ɵlümgǝ yüz tutar.

20 Niyiti buzuⱪ kixi Pǝrwǝrdigarƣa yirginqliktur;

Əmma yoli diyanǝtlik kixilǝr uning hursǝnlikidur.

21 Ⱪol tutuxup birlǝxsimu, yamanlar jazaƣa tartilmay ⱪalmas;

Lekin ⱨǝⱪⱪaniylarning nǝsli nijat tapar. ◼«Ⱪol tutuxup birlǝxsimu,...» — baxⱪa birhil tǝrjimisi: — «xübⱨisizki,...».  [l]

22 Qirayliⱪ ǝmma tetiⱪsiz hotun,

Qoxⱪining tumxuⱪiƣa altun ⱨalⱪa salƣandǝktur.

23 Ⱨǝⱪⱪaniylarning arzusi pǝⱪǝt yahxi mewǝ elip kelǝr;

Yamanlarning kütkini ƣǝzǝp-nǝprǝttur.

24 Biraw mǝrdlǝrqǝ tarⱪatsimu, güllinǝr;

Yǝnǝ biraw berixkǝ tegixlikini ayisimu, pǝⱪǝt namratlixar.

25 Mǝrd adǝm ǝtlinǝr;

Baxⱪilarni suƣarƣuqi ɵzimu suƣirilar. [m]

26 Axliⱪni satmay besiwalƣan kixi ǝlning lǝnitigǝ uqraydu;

Lekin axliⱪni setip bǝrgüqigǝ bǝrikǝt tilinǝr.

27 Yahxiliⱪni izdǝp intilgǝn adǝm xapaǝt tapar;

Yamanliⱪni izdigǝn adǝm ɵzi yamanliⱪ kɵrǝr. [n]

28 Ɵz mal-duniyasiƣa tayanƣuqi yiⱪilar;

Ⱨǝⱪⱪaniy kixi yopurmaⱪtǝk kɵkirǝr. [o]

29 Ɵz ɵyigǝ azarqiliⱪ salƣan kixi xamalƣa miras bolar;

Əⱪilsiz adǝm aⱪilanining ⱪuli bolup ⱪalar.

30 Ⱨǝⱪⱪaniyning beridiƣan mewisi «ⱨayatliⱪ dǝrihi»dur;

Dana kixi kɵngüllǝrni ⱨayatliⱪⱪa mayil ⱪilar. ◼«ⱨayatliⱪ dǝrihi» — muxu yǝrdǝ «ⱨayatliⱪ dǝrihi» degǝnlik, «Erǝm baƣqisi»diki Adǝm’atimiz wǝ Ⱨawa’animizning bǝⱨrimǝn boluxiƣa tǝyyarlanƣan dǝrǝhni kɵrsitidu (3:18-ayǝtni kɵrüng). «... ⱨayatliⱪⱪa mayil ⱪilar» — ǝyni tekisttǝ «ⱨayatliⱪ» degǝn sɵz yoⱪ. Lekin ⱨǝⱪⱪaniyliⱪ yolida Hudaning mɵmin bǝndiliri adǝmlǝrning kɵnglini ɵzi üqün almaydu, bǝlki ularni Hudaning yoliƣa jǝlp ⱪilidu; xunga toluⱪ mǝnisi: «Kim dana bolsa kixilǝrning kɵnglini nijat yoliƣa baxlaydu» dǝp ⱪaraymiz. Muxu ayǝtni «Luⱪa» 5:10 bilǝn selixturƣili bolidu.  [q]

31 Ⱪaranglar, ⱨǝⱪⱪaniy adǝm bu dunyada sǝwǝnliki üqün bǝdǝl tɵligǝn yǝrdǝ,

Rǝzillǝr bilǝn gunaⱨkarlarning aⱪiwiti ⱪandaⱪ bolar? ◼«Ⱪaranglar, ⱨǝⱪⱪaniy adǝm ...bǝdǝl tɵligǝn yǝrdǝ, rǝzillǝr bilǝn gunaⱨkarlarning aⱪiwiti ⱪandaⱪ bolar?» — bu ayǝt Injil, «1Pet.» 4:18dǝ nǝⱪil kǝltürülidu.  [s]