1 လူလေထဲဟှ ဝီးကော့‑က်ခံရဟှူ ယဇ်ပုရောဟိတ်မန်းလေဟှာ ပြစ်ဖြေဟှူယဇ်န ပူဇော်သက္ကာလေဟှို လူလေကိုယ်စား ဘုရားသခင်ဟှို ဆစ်ကပ်ပူဇော်ဟှို့တွပ် ခန့်အပ်ခံရဟှူ သူဖြစ်ဟှယ်။ 2 သူဟှာ ကိုယ်တိုင်အားနဲချစ် ရှိဟှူကြောန့် မိုက်မဲဟှူသူ၊ မှားယွင်းဟှူသူလေဟှို သီးခံဟှို့တွပ် တတ်နိုင်လေဟှယ်။ 3 အယ်ကြောန့်လည်းဘဲ့ သူများလေရဲ့ ပြစ်တွပ်ဘဲ့မှုဘဲန သူ့ပြစ်တွပ်လည်း ပြစ်ဖြေရာယဇ်ဟှို ပူဇော်ရဟှယ်။ 4 အယ်မျိုး ဂေါင်သရေရှိဟှူ ရပ်ရာဟှို ဖယ်သူလည်း ကိုယ့်ကိုယ်ကိုယ် ခံယူရဟှူဇာ မှုဟှ။ အာရုန်ဟှူမျိုး ဘုရားသခင် ခေါ်ယူတော်မူဟှူ ဇာအားဖြင့်ဘဲ့ ခံယူရရှိနိုင်ဟှယ်။
5 အယ်မျိုးဘဲ့ ခရစ်တော်ဟှာ ယဇ်ပုရောဟိတ်မန်းရဲ့ ရပ်ရာဟှို ကိုယ့်ကိုယ်ကိုယ် ချီးမြှော့‑က်ဟှူ ဇာမှုဘဲ့န
7 [b]ခရစ်တော်ဟှာ လူ့ဇာတိန သတ်တော်ထန်ရှား ရှိနေဟှူခီဟှ သူ့ဟှို သေရှင်းဟှနေ ကယ်တန်နိုင်ဟှူ ဘုရားသခင်နားဟှို ကြွေးကြော် မျစ်ရယ်က္လဘီး ဆုတောန်းသနားခံဟှူကြောန့် အယ်မူ ကြည်ညိုမှုအားဖြင့် ဘုရားသခင်ဟှာ နားထောန်တော်မူဟှယ်။ 8 ကိုယ်တော်ဟှာ ဘုရားသခင်ရဲ့ သားတော် ဖြစ်ဟှူလည်းဘဲ့ ဆင်းရဲဒေါက်ခဟှို ခံဟှူဇာအားဖြင့် နားထောန်ရှင်း ကျိုးကြောန်းဟှို သန်ယူတော်မူဘီး၊ 9 စောင်လင်ရှင်းဟှို ရော့‑က်ဘီးမှ ယောင်ကြည်နားထောင်ဟှူ သူလေဟှို ထာဝရကယ်တန်ရှင်း ကျေးဇူးဟှို ပြုဟှူသူ ဖြစ်တော်မူဘီး၊ 10 မေလခိဇေဒက်ဟှူမျိုး[c] ယဇ်ပုရောဟိတ်မန်း ဆိုဘီး ဘုရားသခင် သမုတ်ဇာဟှို ခံရလေဟှယ်။
- a ၅.၆ မေလခိဇေဒက်ဟှူမျိုး၊ အယ်မျိုးမှုဘဲနေဟှာ မေလခိဇေဒက်နတူဟှယ်၊ အယ်မျိုးမှုဘဲနေဟှာ မေလခိဇေဒက်ထိ ဆင်းသတ်လာဟှူမျိုးရိုး။
- b ၅.၇ မ ၂၆.၃၆–၄၆; မာ ၁၄.၃၂–၄၂; လု ၂၂.၃၉–၄၆
- c ၅.၁၀ မေလခိဇေဒက်ဟှူမျိုး၊ အယ်မျိုးမှုဘဲနေဟှာ မေလခိဇေဒက်န တူဟှယ်၊ အယ်မျိုးမှုဘဲနေဟှာ မေလခိဇေဒက်ထိ ဆင်းသတ်လာဟှူ မျိုးရိုး။
- d ၅.၁၂,၁၃ ၁ ကော ၃.၂