1 Keima kadah in thinglhanglam kavei, hichea kon a khu eipanpi hung hintem?

2 Vanle lei sem pa Paka a kon a eipanpi hung ahi.

3 Aman nangma nakipalsah louding; nachingpa chu ihmu louding ahi.

4 Tahbeh in Israel chingpa chu itihchan hijongleh ihmu lhulou ding ahilouleh ihmu louding ahi.

5 Yahweh Pakai ama tah chu nachingpa ahi! Ama nakom'a ading jingin nahoidohna lim in apang jinge.

6 Sun leh nisan nasangpeh pontin, janleh lhavah injong nasubeipon te.

7 Yahweh Pakaiyin thilse jousea nahoidohsah in tin nahinkho chingjing nante.

8 Yahweh Pakaiyin tu apat tonsot gei in navai kondoh leh nahung vailhun in nachingjing tahen.

<- La Bu 120La Bu 122 ->