1 Lungkham na leh lung gim na kato tengleh Yahweh Pakai kom kalhutjin ahileh Aman kataona asangjin ahi.

2 O Yahweh Pakaiyin mijoubol ho a konleh milepche ho a kon'in neihuhdoh'in.

3 Oh lepchena leigui mangcha ho, Pathen Pathen'in nangho ipi na louvin tem? Aman na chunga engbolna ichan gei in apunsahbe dem?

4 Nangma thalchang hemtah a naki sunding chuleh meihol sapehpoh naki desah ding ahi.

5 Gamlatah Meshach lah a ka chenchu kadanave, gamla tah Kedar ponbuh a ka chenchu ka thohlel ngeije,

6 Keima chamna deilah a kachenhi kakhoplheh jengtai,

7 Keiman chamna kahol in, ahinlah keiman chamna thu kaseipou pouleh ama hon gal bou adeijiu ve.

<- La Bu 119La Bu 121 ->