Link to home pageLanguagesLink to all Bible versions on this site

1 Kibumba lukyaali kyasyapwile kukuulua paakale, ni milyango luyaali yasyabiikilue, ni bakalinda ba milyango, ni bakemba, ni Balawi basyababiikile, 2 Naamubiikile Hanani umo wa mu lupua lwane kuba kalinda wa Yeruzalemu, pamo ni Hanania waali wali kiloolo wa balukale baali balinda kyubo kya Yeruzalemu pantu Hanania waali wa kisinka, kabili waali watiina Leza kukila vyaali vyatiina bange bantu. 3 Naabaanine nangue, “Milyango ya Yeruzalemu tekuti iye yaizulua mpaka sie koba kasyaselele, ni musita onse bakalinda lubakiimeene pa mwilo wa kulinda, milyango iye yaizeelue yakiikilue, kabili mubiikepo bekazi ba mu Yeruzalemu kuti baye bali bakalinda, kubalua muntu pa musita wakue, kabili kubalua muntu aye waimeene wakentele ku nghanda yakue.”

Mpendua ya bantu baabwelele kufuma mu buzia
(Ezra 2.1-70)

4 Muzi wa Yeruzalemu waali waleepele kabili watanine, inzi bantu tebaali bavulilemo, ni mo mwaali temunakuulue nghanda. 5 Mu mutima mwane Leza waabiikilemo malanga akukolonghania babiloolo, ni bakateeka, ni bantu bange kuti bapendue kukonkana ni mubabeeleele mu nvyalo. Naasangile kitabu kyaali kyalembeluemo balia baabwelele mu lwendo lwa mambo. Ni ne naamwene balembeluemo.

6 Baba i bekazi ba mu kiputu kya kyalo, balia baafumine mu buzia, bantu ba mu balia baatwelue kuli Nebukadneza likolo wa ku Babeli, baba bantu baabweleele mu Yeruzalemu ni mu Yudea, kubalua muntu mu muzi wakue. 7 Balia baizile pamo ni Zerubabeli meena abo ni aza: Yoshua, ni Nehemia, ni Azaria, ni Ramia, ni Nahamani, ni Mordekai, ni Bilsani, ni Misipereti, ni Bigwai, ni Nehumu, pamo ni Bana.

Mpendua ya balalume Baizraeli ni ezi:
8 Bena Parosi baali 2,172.
9 Bena Sefatia baali 372.
10 Bena Ara baali 652.
11 Bena Pahati-Moabu, bena Yeshua ni Yoabu, baali 2,818.
12 Bena Elamu baali 1,254.
13 Bena Zatu baali 845.
14 Bena Zakai baali 760.
15 Bena Binui baali 648.
16 Bena Bebai baali 628.
17 Bena Azgadi baali 2,322.
18 Bena Adonikamu baali 667.
19 Bena Bigwai baali 2,067.
20 Bena Adini baali 655.
21 Bena Ateri, benzikulu bakua Hezekia, baali 98.
22 Bena Hasumu baali 328.
23 Bena Besai baali 324.
24 Bena Harifu baali 112.
25 Bena Gibeoni baali 95.
26 Bantu ba ku Betlehemu, ni ba ku Netofa baali 188.
27 Bantu ba ku Anatoti baali 128.
28 Bantu ba ku Beti-Asimaweti, baali 42.
29 Bantu ba ku Kiriati-Yearimu, ni ba ku Kefira, ni ba ku Beroti, baali 743.
30 Bantu ba ku Rama, ni ba ku Geba, baali 621.
31 Bantu ba ku Mikimasi baali 122.
32 Bantu ba ku Beteli, ni ba ku Ai baali 123.
33 Bantu ba ku muzi unge wa Nebo baali 52.
34 Bantu ba ku muzi unge wa Elamu baali 1,254.
35 Bena Harimu baali 320.
36 Bantu ba ku Yeriko baali 345.
37 Bantu ba ku Lodi, ni ba ku Hadidi, pamo ni ba ku Ono, baali 721.
38 Bena Sena baali 3,930.
39 Babitambua, bena Yedaia, ba mu nghanda yakua Yeshua, baali 973.
40 Bena Imeri baali 1,052.
41 Bena Pasuri baali 1,247.
42 Bena Harimu baali 1,017.

43 Balawi, bena Yeshua i kulanda nangue Kadimieli, pamo ni bena Hodavia baali 74.

44 Bakemba, bena Asafu baali 148.
45 Bakalinda ba pa mulyango, ni bena Salumu, ni bena Ateri, ni bena Talmoni, ni bena Akubu, ni bena Hatita, pamo ni bena Sobai, baali 138.

46 Babombi ba mu Nghanda yakua Leza,

bena Siha, ni bena Hasufa, ni bena Tobaoti,
47 ni bena Kerosi, ni bena Sia, ni bena Padoni,
48 ni bena Lebana, ni bena Hagaba, ni bena Salmai,
49 ni bena Hanani, ni bena Gideli, ni bena Gahari,
50 ni bena Reaia, ni bena Resini, ni bena Nekoda,
51 ni bena Gazamu, ni bena Uza, ni bena Pasea,
52 ni bena Besai, ni bena Munimu, ni bena Nefusemu,
53 ni bena Bakibuki, ni bena Hakufa, ni bena Harihuri,
54 ni bena Basiliti, ni bena Mehida, ni bena Harsa,
55 ni bena Barkosi, ni bena Sisera, ni bena Tema,
56 ni bena Nezia, ni bena Hatifa.

57 Bantu ba mu luvyalo lwa babombi bakua Solomoni:

Bena Sitai, ni bena Sofereti, ni bena Perida,
58 ni bena Yala, ni bena Darkoni, ni bena Gideli,
59 ni bena Sefatia, ni bena Hatili, ni bena Pokereti-Hazebaimu, ni bena Amoni.

60 Babombi bonse ba mu Nghanda yakua Leza pamo ni bena Solomoni, baali 392. 61 Baba i balia baabwelele kufuma ku Teli-Mela, ni ku Teli-Harsa, ni ku Kerubu, ni ku Adoni, pamo ni ku Imeri, inzi ba-andilue kulondolola bikolue ni masiiko abo pakuti kisininkiziiwe nangue baali Baizraeli. 62 Bena Delaia, ni bena Tobia, ni bena Nekoda, baali 642.

63 Bena babitambua, ni bena Hobaia, ni bena Hakosi, ni bena Barzilai, olia waupile mukazyana mwina Barzilai Mugileadi wa mu mukowa wakua Barzilai, ni kwinikua liina lyabo. 64 Babo bantu baakebele butantiko bwa meena abo mu balia baapendeelue nvyalo, inzi tebaamwenekelemo. Ni pakako, baamwenekele kuba batiikeene, i kyaalengele kuti babafumie pa mwilo wa bukitambua. 65 [a]Ndabukizi waabakaaniizie kulia bintu bizuukiisie, mpaka musita waakabapo kitambua wa kubombia Urimu ni Tumimu.

66 Bantu bonse pamo, baali 42,360. 67 Babombi babo, balalume ni banakazi, baali 7,337.

Bakemba balalume ni banakazi baali 245.
68 Bafarasi babo baali 736.
Nyumbu[b] 245. 69 Nghamia yabo yaali 435.
Punda yabo yaali 6,720.

70 Bamasiiko bamo ba mu basibo, baafumiizie bunonsi bwabo pa mulandu wa ezi miilo. Tirshata waafumiizie mu kipao darkoni 1,000 ya oro, bibakuli 50, bya kuvwala babitambua 530. 71 Bange bamasiiko ba mu basibo baabiikile mu bukonto bwa miilo, darkoni 20,000 ya oro, ni manemane 2,200 ya mutofue. 72 Ni bantu baasyelepo, baafumiizie darkoni 20,000 ya oro, ni manemane 2,000 ya mutofue, ni bya kuvwala 67 bya babitambua.

73 [c] Evi babitambua, ni Balawi, ni balia bakalinda ba pa mulyango wa Nghanda yakua Leza, ni bakemba, ni bange bantu, ni babombi ba mu Nghanda yakua Leza, pamo ni Baizraeli bonse, baikeele mu mizi yabo.

Mu mwezi wa kilooba, Baizraeli bonse baile kwikala mu mizi yabo.

<- NEHEMIA 6NEHEMIA 8 ->