1 Eliasibu Kitambua Mukulu, waabuukile ni kuya pamo ni lupua lwakue lwa babitambua ku kukuula mulyango wa mikooko. Bauzuukiizie ni kubiikamo milyango yakue kubambila ku lupungu lwa katua kamo mpaka ku lupungu lwa Hananeli.

2 Kufuma papo paapeziizie Eliasibu, bantu ba ku Yeriko i baatwaliliile kukuula paakale.

Zakuri mwina Imuri ni ye i waatwaliliile kukuula paakale paapeziizie bantu ba ku Yeriko.

3 Baana balalume bena Hasena i baakuulile paakale mulyango wa lisabi. Baabiikile miilimiili, ni milyango, ni byela, ni minkolonto.

4 Meremoti mwina Uria, Uria mwina Hakosi, i waakuulile paakale kiputu kya kibumba kyaakonkelepo.

Mesulamu mwina Berekia, Berekia mwina Mesezabeli, i waakuulile paakale kiputu kya kibumba kyaakonkelepo.

Sadoki mwina Bana, i waakuulile paakale kiputu kya kibumba kyaakonkelepo. 5 Bantu ba ku Tekoa i baakuulile paakale kiputu kya kibumba kyaakonkelepo. Inzi bakulu babo tebaakwasiizieko miilo ya bemanizi ba miilo.

6 Yoyada mwina Pasea ni Mesulamu mwina Besodia, i baawamiizie mulyango wa kale, baabiikilemo miilimiili ni milyango, ni byela pamo ni minkolonto.

7 Melatia Mugibeoni, Yadoni Mumerono, ni bantu ba ku Gibeoni, ni ba ku Misipa, bantu ba mu buteeko bwakua ndabukizi wa kubwala mwenzi wa Efrati, i baakuulile paakale kiputu kya kibumba kyaakonkelepo.

8 Usieli mwina Harihaia, umo wa pa babombi baali basungulula oro, i waakuulile paakale kiputu kya kibumba kyaakonkelepo.

Hanania umo wa pa babombi ba kukita manukato, i waakuulile paakale kiputu kya kibumba kyaakonkelepo. Baakuulile Yeruzalemu yalumine mpaka pa kelia kibumba kikata.

9 Refaia mwina Huri, kateeka wa kitika kya kiputu kya Yeruzalemu, i waakuulile paakale kiputu kya kibumba kyaakonkelepo.

10 Yedaia mwina Harumafi, i waakuulile paakale kiputu kya kibumba kyaakonkelepo kyakenteene ni nghanda yakue.

Hatusi mwina Hasabunia i waakuulile paakale kiputu kya kibumba kyaakonkelepo.

11 Malkia mwina Harimu, ni Hasubu mwina Pahati-Moabu, i baakuulile paakale kiputu kya kibumba kyaakonkelepo ni lupungu lwa kikuka.

12 Salumu mwina Halohesi, kateeka wa kitika kya kiputu kya Yeruzalemu, pamo ni baana bakue bakazyana, i baamukwasiizie kukuula paakale kiputu kya kibumba kyaakonkelepo.

13 Hanuni, pamo ni bekazi ba mu Zanoa, i baakuulile paakale mulyango wa lulambe. Baukuulile ni kubiikamo mulyango, ni byela pamo ni minkolonto, ni kulundako metre 450 mu kuleepa kwa kibumba mpaka pa mulyango wa kizyalala.

14 Malkia mwina Rekabu, kateeka wa Beti-Karemu, i waakuulile paakale kiputu kya kibumba kyaakonkelepo ni kubiikamo milyango, ni byela pamo ni minkolonto.

15 Salumu mwina Kolihoze, kateeka wa ku Misipa, i waawamiizie mulyango wa kasulo, i waukuulile paakale ni kubiikapo mutenge, wabiikamo milyango, ni byela pamo ni minkolonto ni kukuula paakale kibumba kya kiziba kya Siloamu, pepi ni bukaba bwakua likolo, mpaka mu biselelo tukookele twafumine ku muzi wakua Daudi.

16 Nehemia, mwina Azibuku kateeka wa kitika kya kiputu kya ku Beti-Suri, i waakuulile paakale kiputu kya kibumba kyaakonkelepo mpaka ku nghanda ikata ikenteene ni kilibu kyakua Daudi, mpaka ku kiziba kya menda kyaimbilue na bantu, kabili mpaka ku nghanda ya babipami.

17 Balawi baali balombwelue na Rehumu mwina Bani, i baakuulile paakale kiputu kya kibumba kyaakonkelepo.

Hasabia, kateeka wa kitika kya kiputu kya kyalo kya Keila, i waakuulile paakale kiputu kya kibumba kyaakonkelepo.

18 Binui mwina Henadadi, kateeka wa kitika kya kiputu kya kyalo kya Keila, i waakuulile paakale kiputu kya kibumba kyaakonkelepo.

19 Ezeri mwina Yeshua, kateeka wa ku Misipa, i waakuulile paakale kiputu kya kibumba kyaakonkelepo, kabili i waakuulile paakale ni ku nkendo inge kine uliwasela waya lya ku nghanda ya bilwilo, pa lipeto lya kibumba.

20 Baruku mwina Zabai, i waakuulile paakale kiputu kya kibumba kyaakonkelepo pamo ni mu nkendo inge kutula pa lipeto lya kibumba, mpaka pa mulyango wa nghanda yakua Eliasibu Kitambua Mukulu.

21 Meremoti mwina Uria, Uria mwina Hakosi, i waakuulile paakale kiputu kya kibumba kyaakonkelepo, kabili waakuulile paakale ni mu nkendo inge, kutendekela pa mulyango wa nghanda yakua Eliasibu, mpaka pa mpeleezio ya ezio nghanda.

22 Babitambua baafumine mumbali Yeruzalemu, i baakuulile paakale kiputu kya kibumba kyaakonkelepo.

23 Benyamina ni Hasubu, i baakuulile paakale kiputu kya kibumba kyaakonkelepo kyakenteene ni nghanda yabo.

Azaria mwina Maseia, Maseia mwina Anania, i waakuulile paakale kiputu kya kibumba kyaakonkelepo lya mumbali nghanda yakue ye mwine.

24 Binui mwina Henadadi, i waakuulile paakale kiputu kya kibumba kyaakonkelepo, kabili waakuulile paakale ni kunge, kutendekela pa nghanda yakua Azaria, mpaka pa lipeto lya kibumba, kabili mpaka pa kafuli.

25 Palali mwina Uzai ni ye i waakuulile paakale kiputu kya kibumba kyaakonkelepo kutula pa lipeto lya kibumba, ni ku lupungu luleepeesie pa nghanda ya bukolo ili pepi ni musolo wa bakalinda.

Pa kyamba kyakue, waakonkelepo ni Pedaia mwina Parosi, 26 pamo ni babombi ba mu Nghanda yakua Leza, babo baali baikeele ku lupili lwa Ofeli, babo i baakuulile paakale kibumba kikenteene ni mulyango wa menda lya ku kabanga ni ku lupungu luleepeesie.

27 Bantu ba ku Tekoa i baakuulile paakale kiputu kya kibumba kyaakonkelepo ni mu nkendo inge walungheeme lya kolia kufumine lupungu luleepeesie, kabili mpaka ku kibumba kya pa lupili lwa Ofeli.

28 Pa muulu mulyango wa farasi, paakuulilue paakale na babitambua, kubalua kitambua waakuulile paakale pa ntanzi ya nghanda yakue.

29 Sadoki mwina Imeri, i waakuulile paakale kiputu kya kibumba kyaakonkelepo kyaali kyali pa ntanzi ya nghanda yakue.

Semaia mwina Sekania kalinda wa pa mulyango wa ku kabanga, i waakuulile paakale kiputu kya kibumba kyaakonkelepo.

30 Hanania mwina Selemia, ni Hanuni mwana wa mutanda mwina Zalafi, i baakuulile paakale kiputu kya kibumba kyaakonkelepo, kabili baakuulile paakale ni mu nkendo inge.

Mesulamu mwina Berekia, i waakuulile paakale kiputu kya kibumba kyaakonkelepo kyaali kyali pa ntanzi ya nghanda yakue.

31 Malkia umo wa pa babombi baali basungulula oro, i waakuulile paakale kiputu kya kibumba kyaakonkelepo mpaka ku nghanda ya babombi ba mu Nghanda yakua Leza ni ya basulu ikenteene ni mulyango wa bakalinda ba pa mulyango, kabili mpaka pa muputule wa pa muulu wa mu kafuli.

32 Babombi baali basungulula oro pamo ni basulu, i baakuulile paakale kiputu kya kibumba kyaakonkelepo, kabili i baakuulile pa bukata bwa muputule wa pa muulu wa mu kafuli, mpaka pa mulyango wa mikooko.

<- NEHEMIA 2NEHEMIA 4 ->