6
Amingingo omu marhangulo
1 Gwârhi omukulu w’abimbiza. Oku nzihwa zishwêkwa n’emisî. Oku izù lya kali munâni. Lulanga. Lwa Daudi.
2 Yâgirwa Nyamuzinda, orhampanaga omu burhè bwâwe,
orhanankalihiraga omu bukunizi bwâwe.
3 Mâshi Nyakasane, ombêre obwonjo ntà misî ncigwêrhe,
nfumya, Yâgirwa Nnâmahanga,
bulya enjingo z’orhuvuha rhwâni zikola zihozire.
4 Omurhima gwankangusire,
nâwe, we Nnâmahanga kuhika mangaci?
5 Galuka, mâshi Yâgirwa Nyakasane onyôkole;
oncize buzigire bwâwe burhumire.
6 Bulya ntâye ofîre wankacikuyibuka
ndi wankakukuza kurheng’e kuzimu?
7 Ndi bufà erhi maganya garhuma
erhi binajinga, nanyongoberere omu lwôgo lwâni
oku narhoga emirenge, ncîkwêbe omu ncingo yâni.
8 Amasù gakola ganduma erhi mirenge erhuma,
abashombanyi bâni boshi bagahûsa.
9 Ntengiho mweshi banyankola-maligo
bulya Nyamuzinda ayumvîrhîze emirenge yâni.
10 Nnâmahanga ayumvîrhîze izù lyâni;
Nyakasane ayumvîrhîze omusengero gwâni.
11 Abashombanyi bâni boshi bafè n’obôba,