18 Anaciderha, erhi: «Lwîganyo luci nankashushanya Obwâmi bwa Nyamuzinda? Cici nankabugererakwo? 19 Kwo buli nka mogomogo y’emburho y’esinapi[b] omuntu ayankaga, ayimîra omu kwâge; yakula yanabà murhi, orhunyunyi rhw’emalunga rhwayish’ikayûbaka omu mashami gâgwo».
20 Ashub’iderha, erhi: «Cici nankagererakwo[c] Obwâmi bwa Nyamuzinda? 21 Kwo buli nka lwango omukazi ayankaga, aluheba omu nshâno ya mirengo isharhu, kuhika yoshi yalinda ebumbugurha[d]».
22 Aj’agera omu bishagala n’omu ngo, erhi aj’ayigîriza anali omu njira y’okujà e Yeruzalemu. 23 Muntu muguma amubwîra, erhi: «Waliha, ka banyi bâyôkoke?» 24 Anacibashuza, erhi: «Mucîsêze okugerera omu muhango mufùnda; bulya, mmubwîre, banji bayish’ilonza okugera barhanahashe. 25 “Amango nnanyumpa abà amayimuka amânahamika olumvi, ninyu mwamayôrha embuga, murhondêra mwakomamba, mpu”: “Mâshi Waliha, orhuyigulire nîrhu”, ayish’immushuza, erhi: “Ntishi muli ba ngahi”. 26 “Ninyu obwo mwârhondêre okumubwîra, mpu”: “Rhwalîre rhwananywa haguma nâwe, wayigîrize n’emwîrhu”. 27 Naye anâmushuze, erhi: “Ntishi muli ba ngahi; ntengiho, mujè aha ntashigirwa, mwe banyankola-maligo mweshi!” 28 “Lyo mwayish’ihôgera n’okukenyeza amîno, mubona Abrahamu n’Izaki na Yakôbo n’abalêbi boshi omu Bwâmi bwa Nyamuzinda, ninyu mubona oku mwakabulîrwe embuga”. 29 “Bayish’ihubuka Ebushoshôkero[e] n’Ebuzikiro bw’izûba, Emwênè n’Emukondwè, bayish’ishangîra Obwâmi bwa Nyamuzinda”. 30 “Nêci, hali abazinda bâbè barhanzi[f], hali n’abarhanzi bâbè bazinda”».
34 «Yeruzalemu, Yeruzalemu! Obu oniga abalêbi n’okubanda entumwa bakurhumirwe amabuye, kanga nalonzize okukumakuma abâna bâwe nka kulya engoko eyûbarhira abanangoko bâyo omu byûbi… orhanalonzagya! 35 Mumanyage! obu mukola mwâlekerwa enyumpa yinyu mushaka. Nêci, mmubwîzire oku murhakacishub’imbona kuhika olusiku mwâderhe, mpu: Aganze oyishire oku izîno lya Nyakasane!»
<- LUKA 12LUKA 14 ->- a 13, 5 Omu masù g’Abayahudi, amalumwa càli cimanyîso c’obuhane bwa Nnâmahanga. Bôhe, bâli bacîkêbirwe mpu abo bâbo banigagwa n’abàhoneragwa n’omutungo bo bâli babî, mpu n’abandi barhabonaga ago mababale bâli bêru-kwêru. Hali amango Nnâmahanga akarhumira abinja amababale en’igulu, n’ababî abaleke. Co cirhumire ntâye ciru n’omuguma okwânîne okulonz’imanya omahwe ga Nyamuzinda, bulya rhweshi rhuli banya-byâha, na rhweshi rhukwânîne rhulyûle ebyâha bîrhu n’eby'abirhu bantu.
- b 13, 19 Lolà amahugûlo: Mrk 4, 32.
- c 13, 20 Migani minji ekulikirîne omu milongo yayisha aha idako
- d 13, 21 Obwâmi bwa Nyamuzinda, yo Ekleziya. Olwo lwango, lwo lwîganyo lw’Akanwa ka Mwâmi Yezu; n’enshâno lwahebwamwo, lyo igulu.
- e 13, 29 Empande ini z’igulu oku muntu oyêrekire emunda izûba lishoshôka: Ebushoshôkero, Ebuzikiro, Ebumosho n’Ebulyo: kandi rhwanaderha, Buzûka-zûba, Buzika-zûba, Emwênè n’Emukondwè.
- f 13, 30 Ahâli h’okulonz’imanya erhi abîshogwa bâbè banyi erhi banji, kukwânîne okucîyunjuza lyo rhuyish’ibà omu bîshogwa. Bulya arhali okubà ba mulala gw’lhrahimu kwo kwankaciza omuntu; arhanali okubà omu barhanzi kwârhume abantu bacunguka, nanga! Cîntu ciguma cône cârhume rhwacunguka: okuyêmêra Kristu n’okucisêza okukulikira amarhegeko n’obulonza bwa Nnâmahanga.
- g 13, 32 Okuyûkiriza kwa Yezu, kwo kufà n’okufûka kwâge.
- h 13, 33 Ene, irhondo na lisirhondo, zo nsiku Mwâmi Yezu aciri en’igulu. Hano ezo nsiku ziyunjula, anagwârhwa aj’ifira omu Yeruzalemu.