1 Qadam SIDI, maɣar Netta iṣbeḥ,

maɣar tamexsiwt nnes icewwaren

tᵉttɣima i řebda. [a]

2 Qadam wenni d AREBBI x marra irebbiten,

maɣar tamexsiwt nnes icewwaren

tᵉttɣima i řebda.

3 Qadam wenni d Sidi x marra isiditen,

maɣar tamexsiwt nnes icewwaren

tᵉttɣima i řebda,

4 ... wenni itteggen lmuɛjizat timeqqranin,

Netta waha,

maɣar tamexsiwt nnes icewwaren

tᵉttɣima i řebda,

5 ... wenni iggin ijenwan s řefhamet,

maɣar tamexsiwt nnes icewwaren

tᵉttɣima i řebda, [b]

6 ... wenni iggin tammurt x waman,

maɣar tamexsiwt nnes icewwaren

tᵉttɣima i řebda. [c]

7 ... wenni iggin tifawin timeqqranin,

maɣar tamexsiwt nnes icewwaren

tᵉttɣima i řebda, [d]

8 tafuct ḥima ad teḥkem x wass,

maɣar tamexsiwt nnes icewwaren

tᵉttɣima i řebda, [e]

9 taziri d itran ḥima ad ḥekmen x ǧiřet,

maɣar tamexsiwt nnes icewwaren

tᵉttɣima i řebda,

10 ... wenni iwtin Imiṣriyyen

deg imenza nsen,

maɣar tamexsiwt nnes icewwaren

tᵉttɣima i řebda, [f]

11 ... wenni dd-issuffɣen Israil

zi řwest nsen,

maɣar tamexsiwt nnes icewwaren

tᵉttɣima i řebda, [g]

12 s ufus ijehden d uɣiř ittwassgeɛɛden,

maɣar tamexsiwt nnes icewwaren

tᵉttɣima i řebda. [h]

13 ... wenni ibḍan Řebḥar n Telga x tnayen,

maɣar tamexsiwt nnes icewwaren

tᵉttɣima i řebda, [i]

14 uca isseẓwa Israil di řwest nnes,

maɣar tamexsiwt nnes icewwaren

tᵉttɣima i řebda.

15 uca inḍar Firɛun di Řebḥar n Telga

ak-d řɛeskar nnes,

maɣar tamexsiwt nnes icewwaren

tᵉttɣima i řebda. [j]

16 ... wenni inedhen řgens nnes

deg webrid di řexřa,

maɣar tamexsiwt nnes icewwaren

tᵉttɣima i řebda. [k]

17 ... wenni iwtin ijeǧiden imeqqranen,

maɣar tamexsiwt nnes icewwaren

tᵉttɣima i řebda, [l]

18 uca inɣa ijeǧiden ijehden,

maɣar tamexsiwt nnes icewwaren

tᵉttɣima i řebda.

19 Ɛqeř x Siḥun, ajeǧid n Imuriyyen,

maɣar tamexsiwt nnes icewwaren

tᵉttɣima i řebda,

20 x Ɛuj, ajeǧid n Bacan,

maɣar tamexsiwt nnes icewwaren

tᵉttɣima i řebda. [m]

21 Tammurt nsen iwca i-tt d tasɣart,

maɣar tamexsiwt nnes icewwaren

tᵉttɣima i řebda, [n]

22 d tasɣart i umsexxar nnes Israil,

maɣar tamexsiwt nnes icewwaren

tᵉttɣima i řebda.

23 Idar aneɣ di ddeǧ nneɣ,

maɣar tamexsiwt nnes icewwaren

tᵉttɣima i řebda.

24 Netta ikkes aneɣ-dd zeg ifassen

n yinni d aneɣ iḥṣaren,

maɣar tamexsiwt nnes icewwaren

tᵉttɣima i řebda.

25 Netta d wenni itticen macca

i marra imuddaren,

maɣar tamexsiwt nnes icewwaren

tᵉttɣima i řebda. [o]

26 Qadam Arebbi n ijenwan,

maɣar tamexsiwt nnes icewwaren

tᵉttɣima i řebda.