1 Xas uca yarra-dd Bildad, i dd-yusin zi Cuḥa, inna:

2 Ṣṣulṭa d jjehd issaggʷaden

aqa aten ɣares,

Netta ittegg řehna di řuɛřa nnes.

3 Ma izemmar ad ḥesben

mecḥař i ɣares n řɛeskar?

X man war tᵉttgeɛɛed tfawt nnes?

4 Mammec xenni izemmar bnadem

ad yiři d amsegged zzat i Arebbi,

mammec izemmar

wenni dd-ittwarwen zi temɣart

ad yiři d amezdag? [a]

5 Xzar, ɛad taziri simant nnes

war tᵉttwesseg s řeṣfayet,

itran war ṣfin di tiṭṭawin nnes. [b]

6 Ahta ɛad bnadem, wenni d awekki,

u mmis n bnadem, wenni d akeccaw. [c]