1 قَاذَامْ سِيذِي، مَاغَارْ نتَّا إِصْبحْ،

مَاغَارْ ثَامخْسِيوْثْ نّسْ إِشوَّارنْ

ثتّْغِيمَا إِ ڒبْذَا. [a]

2 قَاذَامْ ونِّي ذ أَربِّي خْ مَارَّا إِربِّيثنْ،

مَاغَارْ ثَامخْسِيوْثْ نّسْ إِشوَّارنْ

ثتّْغِيمَا إِ ڒبْذَا.

3 قَاذَامْ ونِّي ذ سِيذِي خْ مَارَّا إِسِيذِيثنْ،

مَاغَارْ ثَامخْسِيوْثْ نّسْ إِشوَّارنْ

ثتّْغِيمَا إِ ڒبْذَا،

4 ... ونِّي إِتّڭّنْ لْمُوعْجِيزَاثْ ثِيمقّْرَانِينْ،

نتَّا وَاهَا،

مَاغَارْ ثَامخْسِيوْثْ نّسْ إِشوَّارنْ

ثتّْغِيمَا إِ ڒبْذَا،

5 ... ونِّي إِڭِّينْ إِجنْوَانْ س ڒفْهَامثْ،

مَاغَارْ ثَامخْسِيوْثْ نّسْ إِشوَّارنْ

ثتّْغِيمَا إِ ڒبْذَا، [b]

6 ... ونِّي إِڭِّينْ ثَامُّورْثْ خْ وَامَانْ،

مَاغَارْ ثَامخْسِيوْثْ نّسْ إِشوَّارنْ

ثتّْغِيمَا إِ ڒبْذَا. [c]

7 ... ونِّي إِڭِّينْ ثِيفَاوِينْ ثِيمقّْرَانِينْ،

مَاغَارْ ثَامخْسِيوْثْ نّسْ إِشوَّارنْ

ثتّْغِيمَا إِ ڒبْذَا، [d]

8 ثَافُوشْثْ حِيمَا أَذْ ثحْكمْ خْ وَاسّْ،

مَاغَارْ ثَامخْسِيوْثْ نّسْ إِشوَّارنْ

ثتّْغِيمَا إِ ڒبْذَا، [e]

9 ثَازِيرِي ذ إِثْرَانْ حِيمَا أَذْ حكْمنْ خْ دْجِيڒثْ،

مَاغَارْ ثَامخْسِيوْثْ نّسْ إِشوَّارنْ

ثتّْغِيمَا إِ ڒبْذَا،

10 ... ونِّي إِوْثِينْ إِمِيصْرِييّنْ

ذڭْ إِمنْزَا نْسنْ،

مَاغَارْ ثَامخْسِيوْثْ نّسْ إِشوَّارنْ

ثتّْغِيمَا إِ ڒبْذَا، [f]

11 ... ونِّي د-إِسُّوفّْغنْ إِسْرَائِيل

زِي ڒْوسْثْ نْسنْ،

مَاغَارْ ثَامخْسِيوْثْ نّسْ إِشوَّارنْ

ثتّْغِيمَا إِ ڒبْذَا، [g]

12 س ؤُفُوسْ إِجهْذنْ ذ ؤُغِيڒْ إِتّْوَاسّْڭعّْذنْ،

مَاغَارْ ثَامخْسِيوْثْ نّسْ إِشوَّارنْ

ثتّْغِيمَا إِ ڒبْذَا. [h]

13 ... ونِّي إِبْضَانْ ڒبْحَارْ ن ثلْڭَا خْ ثْنَاينْ،

مَاغَارْ ثَامخْسِيوْثْ نّسْ إِشوَّارنْ

ثتّْغِيمَا إِ ڒبْذَا، [i]

14 ؤُشَا إِسّژْوَا إِسْرَائِيل ذِي ڒْوسْثْ نّسْ،

مَاغَارْ ثَامخْسِيوْثْ نّسْ إِشوَّارنْ

ثتّْغِيمَا إِ ڒبْذَا.

15 ؤُشَا إِنْضَارْ فِيرْعُونْ ذِي ڒبْحَارْ ن ثلْڭَا

أَكْ-ذ ڒْعسْكَارْ نّسْ،

مَاغَارْ ثَامخْسِيوْثْ نّسْ إِشوَّارنْ

ثتّْغِيمَا إِ ڒبْذَا. [j]

16 ... ونِّي إِنذْهنْ ڒْڭنْسْ نّسْ

ذڭْ وبْرِيذْ ذِي ڒخْڒَا،

مَاغَارْ ثَامخْسِيوْثْ نّسْ إِشوَّارنْ

ثتّْغِيمَا إِ ڒبْذَا. [k]

17 ... ونِّي إِوْثِينْ إِجدْجِيذنْ إِمقّْرَاننْ،

مَاغَارْ ثَامخْسِيوْثْ نّسْ إِشوَّارنْ

ثتّْغِيمَا إِ ڒبْذَا، [l]

18 ؤُشَا إِنْغَا إِجدْجِيذنْ إِجهْذنْ،

مَاغَارْ ثَامخْسِيوْثْ نّسْ إِشوَّارنْ

ثتّْغِيمَا إِ ڒبْذَا.

19 عْقڒْ خْ سِيحُونْ، أَجدْجِيذْ ن إِمُورِييّنْ،

مَاغَارْ ثَامخْسِيوْثْ نّسْ إِشوَّارنْ

ثتّْغِيمَا إِ ڒبْذَا،

20 خْ عُوجْ، أَجدْجِيذْ ن بَاشَانْ،

مَاغَارْ ثَامخْسِيوْثْ نّسْ إِشوَّارنْ

ثتّْغِيمَا إِ ڒبْذَا. [m]

21 ثَامُّورْثْ نْسنْ إِوْشَا إِ-ت ذ ثَاسْغَارْثْ،

مَاغَارْ ثَامخْسِيوْثْ نّسْ إِشوَّارنْ

ثتّْغِيمَا إِ ڒبْذَا، [n]

22 ذ ثَاسْغَارْثْ إِ ؤُمْسخَّارْ نّسْ إِسْرَائِيل،

مَاغَارْ ثَامخْسِيوْثْ نّسْ إِشوَّارنْ

ثتّْغِيمَا إِ ڒبْذَا.

23 إِذَارْ أَنغْ ذِي دّدْجْ نّغْ،

مَاغَارْ ثَامخْسِيوْثْ نّسْ إِشوَّارنْ

ثتّْغِيمَا إِ ڒبْذَا.

24 نتَّا إِكّسْ أَنغْ-د زڭْ إِفَاسّنْ

ن يِينِّي ذ أَنغْ إِحْصَارنْ،

مَاغَارْ ثَامخْسِيوْثْ نّسْ إِشوَّارنْ

ثتّْغِيمَا إِ ڒبْذَا.

25 نتَّا ذ ونِّي إِتِّيشنْ مَاشَّا

إِ مَارَّا إِمُودَّارنْ،

مَاغَارْ ثَامخْسِيوْثْ نّسْ إِشوَّارنْ

ثتّْغِيمَا إِ ڒبْذَا. ◼136:‏25 ’مَارَّا إِنِّي إِدَّارنْ‘ - س ثْعِيبْرَانِيثْ ’إِ مَارَّا أَيْسُومْ‘، إِخْسْ أَذْ يِينِي إِ مَارَّا إِوْذَانْ ؤُ إِ مَارَّا إِمُودَّارنْ (لْحَايَاوَانَاثْ).

26 قَاذَامْ أَربِّي ن إِجنْوَانْ،

مَاغَارْ ثَامخْسِيوْثْ نّسْ إِشوَّارنْ

ثتّْغِيمَا إِ ڒبْذَا.