1 إِجّْ ن مِّيسْ ذ أَمِيغِيسْ

ذ صِّيفثْ ن ؤُوبّخْ ن بَابَاسْ،

مَاشَا أَمسْثهْزِييْ

وَارْ إِتّسْڒِي غَارْ ؤُثخْثِيخْ.

2 زِي ڒْغِيدْجثْ ن وَاوَاڒنْ نّسْ

أَذْ يشّْ بْنَاذمْ ڒْخَارْ،

مَاشَا ڒعْمَارْ ن إِغدَّارنْ

أَذْ يشّْ لْعُونْفْ. [a]

3 ونِّي يسَّارنْ أَقمُّومْ نّسْ،

إِحطَّا ڒعْمَارْ نّسْ،

مَاشَا ونِّي يَارزّْمنْ

إِينْشِيشنْ نّسْ أَطَّاسْ،

إِتّْرَاجَا ث ؤُهلّكْ.

4 ڒعْمَارْ ن ؤُمعْڭُوزْ يَارْجفْ،

وَاخَّا أَيَا وَارْ إِنفّعْ ذِي وَالُو،

مَاشَا ڒعْمَارْ ن يِينِّي إِتّْشطَّارنْ

أَذْ إِتّْوَاسّْجِيوْننْ.

5 أَوَاڒنْ ن إِخَارِّيقنْ

إِشَارّهْ إِ-ثنْ ؤُمْسڭّذْ،

مَاشَا أَعفَّانْ إِسَّارْزَاڭْ إِخفْ نّسْ

ؤُ إِسّْفطَّاحْ إِنّغْنِي.

6 ثَاسڭْذَا ثْحطَّا

ونِّي إِڭُّورنْ أَبْرِيذْ نّسْ نِيشَانْ،

مَاشَا ثُوعفّْنَا أَذْ ث إِسّْهلّكْ أَمذْنُوبْ. [b]

7 أَقَا ذِينْ إِنِّي إِتَّارَّانْ إِخفْ نْسنْ

ذ بُو-وَاڭْڒَا، وَاخَّا وَارْ غَارْسنْ وَالُو،

ؤُ أَقَا ذِينْ إِنِّي إِتَّارَّانْ إِخفْ نْسنْ

ذ إِمزْڒَاضْ، وَاخَّا غَارْسنْ أَطَّاسْ. [c]

8 دّيّثْ إِ ڒعْمَارْ ن شَا ن يِيجّنْ

ذ أَڭْڒَا نّسْ،

مَاشَا أَمزْڒُوضْ وَارْ إِتّسْڒِي شَا

ؤُڒَا ذ إِجّْ ن ؤُهُوذِّي.

9 ثَافَاوْثْ ن إِمْسڭَّاذنْ أَذْ ثَارْغْ س ڒفْرَاحثْ،

مَاشَا ڒفْنَارْ ن إِعفَّاننْ أَذْ إِخْسِي. [d]

10 زِي ثْنفْسشْثْ إِتَّاسْ-د مْغِيرْ ؤُمنْغِي،

مَاشَا إِنِّي إِكسِّينْ أَشَاوَارْ، غَارْسنْ ثِيغِيثْ.

11 أَڭْڒَا ن ذغْيَا، أَذْ يِيڒِي ذْرُوسْ،

مَاشَا ونِّي إِيَارّْونْ س ؤُفُوسْ،

أَذْ يَارْبحْ. [e]

12 ڒَايَاسْ يُويْڒنْ إِسّْعِيدْجْ ؤُڒْ،

مَاشَا ثْوَارِّيثْ ن مژْرِي إِشُّورنْ،

أَقَا ت ذ ثَاشجَّارْثْ ن ثُوذَارْثْ. ◼13:‏12 ’ثَاشجَّارْثْ‘ - نِيغْ ’أَدَّاڭْ‘ (’إِدَّاڭنْ‘).

13 ونِّي إِسّحْقَارَانْ أَوَاڒْ،

أَذْ زَّايسْ إِتّْوَاقّنْ،

مَاشَا ونِّي إِتّڭّْوذنْ ثَاوْصيّثْ،

أَذْ إِتّْوَاخدْجصْ.

14 ثَاغُورِي ن ؤُمِيغِيسْ ذ ڒْعُونْصَارْ ن ثُوذَارْثْ،

مَاحنْذْ أَذْ يَاڒْوڒْ بْنَاذمْ

إِ ثخْشِيفِينْ ن ڒْموْثْ. [g]

15 ڒعْقڒْ إِصبْحنْ إِتَّاوِي-د أَرْضَا،

مَاشَا أَبْرِيذْ ن إِغدَّارنْ

أَقَا إِقْسحْ أَطَّاسْ.

16 كُوڒْ إِجّنْ ونِّي إِفتّْننْ،

إِخدّمْ س ثُوسّْنَا،

مَاشَا أَبُوهَاڒِي إِتّْبزَّاعْ ثَاغْيُوڒِي نّسْ.[h]

17 أَمْسخَّارْ أَعفَّانْ إِوطَّا ذِي ڒْغَارْ،

مَاشَا أَمْسخَّارْ ذ أَمْثِيقِّي

إِتَّاوِي-د أَڭنْفُو.

18 زّْڒضْ ذ ڒفْضِيحثْ أَقَا أَثنْ

إِ ونِّي يُوڭِينْ تَّارْبِييّثْ،

مَاشَا ونِّي إِكْسِينْ أَوبّخْ

غَارْ وُوڒْ نّسْ، أَذْ إِتّْوَاوقَّارْ. [i]

19 إِجّْ ن ؤُسِيثمْ إِشُّورنْ ذ أَمِيژِيذْ إِ ڒعْمَارْ،

مَاشَا إِ إِبُوهَاڒِييّنْ ذ نّْعِي

مَاحنْذْ أَذْ حيّْذنْ خْ ڒْغَارْ.

20 ونِّي إِڭُّورنْ أَكْ-ذ إِمِيغِيسنْ،

أَذْ إِذْوڒْ ذ أَمِيغِيسْ،

مَاشَا ونِّي إِتّمْصُورُّوفنْ

أَكْ-ذ إِبُوهَاڒِييّنْ، أَذْ ث إِڒْقفْ دّدْجْ.

21 ڒْغَارْ أَذْ إِضْفَارْ إِمذْنَابْ،

مَاشَا أَمْسڭّذْ أَذْ ث خدْجْضنْ س ڒْخَارْ.

22 ونِّي إِصبْحنْ إِتّجَّا ثَاسْغَارْثْ إِ وَايَّاونْ نّسْ،

مَاشَا أَڭْڒَا ن أَيْثْ-بُو-دّْنُوبْ

إِتّْوَاخمّڒْ إِ ؤُمْسڭّذْ. [j]

23 أَرْبرْ ن إِمزْڒَاضْ

إِتَّاوِي-د مَاشَّا س وَاطَّاسْ،

مَاشَا أَقَا ذِينْ إِنِّي إِتّْوَاهلّْكنْ

ڒَْامِي ذِينْ أَنْقَاسْ ن ڒْحقّْ. [k]

24 ونِّي إِمنّْعنْ أَعْمُوذْ نّسْ،

إِشَارْهْ مِّيسْ،

مَاشَا ونِّي ث إِتّخْسنْ،

إِتّكَّارْ أَكِيذسْ إِتّْوبّخْ إِ-ث ذِي ڒْوقْثْ. [l]

25 أَمْسڭّذْ أَذْ إِشّْ

أَڒْ غَا إِجَّاونْ ڒعْمَارْ نّسْ،

مَاشَا أَعذِّيسْ ن إِعفَّاننْ

أَذْ إِقِّيمْ إِتّحْوَاجَا ڒبْذَا.