1 ضْفَارمْ أَيِي-د أَمْ مَامّشْ ضْفَارغْ لْمَاسِيحْ. [a] 2 سّمْغَارغْ كنِّيوْ، أَ أَيْثْمَا إِنُو، مِينْزِي ثتّْفكَّارمْ ذَايِي ذِي مَارَّا ؤُشَا ثتّطّْفمْ ذِي ثوْصيَّاثْ، أَمْ مَامّشْ ذ أَومْ ثنْثْ وْشِيغْ.

3 مَاشَا خْسغْ أَذْ ثسّْنمْ بلِّي لْمَاسِيحْ ذ أَزدْجِيفْ ن كُوڒْ أَرْيَازْ ؤُشَا أَرْيَازْ ذ أَزدْجِيفْ ن ثمْغَارْثْ، ؤُشَا أَربِّي ذ أَزدْجِيفْ ن لْمَاسِيحْ. [b] 4 كُوڒْ أَرْيَازْ ونِّي إِتّْژَادْجَانْ نِيغْ إِتّْنَابّنْ أَمْ إِڒحّفْ خْ ؤُزدْجِيفْ نّسْ، إِفطّحْ أَزدْجِيفْ نّسْ. 5 مَاشَا كُوڒْ ثَامْغَارْثْ ثنِّي إِتّْژَادْجَانْ نِيغْ إِتّْنَابّنْ أَمْ ثسّْعَارَّا ؤُزدْجِيفْ نّسْ، ثْفطّحْ أَزدْجِيفْ نّسْ، مِينْزِي نتَّاثْ أَمْ ثنِّي إِحفّنْ أَزدْجِيفْ نّسْ. 6 مِينْزِي مَاڒَا ثَامْغَارْثْ وَارْ ثْڒحِّيفْ، أجّْ إِ-ت أَذْ ثْحفّْ عَاوذْ. مَاشَا مَاڒَا ذ ڒفْضِيحثْ إِ ثمْغَارْثْ مَاڒَا ثْقسّْ أَشُووَّافْ نِيغْ ثْحفّْ، حْسنْ مَاڒَا ثْڒحّفْ. [c] 7 مِينْزِي أَرْيَازْ وَارْ إِتّحْوِيجِي شَا أَذْ إِڒحّفْ أَزدْجِيفْ نّسْ، مِينْزِي نتَّا ذ صِّيفثْ ذ أَعُودْجِي ن أَربِّي، مَاشَا ثَامْغَارْثْ ثدْجَا ذ أَعُودْجِي ن ورْيَازْ. [d] 8 مِينْزِي أَرْيَازْ وَارْ إِدْجِي شَا زِي ثمْغَارْثْ، مَاشَا ثَامْغَارْثْ زڭْ ورْيَازْ. [e] 9 أَرْيَازْ عَاوذْ وَارْ د-إِخْڒِيقْ شَا إِ ثمْغَارْثْ، مَاشَا ثَامْغَارْثْ إِ ورْيَازْ. 10 س ؤُينِّي إِتّْخصَّا أَسْ إِ ثمْغَارْثْ أَذْ غَارسْ ثِيڒِي صُّولْطَا خْ ؤُزدْجِيفْ نّسْ خْ سِّيبّثْ ن لْمَالَاكَاثْ. 11 مَاشَا ذِي سِيذِيثْنغْ أَرْيَازْ وَارْ إِدْجِي بْڒَا ثَامْغَارْثْ، ؤُڒَا ذ ثَامْغَارْثْ وَارْ ثدْجِي بْڒَا أَرْيَازْ. 12 مِينْزِي أَمْ مَامّشْ ثَامْغَارْثْ ثُوسَا-د زڭْ ورْيَازْ، أَمنِّي عَاوذْ إِدْجَا ورْيَازْ س ثمْغَارْثْ، مَاشَا مَارَّا مِينْ إِدْجَانْ أَقَا-ث زِي أَربِّي. 13 حكْممْ كنِّيوْ سِيمَانْثْ نْومْ: مَا ثُوسَا-د خْ ثمْغَارْثْ أَذْ ثژَّادْجْ إِ أَربِّي أَمْ ثسّْعَارَّا إِ ؤُزدْجِيفْ نّسْ؟ 14 مَا ثُوبَّارْثْ سِيمَانْثْ نّسْ وَارْ ذ أَومْ ثسّْشَانْ بلِّي أَشُووَّافْ ذ أَزِيرَارْ ذ ڒفْضِيحثْ إِ ورْيَازْ؟ 15 مَاشَا إِ ثمْغَارْثْ ذ أَعُودْجِي مَاڒَا غَارسْ يِيڒِي ؤُشُوَّافْ ذ أَزِيرَارْ، مِينْزِي إِمّوْشْ أَسْ ؤُشُوَّافْ أَمْ ؤُڒحَّافْ. 16 مَاشَا مَاڒَا إِخْسْ حذْ أَذْ إِخَارْوضْ مَانْ أَيَا، نشِّينْ وَارْ غَارْنغْ بُو ثْنَامِيثْ نِّي ؤُڒَا ذ ثِيمسْمُونِينْ ن أَربِّي. [f]

17 وصِّيغْ كنِّيوْ خْ ثْمسْڒَايِينْ-أَ ڒخُّو، أَقَا وَارْ ذ أَومْ تّڭّغْ شَّانْ، مِينْزِي وَارْ ثُويُورمْ غَارْ زَّاثْ، مَاشَا ثُويُورمْ غَارْ ضفَّارْ. 18 غَارْ ؤُمزْوَارْ، مَاڒَا ثْمُونمْ أَمْ ثْمسْمُونْثْ، سْڒِيغْ أَقَا ذِينْ جَارْ أَومْ أَمْسبْضِي، ؤُ مَانْ أَيَا زمَّارغْ أَذْ ث أَمْنغْ إِ إِجّْ ن وزْينْ، 19 س مِينْزِي إِتّْخصَّا أَذْ ذِينْ إِڒِينْ جَارْ أَومْ إِمْشُوبّْشنْ، حِيمَا أَذْ إِبَانْ مَانْ ونْ زَّايْومْ إِ إِدْجَانْ ذ أَمْقدْجبْ. [g]

20 خْمِي تّْمُونَامْ، وَارْ ثتّتّمْ ذ ثْسسّمْ أَمْ مَامّشْ إِشُووَّارْ ذڭْ وَاسّْ ن سِيذِيثْنغْ، ◼11:‏20 ’أَسّْ ن سِيذِيثْنغْ‘ - مَانْ أَيَا إِخْسْ أَذْ يِينِي أَسّْ ن ؤُمنْسِي ن سِيذِي.  [i] 21 مَاشَا كُوڒْ إِجّنْ إِتّتّْ أَمنْسِي نّسْ إِ يِيخفْ نّسْ، ؤُشَا خنِّي إِجّنْ نّغْنِي ذَايسْ ڒَاژْ ؤُشَا نّغْنِي إِسْشَارَا. 22 مَا وَارْ غَارْومْ ثُوذْرِينْ مَانِي غَا ثشّمْ ؤُ مَانِي غَا ثسْومْ؟ نِيغْ ثسّحْقَارَامْ ثَامسْمُونْثْ ن أَربِّي ؤُشَا ثسّْحشَّاممْ إِنِّي وَارْ غَارْ إِدْجِي شَا؟ مِينْ ذ أَومْ إِ غَا إِنِيغْ؟ مَا أَذْ أَومْ ڭّغْ شَّانْ؟ لَّ، وَارْ ذ أَومْ تّڭّغْ شَّانْ!

23 مِينْزِي مِينْ طّْفغْ زِي سِيذِيثْنغْ، سِّيوْضغْ أَومْ ث-إِ-د، أَقَا سِيذِيثْنغْ يَاسُوع ذِي دْجِيڒثْ إِ ذِي إِتّْوَاغْذَارْ، إِكْسِي أَغْرُومْ، [j] 24 إِبَاركْ، يَارْژَا إِ-ث، إِنَّا: ”كْسِيمْ، ثَا ذ أَرِّيمثْ إِنُو إِ خَاومْ إِتّْوَارْژنْ، ڭّمْ أَيَا أَمُّو إِ ڒِيذَارثْ خَافِي!“ [k] 25 ؤُشَا أَمُّو أَوَارْنِي أَمنْسِي إِوْشَا ڒْكَاسْ، إِنَّا:

”ڒْكَاسْ-أَ ذ ڒْعَاهْذْ ن جْذِيذْ

ذڭْ إِذَامّنْ إِنُو.

ڭّمْ أَيَا،

مشْحَاڒْ مَا زَّايسْ ثسْوِيمْ،

إِ ڒِيضَارثْ خَافِي.“ [l]

26 س مِينْزِي مشْحَاڒْ مَا إِ غَا ثشّمْ أَغْرُومْ-أَ ؤُ أَذْ ثسْومْ زِي ڒْكَاسْ-أَ، أَقَا ثتِّيذَارمْ ڒْموْثْ ن سِيذِيثْنغْ أَڒْ د غَا يَاسْ. [m]

27 س ؤُينِّي مَانْ ونْ إِ غَا إِشّنْ أَغْرُومْ ن سِيذِي ؤُشَا أَذْ إِسُو زِي ڒْكَاسْ نّسْ، أَمْ وَارْ إِتِّيڒِي س ؤُسْذَاهدْجِي إِ مَانْ أَيَا، أَذْ يِيڒِي س ؤُمَارْوَاسْ إِ إِذَامّنْ ن سِيذِي ؤُ إِ أَرِّيمثْ نّسْ. [n] 28 س ؤُينِّي أجّْ كُوڒْ إِجّْ أَذْ إِقدْجبْ إِخفْ نّسْ، ؤُشَا أجّْ إِ-ث أَذْ إِشّْ خنِّي زڭْ وغْرُومْ ؤُ أَذْ إِسُو زِي ڒْكَاسْ. [o] 29 مِينْزِي وِي غَا إِشّنْ ذ وِي غَا إِسْونْ أَمْ وَارْ إِسْذِيهدْجْ، أَقَا نتَّا أَذْ إِسِّيوضْ ڒْحُوكْمْ غَارْ إِخفْ نّسْ أَمْ إِتّتّْ ؤُ أَمْ إِسسّْ، مِينْزِي نتَّا وَارْ إِفَارّزْ شَا أَرِّيمثْ ن سِيذِي. 30 س ؤُينِّي أَقَا ذِينْ أَطَّاسْ ن يِينِّي إِضعْفنْ ذ يِينِّي إِهڒْشنْ جَارْ أَومْ ؤُشَا أَطَّاسْ ذوْڒنْ تّطّْصنْ إِضصْ نْ ڒْموْثْ.

31 مَاشَا مَاڒَا نحْكمْ خْ إِخفْ نّغْ، خنِّي وَارْ نتّْوَاحَاكمْ. [p] 32 مَاشَا مَاڒَا نتّْوَاحْكمْ زِي سِيذِيثْنغْ، أَقَا نتّْوَاربَّا، حِيمَا وَارْ نتّْوَاحَاكمْ شَا أَكْ-ذ دُّونشْثْ. 33 زِي ڒخُّو، أَ أَيْثْمَا، خْمِي غَا ثْمُونمْ حِيمَا أَذْ ثشّمْ، رَاجَامْ إِجّنْ ونّغْنِي. 34 مَاڒَا حذْ ذَايسْ ڒَاژْ، أجّْ إِ-ث أَذْ إِشّْ ذِي ثَادَّارْثْ نّسْ، حِيمَا وَارْ ثتّْمُونمْ إِ شّْرعْ. مِينْ إِقِّيمنْ، أَذْ ثعذْڒغْ خْمِي د غَا يَاسغْ.