1 ዱረ አስ ጾዘ ኬꬃ ሙጻተ ሳጥንተ ኦሎደራ የሱሳ ꬎቅ ጋእ አሱንꬃና ብእዳ። 2 ማህ ፈቲ ዳሃ ቡዳንታ ላምእ ስክና ኦሎደራ ብእ፥ 3 «ታ ይንትስ ቱሮ ኦህነ፤ Ꮉና ዳሃ ቡዳንታ ኡባንፓ አꬂ እንግዳ። 4 አኮስ ጋይኮ፥ Ꮉንꬅ አሱንꬅ ኡባና ፋስ የዘ ባዛፓ እንግዳ፥ የዝን እዛ ፋ ፋጭትፓ፥ ፋስ የዘ የስቶ ሙሎ እንግዳ» ያጋይዳ።

5 የሱሳ ታማሩንꬃፓ ፈተ ፈተ ጾዘ ኬꬅታ ጋማ ሎእዘ ሹቻራን አስ ጾዝስ እንግደ እሞራ ሎእዳኖ ኦህንታነ። 6 የዝን የሱሳ፥ «Ꮉና ይን በእዘ ባዝታ ኡባና ላንትካይዛራ፥ ሹች ሹቻላ አፋ ግምቢንትደ ፋና Ꮉንራ አቶሰ ዎደ የኦዳ» ያጋይዳ።

7 ኡንትን፥ «አስታማርዛዮ፥ Ꮉና ኡባና Ꮉኖዳና አይደ? ማህ Ꮉና Ꮉኖዳንስ ማልታ አኮ?» ያጋእ ኦጭዳ።

8 የሱሳ ያጋእ ኡንትስ ማሄ እንግዳ፦ «ባልንታመ ጋር ናግንቶተ። ጋሙንꬅ ፋና፥ ‹ታ ክርስቶሳ፥ ዎድታ ኡክዳ› ያጋእተ ታ ሱንꬅተ የኦዳ፥ የዝን ይን ኡንታና ካልፐተ። 9 ይን ኦላባዝን አስ ኢታትꬅ ስእዘ ዎደ ታንፐተ። ይና ቲንꬊ ይኦዳና አታመባዝ ማቃደ ግሾ ዎደ ዉርሱꬅታ ኤልሲ የኦስ» ያጋይዳ።

10 ካልን፥ «ዎርዣ ዎርዣላ አፋ፥ ካእቱሞ ካእቱሞላ አፋ ደንዶዳ። 11 ዳማ ሳአ ኤንኤ Ꮉኖዳ፥ ጋዶ Ꮉርገ ናየ ባይኤን ዱማ ዱማ በሳ ጋማዳ፥ ዣሽዘባዝን ዳማ ማላ ሳሎፓ በንቶዳ። 12 የዝን Ꮉና ኡባና Ꮉኖዳንፓ ቲኖ ታ ሱንꬅት ግሾ ጋእ አስ ይንታና ባይꬆዳ አይኮዳ። አይሁደ ዎሳ ኬꬃ ፍርድ አች ኬꬃ ይንታና ኦሎዳ። ካት ቲኖን ዎርዣ አህዙንꬂ ቲኖ ይንታና ካንጎዳ። 13 ይናን ታ ባዝ ይን ኡንትስ ማርክꬋደስ ሎኦ ኦገ ማቃዳ። 14 ይኒ ግሾ፥ ይን ኦጭንትዘ ዎደ ዋጋእ ማሄ እማደ ጋእ ይን ዎዝንተ ኡንእንታመ ፋና ቆፖተ። [a] 15 አኮስ ጋይኮ፥ ይን ሞርኩንꬅ ይንታራ ኤቅንቶደስን ላሎደስ ዳንዳኦሰ ዶናን ጭንጫትꬅ ታ ይንትስ እንጎዳ። 16 መለ አቶ የዝን፥ ይንታና የልዱንꬅ፥ ይን እሹንꬅ፥ ይን እግኑንꬅ ላጉንꬅ ይንታና አꬂ እንጎዳ። ይን ግዳፓ ፈታ ፈታ ዎꬎዳ። 17 ታ ሱንꬅት ግሾ አስ ኡባ ቲንተ ይን እጽንትዱንꬃና ማቃዳ። 18 የዝን መለ አቶ የዝን፥ ይን ኦማ እስንꬅትፓ ፈተን ꬋቦስ። 19 ምንꬂ ዳንዳአራ ይን፥ ይን ሸምፕቶ አሾዳ።»