1 ፈቲ ቃማ የሱሳ ጾዘ ኬꬃ አሱንꬃና ታማርስተራን ዎንገለ ማርክꬍተ፥ ካህኑንꬅ Ꮉላቁንꬅ፥ ህገ አስታማሩንꬅን ጋደ ጭሙንꬅ ፈትላ ኤጎ ይእ፥ 2 «ነ Ꮉንሳና አኮ አደትꬅ ወልቃራ ኦችዛኮ ኑስ ኦሆ። Ꮉና አደትꬅ ዎልቅቶ ኔስ እንግደ ኦደ?» ያጋእ ኦጭዳ።
3 ኤ ኡንታጎ፥ «ታንን ይንታና ፈትባዝ ኦጮዳ፥ አነ ታስ ማሆተ። 4 ጻማቅዘ ዋሐንሳ ጽንቃታ ጾዛፓነ አሳፓ?» ያጋይዳ።
5 ኡን ዎል ግዳ ያጋእ ዞርንትዳ፦ «ጾዛፓ ጋይኮ ዬዝን፥ አኮስ አማናንጽዶ?» ያጋኦዳ።
6 «አሳፓ ጋይኮ፥ አሱንꬅ ኡባና ዋሐንሳ ናበ ማቅዛኖ አማንዘ ግሾ ኑና ሹቻራ ꬎጎዳ።»
7 ይኒ ግሾ፥ «አባፕ የዛኮ ኑ ኤሮስ» ያጋእ ማህዳ።
8 የሱሳ ማህ፥ «ይኬ፥ ታንን አኮ አደትꬅ ወልቃራ Ꮉንሳና ኦችዛኮ ይንትስ ኦሆስ» ያጋይዳ።
9 ይንፓ ሱባ፥ የሱሳ ያጋእ Ꮉና አዝዝቶ አሱንꬅስ ኦህዳ፦ «ፈቲ አስ ዎይነ ቱክዳ። ኦችዙንꬅስ ኮꬄ እንግ ጋማ ዎደ ጋምእ ዮኦደስ መለ ሳአ ቅትዳ። [a] 10 ዎይነ ኣፍቶ ማጽዘ ዎደ የልን ዎይነ ኣፍትፓ ኤስ ዳኮደ ፋና ኦችዙንꬃጎ ፋ አርዛ ኪትዳ። የዝን ኦችዙንꬅ የ አርዛ አይኪ Ꮉꬊ Ꮉሪ ኩሸ ዳክዳ። 11 ማህን መለ አርዛ ኪትዳ። ማህ ኦችዙንꬅ ኤዛ Ꮉꬊ፥ ካዉሽዚ Ꮉሪ ኩሸ ዳክዳ። 12 Ꮉተን ማህ Ꮉይꬕንꬃ አርዛ ኪትዳ። ዎትዙንꬅ ኤዛን Ꮉꬊ Ꮉርግዚ ዎይነ ግዳፓ ጋጻ ኬሲ ኦልዳ።
13 «ዎይነ ላꬄ፥ ‹ዬዝን ታ አኮ ኦቾ? አነ ማህ ታ ካዽዘ ታ ናአያ ዳኮዳ፤ ኦደ ኤሮደ ኡን ኤዛ ቦንችካይዛራ አታማ› ያጋይዳ።
14 «የዝን ኦችዙንꬅ አꬄ ናአያ ብእደ ዎደ ‹Ꮉይኒ ኤዛ ላቶዳያ፥ Ꮉይጋ ዮኦተ ኤዛ ዎꬎዳ፥ የይዝኮ ላትታ ኑስ ማቃዳ› ያጋእ ዞርንትዳ። 15 ዎይነ ግዳፓ ጋጻ ኬሲ ዎꬍዳ።
17 የሱሳ ኡንታና ዳኪ ብእ፥
19 ህገ አስታማሩንꬅን ካህኑንꬅ Ꮉላቁንꬅ ይና አዝዝታ ኦህንትዳና ኡንታላ አፋ ማቅዳኖ ኤሪ የ ዎደ ኤዛ አይኮደስ ኮይዳ፥ የዝን አሱንꬅስ ዣሽትዳ።
20 ይኒ ግሾ፥ የሱሳ ዎርዥቶ አህዘ ሮመ ካትዘስ አꬂ እማደስ ኮይ ኤ ዶንትፓ ባላ ቃላ ናጋነ። ይኖ ፎልሳደስ ጽሎ ጋራ ይእ ጭምዘ አሱንꬃና ኤጎ ኪትዳ። 21 ኪትንቲ Ꮉንግደ አሱንꬅ፥ «አስታማርዛዮ፥ ኔኒ ኦህዛናን ታማርስዛና ልከ ማቅዛኖ፥ ማህ ጾዘ ኦግቶ ቱርራ ታማርስዛኖን ኦናን ሻጎሳኖ ኑ ኤራነ። 22 ይኦ የዝን፥ ሮመ ካትስ ጊራ ጊሮደስ ቤዛነነ ቤዞሳ?» ያጋእ ኤዛ ኦጭዳ።
23 የዝን ኤ ኡን ዎዝና ኢታትꬅቶ ኤርደ ግሾ 24 «አነ ታና ፈቲ ሳንትመ ቤዞተ፥ ኤላ የዘ ምስልታን ሱንꬅታ ኦደባዞ?» ያጋይዳ።
25 ኤ ማህ፥ «ዬዛኮ፥ ቄሳረስቶ ቄሳረስ፥ ጾዘስቶ ጾዝስ እንጎተ» ያጋይዳ።
26 ይኒ ግሾ፥ ኤ ማህደ ማህተ አሱንꬅ ቲንተ ባላ ደንጎደስ ዳንዳእካያ። ኤ ማህተ ጋማ ቆፒ ስእ ጋይዳ።
27 Ꮉይቆፓ ደንዶ ባያ ያጋዘ ሳዱቃዉንꬃፓ ፈተ ፈተ የሱሳጎ ይእ፥ [c] 28 «አስታማርዛዮ፥ ፈቲ አስ ማቾ ኤኪ ናአ የልካይዛራ Ꮉይቂኮ፥ ኤ እሸ ይና ማችቶ ኤኪ ናአ የሊ ፋ እሸስ ኮች አሾደ ፋና ሙሴ ጻፍዳ። [d] 29 ይኬ ላፑን እሹንꬅ የነ። አንግሰ ማቾ ኤኪ ናአ የልካይዛራ Ꮉይቂዳ። 30 ላምአንꬅዘ እዞ ኤኪ ናአ የልካይዛራ Ꮉይቂዳ። 31 Ꮉይꬓንꬅዘ ይኒ ፋና ይእዳ። ላፑኑንꬅ ኡባና ይኒ ጋራ ይእ እዞ ኤክዳ፥ የዝን ናአ የልካይዛራ Ꮉይቂዳ። 32 ኡባፓ ሱባ ማችታ Ꮉይቂዳ። 33 ይኬ፥ ላፑን ꬊራꬅ እዞ ኤክደ ግሾ Ꮉይቆፓ ደንድዘ ዎደ እዛ ኦደ ማቾ ማቃደ?» ያጋእ ኦጭዳ።
34 የሱሳ ማህ፥ «አስ Ꮉና ዎድተ ኤካነ ገላነ። 35 የዝን Ꮉይቆፓ ደንዲ የኦደ አላምተ የሳደስ ቤዙንꬂ ኤኮስ ገሎስ። 36 ኡን ኪታንቾ ፋና ማቅዘ ግሾ ቲኖፓ Ꮉይቆስ። Ꮉይቆፓ ደንድደ ግሾ ኡን ጾዘ ናአ። 37 ሙሴ ላꬂ፥ ‹አብራሃማ ላꬂ፥ ይሳቃ ላꬂ፥ ያይቆባ ላꬂ› ጋእ ጭልኦ ግዳ ኤጽዘ ታማ ታሪክቶ ጻፍዳነ Ꮉይቂደ አሱንꬅ ደንድዛኖ ቤዛነ። [e] 38 ኡቡንꬅ ኤስ ፋጻ የዙንꬃና ማቃደ ግሾ ኤ ፋጻ የዙንꬅ ላꬃፕ አትን Ꮉይቂዱንꬅ ላꬂ ባያ» ያጋእ ማህዳ።
39 ህገ አስታማሩንꬃፓ ፈተ ፈተ፥ «አስታማርዛዮ፥ ሎኦ ባዝ ኦህዳ» ያጋይዳ። 40 ይንፓ ሱባ፥ መለ ኦጨ ኦጮደስ ዣሽትዳ።
41 ይንፓ ካሊ የሱሳ ኡንታጎ፥ «አሱንꬅ ክርስቶሳ ዋይዝ ዳዉተ ናአ ጋኤ? 42-43 አኮስ ጋይኮ፥ ዳዉተ ፋ ኦምተ ማዝሙረ ማጻፍተ፥