1 «ታ እሹንꬆን፥ ታ አዱንꬆ፥ ታኒ Ꮉተ ይንትስ እንግዘ ማህቶ ስኦተ።» 2 ጳዉሎሳ ኡንትስ እብራይስጠ ዶናራ ኦህዛና ስእ ካሰንፓ አꬂ ስእ ጋይዳ። ኤ ካሊ፥
3 «ታኒ ክልቅያ የዘ ተርሴሰ የልንት Ꮉና ካታምተ ድጭዳ። ታ አስታማርዘን ጋማልያለ፤ ታኒ ኑ አዱንꬅ ህግቶ ምንꬂ ታማርዳ፥ Ꮉይኖ ይን ኡባ Ꮉንዛንጋራ ጾዝስ ምሽንትዘ አይሁደ አስ። [a] 4 ታ Ꮉና ኦግቶ ካልዘ ማቹንꬃናን ꬊራꬁንሳና አይኪ አች ኬꬃ ኦልተራን ኡንታና ዎዽሳደ ዎንꬅስ ማꬋ ቤዘ አስ። [b] 5 ይኒ ጋራ፥ ካህኑንꬅ Ꮉላቅዘን ሻንጎ ኡባ ታ ባዝ ማርክꬋደስ ዳንዳአነ። ታኒ ዳማስቆ የዘ ኡን እሹንꬅስ ኡንታፓ ዳብዳበ ኤኪ እዘ የዘ አሱንꬅ አጭንቲ ሴርንቶደ ጋር የሩሳላመ ኡንታና ኮኦደስ እዘ ቅትዳ።
6 «ታ Ꮉንግ ዳማስቆ ኡክደ ዎደ አዋራ ሳተ ቆፕካይዝን ሳሎፓ ዳማ ፎኦ ታ ካንቶ ዉቲ ፎእዳ። 7 ታ ሳእተ ጎልእ የሳደራ፥ ‹ሳዉላ፥ ሳዉላ፥ ታና አኮስ ባይꬄ?› ጋዘ ቃላ ስእዳ። 8 ታኒ ማህ፥ ‹ላꬆ፥ ኔኒ ኦደ?› ያጋይዳ።
10 «ታኒ፥ ‹ላꬆ፥ ታ አኮ ኦቾ?› ያጋይዳ።
12 «ዳማስቆ የዘ አይሁዱንꬅ ኡባ ማርክዘን ጋማ ቦንችዘ ፈቲ ሀናንያ ጋዘ አꬄ፥ ኑ ህግቶ ቦንችዘን ጾዝ ምንꬂ ዎስዘ የነ። 13 ኤ ታጎ ይእ፥ ታ ካለ ኤቂ፥ ‹ታ እሸ ሳዉላ፥ ቦኦ› ጋይዳ። ኤልሲ ታ ኤዛ ብእዳ።
14 «ኤ ታጎ፥ ‹ኑ አዱንꬅ ጾዘ ኔኒ ኤ ቆፍቶ ኤሮደ ጋር፥ ጽልዛ በአደ ጋራን ኤ ዶንትፓ ቃላ ስአደ ጋር ቲኒ ነና ዶርዳ። 15 ኔኒ ብእደባዝስን ስእደባዝ አስ ኡባ ቲኖ ኤስ ማርካ ማቃደ ፋና። 16 Ꮉተ አኮስ ጋምኤ? ጻማቅንቶ፤ ኤ ሱንꬅቶ ጼጊ ነ ናጋርትፓ ሜጭንቶ› ያጋይዳ።
17 «ታኒ ሱባ የሩሳላመ ማቂ ጾዘ ኬꬃ ዎሶደራ፥ ታስ ቆንጭꬅ በንትዳ። 18 ቆንጭስተ ላꬂ ታጎ፥ ‹ነ ታስ ማርክꬍዘ ማርካትꬅቶ አሱንꬅ ኤኮሰ ግሾ ኤልሲ የሩሳላመፓ ከዞ› ያጋኦደራ ብእዳ።
19 «ታኒ፥ ‹ላꬆ፥ አይሁደ ዎሳ ኬꬃ ኡባ ነና አማንዙንꬃና አይኪ Ꮉꬍዳያን አች ኬꬃ ኦልዳያ ማቅዛኖ ኡን ኤራነ። 20 ኡን ነ ማርካ እስጢፋኖሳ ዎꬍዘ ዎደ ታ ይና ኦችተ ዎላ የነ። ማህ ኡን ካለ ኤቂ ኤዛ ዎꬍዙንꬅ ማእቶ ናጋነ› ያጋይዳ። [c]
21 «ላꬂ ታጎ፥ ‹ታኒ ነና አይሁደ ማቆሰ አሱንꬃጎ Ꮉኮ ሳአ ኪቶደ ግሾ ደንዲ ቅቶ› » ያጋይዳ።
23 ኡን ካጭንቲ፥ ፋ ማእቶ ኤላ አፋ ꬎጊ ጹራ ኡደ ላሎደራ፤ 24 ሻላቅዘ ብእ ዎታዳሩንꬅ ጳዉሎሳ ኡን ፋ የዘ በሳ ካንጎደ ጋራ ኪትዳ። ማህ አሱንꬅ አኮስ Ꮉንጋራ ካጭንተዛኮ ኤሮደስ ኮይ ጳዉሎሳ ዳፈራ ጋራፊ ሎይꬂ ኦጮደ ጋር ኡንታና ኪትዳ። 25 የዝን ዎታዳሩንꬅ ጳዉሎሳ ዳፈራ ምንꬂ አጪ ጋራፎደስ ዪዘ ዎደ ጳዉሎሳ ፋ ካንተ ኤቅደ ማቶ Ꮉላቅዘጎ፥ «ሮመ አስ [d] ፍርዳ ባይዝን ጋራፍዛና ይንትስ ዎጋ?» ያጋይዳ።
26 ማቶ Ꮉላቅዘ ይኖ ስእደ ዎደ ሻላቅዘጎ Ꮉንግ፥ «Ꮉይ አꬄ ሮመ አስ። ኔኒ አኮ ኦቾደስ ቆፐ?» ያጋእ ኦጭዳ።
27 ሻላቅዘ ጳዉሎሳጎ ሺቂ፥ «ነ ሮመ አሶ? አነ ታስ ኦሆ» ያጋይዳ።
28 ሻላቅዘ ማህ፥ «ታኒ Ꮉኖ ጋደትꬅቶ ጋማ ሚሸራ ኤክዳ» ያጋይዳ።
29 ይኒ ግሾ፥ ጳዉሎሳ ሎይꬂ ኦጮደስ ቆፕዱንꬅ ኢራ ኤፓ ሻክንትዳ። ሻላቅዘ ሮመ አስ ሳንꬃላታራ አጭዳኖ ኤርደ ዎደ ዣሽትዳ።