1 ኡክታ ስእ ጋይዳንፓ ሱባ ጳዉሎሳ አማንዘ አሱንꬃና ጼግዝ ኡንታና ዞሪ ምንꬅꬅዳንፓ ሱባ ሳርꬂ መቀዶና ቅቶደስ ከዝዳ። 2 ኤ አꬍዘ ሳአ የዘ አማንዘ አሱንꬅስ ቃላ ኦህ ምንꬅꬅዳንፓ ሱባ ግርከ ሳአ ቅትዳ። 3 ኤ እዘ Ꮉይꬕ አግና በቲ፥ ማርካበራ ሶርያ ቅቶደስ ቆፒ የዝን፥ አይሁዱንꬅ ፋና ዎꬎደስ ኮይዛኖ ኤሪ መቀዶንያራ ሱብ ማቃደስ ኮይዳ።

4 ጳዉሎሳ ሞይዝዱንꬅ ቤርያፓ ጳርሁሳ ናአያ ሶጳጥሮሳ፥ ተሰሎንቀፓ አርስጥሮኮሳን ስኮንዱሳ፥ ደርበፓ ጋዮሳ፥ እስያፓ ትክቆሳ፥ ጥሮፍሞሳን ጢሞትዮሳን። 5 Ꮉንስ ቲኖ Ꮉንግ ኑና ጢሮአዳላ ካፋነ። 6 ኑ ቦራ ባአለ ቦንችዳንፓ ሱባ ፍልጵስዩሳፓ ማርካበራ ደንዲ፥ እችንꬃ ቃማራ ኡንታና ጢሮአዳ የሊ እዘ ላፑን ቃማ ጋምእዳ።

7 ሳምንታፓ ቲኖ ቃማ ኑ ቦራ ባጾደስ ሺቂ የዝን፥ ጳዉሎሳ ዎንትስቶ ቅቶደስ ቆፕደ ግሾ ኡንትስ ቃላ ኦህተራ ግዲ ብላሄ የሎደስ ኦህቶ ጋምእዝዳ። 8 ኑ ሺቂ በትደ ፎቅተ ጋማ ፎኦ የነ። 9 ኤዉጥኮሳ ጋዘ ፈቲ ይꬍዘ ማስኮተላ በቲ፥ ፋና ቦቲ ገንትዳ። ጳዉሎሳ ኦህቶ ጳርግዝደ ዎደ ኤዉጥኮሳ ገንት Ꮉይꬕንꬃ ፎቅዘፓ ጎልእ Ꮉይቀዝን አሱንꬅ ደንꬅዳ። 10 የዝን ጳዉሎሳ ዎꬊ፥ ኤላ ዙግዳ። ኤዛ እርንግ፥ «ኤ Ꮉይቂካያ፥ ታንፐተ» ጋይዳ። 11 ይንፓ ሱባ፥ ኡደ ፎቀላ ኬዚ ቦራ ባጽ ሙእዳ። ሳአ ዎንቶደ ዎንꬅስ አሱንꬅስ ኦህዳንፓ ሱባ ደንዲ ቅትዳ። 12 የ ፋጽደ ይꬍዛ ካራ ካንግ ጋማ ኡፋይትዳ።

13 የዝን ጳዉሎሳ ፋና እዝፓ ሞኮደ ጋር ኑስ ኦህደ ግሾ ቲንꬊ ማርካበጎ Ꮉንግ፥ አሶሳ ቅቶደስ ደንድዳ። አኮስ ጋይኮ፥ ኤ ቶሄራ ቅቶደስ ቆፕደ ግሾ ኑና Ꮉኒ ጋር ኪትዳ። 14 ኤ ኑራ አሶሳ የልንትን ማርካበራ ኤዛ ኤኪ ምጢሊነ Ꮉንግዳ። 15 ዎንትስት ዎደ እዝፓ ደንዲ ማርካበራ ክዮሳ ቲኖ የዘ በስተ የልዳ፤ ማህ ዎንትስት ዎደ ሳሞሳ ፊንግ ካልዘ ዎድተ ምሊጠ የልዳ። 16 ጳዉሎሳ እስያ ግዳ ጋማ ጋምእካይዛራ ኤፈሶነ ካለራ አꬎደስ ቆፕዳ። ፋስ ዳንዳእንትኮ ጰንጠቆስጠ ባአለ ዎደ የሩሳላመ የሎደስ ኤልሳነ።

17 ጳዉሎሳ ምሊጠፓ ኤፈሶነ ኪቲ ዎሳ ኬꬃ ጭሙንꬃና ጼግዝዳ። 18 ዎሳ ኬꬃ ጭሙንꬅ ኤጎ ይእን፥ ኡንታጎ Ꮉንጋራ ያጋይዳ፦ «ታኒ እስያ ገልደ ቲኖ ቃምትፓ አይኪ ይንታራ የዝደ ዎደ ኡባ ዋይዝ የዘዛኮ ይን ኤራነ። 19 አይሁዱንꬅ ሺቂ ታላ ማꬋ የልꬅኮን ታ አሽከትꬃራን ጋማ አፉꬃራ ላꬅስ ኦችዳ። 20 ቡጫን ይን ኬꬅተ ኬꬅተ ይንታና ታማርስተራ ይንታና ማድዘ ባዛፓ ፈትባዝን ፋጭዝካያ። 21 ታኒ አይሁዱንꬅስን አይሁደ ማቆሱንꬅስ ናጋራፓ ጾዛጎ ማቃደ ጋራን ኑ ላꬄ የሱሳ አማኖደ ጋር ማርክꬍዳ።

22 «እዘ ታና አኮ የሎደ የዛኮ ኤሮስ፥ የዝን Ꮉተ ታኒ ጌሽ አያናስ ኪትንቲ የሩሳላመ ቅታነ። 23 ይኖ ማቅኮን ጌሽ አያና ካታማ ኡባ አችን ማꬋን ታና ናግዛኖ ታስ ማርክꬍዳ። 24 የዝን ታ ዎꬅቶ ፎሎደስ ላꬄ የሱሳፕ ኤክደ ኦችቶ፥ ጾዘ አꬎ ኬሃትꬅ ዎንገለ ማርክꬍዛኖ ፎሎደስ ታ ሸምፕቶ ፋꬆሰ ባዝ ፋና ፋይዳነ። [a]

25 «ታኒ Ꮉተን ጾዘ ካእቱሞ ማርክꬍተራ ይን ግዳ ዉትዳ። ይኬፓ ሱባ ይንታፓ ኦደን ታና በአማኖ ኤራነ። 26 ይኒ ግሾ፥ ይንታፓ ፈቲ አስ ꬋብኮን ታ ኦጭንታማኖ Ꮉይኖ ቃማ ይንትስ ጌሽ ኦህነ። 27 አኮስ ጋይኮ፥ ጾዘ ቆፋ ኡባ ይንትስ አኮ ባዝን አሽካይዛራ ኦህዳ።

28 «ፋ ናአይ ሱꬅተ ዎንግደ ጾዘ ዎሳ ኬꬅቶ ናጎተ። ጌሽ አያና ይንታና የንግዙንꬃና ማህ ዶርደ ዉድትስን ይን ኦምትስን ናግንቶተ። 29 ታኒ Ꮉንግዳንፓ ሱባ፥ ዉድትስ ይቅስንቶሰ ኢታ ሱዹሙንꬅ ይን ግዳ ገሎዳኖ ታ ኤራነ። 30 ታማሩንꬃና ፋ ሱብ ካልꬆደስ ዎርዶ ታማርስዘ አሱንꬅ ይን ግዳፓ ደንዶዳ። 31 ይኒ ግሾ፥ ታ Ꮉይꬕ በረ ቃማን አዋራን አፉꬃራ ይንታና ኦምተ ኦምተ ካጭዳኖ ቆፕተር ምንጎተ።

32 «Ꮉተን ይንታና ምንꬆደስን ጌሽ አሱንꬃራ ላታ እማደስ ዳንዳእዘ ጾዘስን ኤ አꬎ ኬሃትꬅ ቃላስ ይንታና Ꮉዳራ እንጋነ።

33 «ታኒ ኦደፓን ብራ ዎይ ዎርቃ ዎይ አፉላ ኤክካያ። 34 ታኒ ታ ኩሽተ ኦቺ ታስን ታራ የዙንꬃና ቤዘባዝ ማድዳኖ ይን፥ ይን ኦምተ ኤራነ። 35 ይን Ꮉንፋና ላቢ ኦችተራ ላቢዱንꬃና ማዶዳኖን ላꬂ የሱሳ፥ ‹ኤክዘፓ አꬊ እንግዛይ አንጅንትዳያ› ጋይደ ቃልቶ ይን ቆፖደስ ቤዛኖ ታ ይንታና ኡባባዝተ ቤዝዳ» ያጋይዳ።

36 ጳዉሎሳ ይኖ ኦህ Ꮉሲ ኡን ኡቡንꬃራ ቡንቁንቲ ጾዝ ዎስዳ። 37 ኡን ኡቡንꬅ ጳዉሎሳ እርንግ ዬኪ ዬሪዳ። 38 ኤ ማህ፥ «ታና በአማ» ያጋይደ ቃልታ ኡንታና ጋማ አዛንꬅዳ። ኡን ማርካበ የሎደስ ኤዛ ሞይዝዳ።

<- ሐዋሩንꬅ ኦቻ 19ሐዋሩንꬅ ኦቻ 21 ->