1 ካሴሳይ ጋርክ፥ ጳዉሎሳኔ ባርናባሳ ኢቆኖነ አይሁድታይ ዎሳ ኬꬅ ገሊ ጋመ አይሁድታይኔ አይሁደ ባዝታይ አማኖድ ሄሎዳይስ ቃላ ኦዴዛ። 2 ዝን አማነካ አይሁድታይ፥ አይሁደ ባዝታይ ዎዛና ላሚ እሽታይል አፋ ደንꬅꬄዛ። 3 ሀዋርታይ ኤዛይድ ጋመ ዎደ ጋምኤዛ። ኡንቲ ያሽተካ ጎዳይ ባጋ ኦዴዛ። ጎዳይ ማላትታኔ ኦርꬃባዝ ኡንቲ ኦꬆዳይ ጋርክ ኡንትስ ማዉተ እንጊ ፋ ኣꬎ ኬሄትꬅ ቃላይ ቱማ ማቄዛና ቤዜዛ። 4 ዝን የ ካታማ አሳይ ሻክንቲ፥ ባጋይ አይሁድታይር ባጋይ ማ ሀዋርታይር ማቄዛ።

5 አይሁደ ባዝታይኔ አይሁድታይ ፋ ሀላቅታይር ዎላ ማቂ ሀዋርታ ቆሆዳይስኔ ሹቻር ሾጮዳይስ ኮዬዛ። 6 ሀዋርታይ የያ ኤሪ፥ ልስጽራኔ ደርበ ግዝ ልቃኦነ ካታምታኔ ኡ ሄራ የዝ ቢታ ቆስንቴዛ። 7 ኤዛይድ ዎንግለ ኦዴዛ።

8 የልንቴዛይፕ አይኪ ናምእ ቶክታይ ስሌዝ የꬊ ኤሮዋ ፐቲ አꬃይ ልስጽራ የዛ። 9 የ አꬃይ ጳዉሎሳ ኦዶዳር በቲ ስእዛዝን። ጳዉሎሳ ኤዛ ዳኪ በአዳር ፓጾዳይስ ኤስ አማኖ የዛ ብኢ፥ 10 ፋ ቃላ ꬎቅ ኡዲ፥ «ስት ግ ነ ቶካይር ኤቆባ» ዬጌዛ። የዝን፥ ፑꬁክ ግ ደንዲ ኤቂ የꬅ አይኬዛ።

11 ጳዉሎሳ ኦꬄዛ አሳይ ብኢ ኡ ፋ ቃላ ꬎቅ ኡዲ ልቃኦነ ዶናር፥ «ጾስታይ አስ ኣዚ ኑኮ ዎꬌዛ» ዬጌዛ። 12 ባርናባሳና፥ «ድያ» ግ፥ ጳዉሎሳ Ꮊይዳ ኦዳር ኤርንቴዛያ ማቄዝ ግሾስ ኤዛ፥ «ሄርሜሳ» ግ ሱንꬄዛ። 13 ካታማይፕ ጋጻ የዝ ድያ ግዝ ኤቃ ካራ ካህናይ ኮርምታኔ ፉ ዶስታ ሀዋርታይስ ያርሾዳይስ ከዚ ካታማ ጋጻ ከኤዛ።

14 ዝን ባርናባሳኔ ጳዉሎሳ የያ ስኢ ፋ ማአ ፔꬌዛ። አሳይ ጋንጨ ዎጺ ገሊ፥ 15 ፋ ቃላ ꬎቅ ኡዲ፥ «አሳዮ፥ Ꮊያ አብስ ኦꬄ? ኑንካ ይ ጋርክ አሰ። Ꮊ ፓꬆዋባዛይፕ ሳሎኔ ሳአ፥ አባኔ ኡ ጋንጨ የዝ ኡባ ባዝ መꬌዝ ደኦ ጾሳይኮ ይ ማቆዳይ ጋርክ ይንትስ ኑኒ ዎንግለ ኦዶዳ። [a] 16 ኤ ብኒ አሳይ ፋ ኦገ ፋ ኦገ Ꮊማዳይ ጋርክ ዳኪ አሼዛ። 17 ዝን እራ ሳሎፕ ቡክሴዛ፥ ካꬃካ ዎደር ዎደር እንጌዝ፥ ካꬅ እንጊ ይንታን ጋመ ኡፋይሴዛ፥ ዬዚ ይንትስ ሎኦ ባዝ ኡዲ ፓስ ማርካ ꬋብሰካ» ዬጌዛ። 18 ሀዋርታይ የያ ግ ፓስ አሳይ ያርሻማይ ጋርክ ዋየር ካይሴዛ።

19 አንጾካፐኔ ኢቆኖነፐ የኤዝ አይሁድታይ፥ አሳ ፋ ባጋ ማሂ ሹቻር ጳዉሎሳ ጫዴዛ። ኡንትስ ኤ Ꮊይቄዝባዝ ኣዝን ካታማፕ ጋጻ ጎቺ ካንጊ ኦሌዛ። 20 ዝን አማንዝታ ይኢ፥ ኤ ዩሻይድ ጋልቺ ኤቄዛዝን ኤ ደንዲ ካታማ ገሌዛ። ዎንትꬃ ጋላስ ባርናባሳር ፐትፕ ደርበ ቅቴዛ።

21 ኡንቲ ደርበ ካታማ ዎንግለ ኦዲ ጋምታ አማንꬄዛይፕ ጉየ ልስጽራ፥ ኢቆኖነኔ ጵስዳ አንጾካ ማቄዛ። 22 የ ካታምታይድ የዝ አማንዝታ ምህꬅታራ ኡንቲ አማኖር ምንጎድ ጋርክ ዞርታር፥ «ጾሳ ካተትꬃ ገሎዳይስ ኑኒ ጋመ ዋየ ኤኮዳይስ ቤዝዛ» ዬጊ ታማርሴዛ። 23 ማ ዎሳ ኬꬅታይስ ኦማስ ኦማስ ጭምታ ዶሬዛ። ጾሜዛይፐኔ ዎሴዛይፕ ጉየ ኡንቲ አማኔዝ ጎዳይስ ኡ ሀዳራ እንጌዛ።

24 ጵስዳ ቢታ ካንꬂ ኣꬊ ጵንፍለ Ꮊንጌዛ። 25 ጰርገ ቃላ ኦዴዛይፕ ጉየ አጻላ Ꮊንጌዛ። 26 የይፕ ኡንቲ ፋ ፖሌዝ ኦሳይስ ጾስ ኣꬎ ኬሃትꬃይስ ኡንታን ሀዳራ እንጌዝ አንጾካ ማርካበር ማቄዛ።

27 አንጾካ ሄሊ ዎሳ ኬꬅ አሳ ሺሺ ጾሳይ ኡንታራ ኦꬄዝ ኦሳ ኡባይኔ አይሁደ ማቀካ አሳይ አማኖዳይ ጋርክ ኡንትስ ዋይዚ ኦገ ዶዬዛኮ ኦዴዛ። 28 ኤዛይድ አማንዝታይር ጋመ ዎደ ጋምኤዛ።

<- ሀዋርታይ ኦሶ 13ሀዋርታይ ኦሶ 15 ->