1 አንጾካ የዝ ዎሳ ኬꬃ ናብታይኔ አስታማርታይ የዛ። ኡንቲ ባርናባሳ፥ ካርꬅ ግንትንትዝ ስሞና፥ ቀረናፕ የኤዝ ሉኮሳ፥ ካታይ ሄሮድሳራ ድጬዝ ምናሄኔ ሳኦላ። 2 ኡንቲ ጎዳ ጎይንታራኔ ጾምታራኔ ጌሻ አያናይ፥ «ታኒ ጼጌዝ ኦሳይስ ባርናባሳኔ ሳኦላ ታስ ሻጎይታ» ዬጌዛ።

3 የይ ግሾስ፥ ኡንቲ ጾሜዛፐኔ ዎሴዛይፕ ጉየ ፋ ኩሻ ኡንታል አፋ ጋዲ ዎሲ ዳኬዛ።

4 የይ ግሾስ፥ ጌሻ አያና ኡንታና ኪቴዛ። ሰለዉቀ Ꮊንጌዛ፤ ኤዛይፕ ማርካበ ገሊ ቆጲሮሳ ሃꬃር ተቅንቴዝ ቢታ Ꮊንጌዛ። 5 ኡንቲ ስልማና ሄሊ አይሁደ ዎሳ ኬꬅታይድ ጾስ ቃላ ኦዴዛ። ዋንሳ [a] ማድታር ኡንታር የዛ።

6 ኡንቲ ቆጲሮሳ ሃꬃር ተቅንቴዝ ቢታ ካንꬂ ጳፉ ሄልዛ ዎደ ፐቲ ዎርዶ ናበ ባር-የሱሳ ግዝ አይሁደ አምታ ደንጌዛ። 7 አቅስዝ ሳርጎሳ ጳዉሎሳ ግዝ ዎዛናማ አꬃይራ የዛ። ሳርጎሳ ጳዉሎሳ ባርናባሳነ ሳኦላ ፋኮ ጼጊ ጾስ ቃላ ስኦዳይስ ኮዬዛ። 8 ዝን ግርኬ ዶናር አምታይ ሱንꬃይ «ኤልማሳ» ብልꬃይ ጋደ ሃርዛይ አማናማይ ጋርክ ካዮዳይስ ኮዪ ባርናባሳራኔ ጳዉሎሳር ኤቅንቴዛ።

9 ዝን ጳዉሎሳ ግዝ ሳኦላ ጌሻ አያናር ኩሚ አምታና ዳኪ ብኢ፥ 10 «ናት፥ ጻላሄ ናአዮ፥ ኢታትꬅ ኡባይ ኩሜዛዮ፥ ጽሎትꬅ ኡባይስ ሞርካዮ፥ ሉለ ጎዳ ኦጋ ምርቅዛ አሻሞ? 11 ዬዛኮ፥ Ꮊት ጎዳይ ካች ኩሻይ ኔል አፋ የዛ። ኔኒ ቆቀ ማቆዳ፤ ጽቃ ዎደስ አዋ ፖኦ በአሚ» ዬጌዛ።

እዝር ጫጋናኔ ꬉማ ኤ አፋ ጎዝን፥ ፋ ኩሻ አይኪ ካልꬅዛ አስ ኮይታር ዩዬዛ። 12 ጋደ ሃርዛይ የያ በኤዝ ዎደ ጎዳባዝ ታማርስዛይድ ማላባዝ ግ አማኔዛ።

13 ጳዉሎሳኔ ኤዛር የዝታይ ጳፉፕ ደንዲ፥ ጵንፍላ የዝ ጰርገ ማርካበር Ꮊንጌዛ። ዋንሳ ኡንታፕ ሻክንቲ የሩሳላመ ማቄዛ። 14 ዝን ኡንቲ ጰርገፕ ኣꬊ ጵስዳ የዝ አንጾካ ሄሌዛ። ማላ ጋላስ ጋላስ አይሁደ ዎሳ ኬꬅ ገሊ በቴዛ። 15 ሙሰ ህጋይድ ናብታይ ማጻፋይ ናባብንቴዛይፕ ጉየ አይሁደ ዎሳ ኬꬅ ሀላቅታይ፥ «ኑ እሹንꬆ፥ አስ ምንꬃꬅዛ ቃላ ይንትስ የዛኮ አሳይስ ኦዶይተ» ዬጊ ኡንትኮ ኪቴዛ።

16 ጳዉሎሳ ደንዲ ኤቂ ፋ ኩሸር ማሊ፥ «እስሬለ አስታኔ፥ ጾሳ ጎይንዛ አይሁደ ማቀካ አሳዮ፥ ስኦይታ። 17 Ꮊ እስሬለ አሳ ጾሳይ፥ ኑ ማይዝታ ዶሬዛ። ግብጸ ቢታ እማꬃትꬃር ኡንቲ የዝን፥ ኡንታን ጋንꬂ ፋ ግታ ዎልቃር ግብጸ ቢታፕ ከሴዛ። [b] 18 ሊዦ ቢታ ኦይታም ላይꬅ ማቆዳ ኡንታን ዳንዳኤዛ። [c] 19 ካንአነ ቢታ አይሁደ ማቀካ ላፑን ካተትꬅታ ሃሲ ኡ ቢታ ፋ አሳ ላትሴዛ። [d] 20 የይ ኡባይ ኦይዲ ጼታኔ እሻታም ማቃድ ላይꬅ ጋንጨ ሀኔዛ። የይፕ ጉየ ናበ ሳምኤላ ዎደ ሄሎዳይስ ዳይንታይ አቅሶዳይ ጋርክ እንጌዛ። [e]

21 «የይፕ ጉየ፥ ኡንቲ ፓስ ካት እንጎዳይ ጋርክ ዎስን፥ ጾሲ ቢናመ ሼሻይፕ ቂሰ ናአ፥ ሳኦላ ኦይታም ላይꬅ ካዉቶዳይ ጋርክ ኡንትስ እንጌዛ። [f] 22 ጾሳይ ሳኦላ ሻሬዛይፕ ጉየ ኡንታል አፋ ዳዉተ ካዉትሴዛ። ጾሳይ ዳዉተ ባጋ ማርካትታር፥ ‹ታኒ ታ ሸነ ኡባ ኦꬅዝ ታ ዎዝና ማቄዝ ኢሳየ ናአ ዳዉተ ደንጌዛ› ዬጌዛ። [g]

23 «ጾሳይ፥ ‹ታኒ ዳዉተ ሼሻይፕ እስሬለ አሽዛ ኮኦዳ› ግ ቃላ ገሌዛይ ጋርክ የሱሳና ከኤዛ። 24 የሱሳ የኦዳይፕ ቲና እስሬለ አስ ኡባይ ፋ ናጋራይፕ ማቂ ጻማቅንቶዳይ ጋርክ ዋንሳ ቃላ ኦዴዛ። [h] 25 ማ ዋንሳ ፋ ኦሳ ዉርሶድ ሀንታር አሳይኮ፥ ‹ታና ይ ኦና ግ ቆፔ? ታኒ ይ ናግዛ ክርስቶሳ ባያ፥ ዝን ታኒ ኤ ጫማ ብሎዳይስ ታስ ቤዞዋዛይ ታፕ ጉየር ይእዛ› ዬጌዛ። [i]

26 «ኑ ኢሹንꬆ፥ አፍራመ ሼሹንꬆ፥ ማ Ꮊይዳ አይሁደ ባዝን ጾስስ ያሽትዝታዮ፥ Ꮊ አቶትꬃ ቃላይ ኑስ ኪትንቴዛ። 27 አብስ ጊኮ፥ የሩሳላመ የዝ አሳይኔ ኡ ሀላቅታይ የሱሳና ኤረካያ። ማላ ጋላስ ኡባይድ ናባብንትዛ ናብታይ ቃላ አካኬካ ግሾስ ኤዛል አፋ ፕርዲ ናብታይ ኦዴዝ ቃላ ፖሌዛ። 28 የሱሳ ዎꬍሶዳይስ ፐቲ ሳንከካ ꬋብን ጵላጾሳ ኤዛ ዎꬎዳይ ጋርክ ዎሴዛ። [j] 29 ኡንቲ የሱሳባዝ ጌሻ ማጻፋይድ ጻፍንቴዝባዝ ኡባ ፖሌዝ ዎደ ማዝቃለፕ ኤዛ ዎꬍሲ ሞጌዛ [k]።[l] 30 ዝን ጾሳይ Ꮊይቆፕ የሱሳ ደንꬄዛ። 31 የይፕ ጉየ፥ ኤ ፓር ጋልላፕ የሩሳላመ የኤዝታይስ ኡንደና ጋላስ በንቴዛ። ኡንቲ Ꮊት ኤባዝ አሳይስ ማርካትዛ። [m]

32 «ጾሲ ኑ አድታይስ እማድ ጌዝ ዎንግለ ኑኒ ይንትስ ኦድዛ። 33 ዳዉተ ፋ ማዝሙረ ማጻፋይድ ናምእንꬆ ሸምፓይድ፥