ጳዉሎሳ ጽማቶሳስ ጻፌዝ ቲና ኪታ ገሎ ጽማቶሳ ግንትንትዝ፥ አማንዛ ፓንꬃይ፥ ጽቃ ኢስያ የልንቴዛያ (ሀዋ. ኦ. 16:1-3)። ኤ እንዲ ባጋር አይሁደ፤ ኤ ፋ አዳይ ባጋር ማ ግርኬ አሲ። ኤ ጳዉሎሳራ ፐትፕ ኦꬅዛኔ ዎንግለ ኦሶር ኤ ጳዉሎሳስ ኡከ ማዴ። ጳዉሎሳ ጽማቶሳስ ጻፌዝ ቲና ኪታይ ሀይꬒ ኣፈ ቆፍታ ኦድዛ። ኡባፕ ቲናቲ ኪታይ፥ ዎሳ ኬꬃ ደንዴዝ ዎርዶ ትምርተ ባጋ ሚንꬂ ኦድዛ። የይካ እማꬅ ትምርታይ አይሁደ ትምርታይፕ ባጋ፥ ማ አይሁደ ማቀካ አሳይ ትምርታይፕ ባጋ አይኬዛ። የይካ፥ «Ꮊ በንትዝ አላማይ ናጋራራ ኢቴዝ ግሾስ አስ አቶትꬅ ደንጎዳይስ ዱማ ማቄዝ ጹራ ኤሮዳይስ፥ ፐቲ ፐቲ ካꬅታ ሜካ አሾዳይስኔ ማቾ ኤከካ ዎይ አዝን ገለካ አሾዳይስ ኮሽዛ» ዬግዛ ቆፋ ባሶ ኡዲ ደንዴዛ። ናምእን ቆፋይ፥ ዎሳ ኬꬃ አቅሶ ባጋኔ ጎይኖ ዎጋ ባጋ ታማርስዛ ትምርታ፥ Ꮊይ ጋርክ ዎሳ ኬꬃ ካልꬅዛይኔ ኡንታን ማድዝታይ አብ ጋርክ ማራ የስ የዞዳይስ ቤዝዛኮ ኦድዛ። ዉርስꬃል፥ ጽማቶሳ የሱስ ክርስቶሳስ ኦꬅዛ ሎኦ አስ ዋይዚ ማቆዳይስ ቤዝዛኮ፥ ማ ዱማ ዱማ አማንዛ አሳይ ካንታ ኤስ የዝ አደትꬃይ አብዛኮ፥ ጳዉሎሳ ኤዛ ዞሬዝ ዞራ ቤዝዛ። 1 ጽማቶሳ ኪታይ አይኬዝ ቆፍታ ገሎ 1:1-2 ዎሳ ኬꬅ ባጋኔ እዞ አቅስዛ አሳይስ እንግንቴዝ አቅሶ ዎጋ 1:3—3:16 ጽማቶሳስ እንግንቴዝ ትምርታ 4:1—6:21
1 ኑና አሽዛ ጾሳይኔ ኑ ኡፋይሳ ማቄዝ የሱስ ክርስቶሳ አዛዞር፥ የሱስ ክርስቶሳ ሀዋረ ማቄዝ፥ ጳዉሎሳፕ፥ 2 አማኖር ታስ ቱማ ናአ ማቄዝ ጽማቶሳስ።
8 አሲ ቤዝዛይ ጋርክ ህገር ማድንትኮ ህገ ሎኦ ማቄዛና ኑ ኤርዛ። 9 አካኮዳይስ ቤዝዛይ ህገ ሃዮ አሳይስ መꬍንተካዛ ኑ ኤርዛ፥ ዝን ህገ፥ ህገ መንꬄዝታ፥ ዳፋ ኦꬅዝታ፥ ጾሰ ያሽቶዝታ፥ ሸምፖ ዎꬍዝታ፥ ናጋራንችታ፥ ጌሻትꬂ ባዝታ፥ ቱንታ፥ ሀራ አቶዝን ፋ እንዶ ዎይ አደ ዎꬍዝታ፥ 10 ላምዝታ፥ ꬊራꬂ ꬊራꬃር ላምዝታ፥ አስ ባይዝዝታ፥ ዎርዳንችታ፥ ዎርዶር ጫቂዝታ፥ ዎይ ቱማ ትምርተራ ዎል ሄሎዋ አባ ኦሶ ኡባ ኦꬅዝታይሲ። 11 Ꮊ ቱማ ትምርታይ ቦንቾኔ አንጅንቴዝ ጾሳይ ታ አዋጆዳይ ጋርክ ታስ ሀዳራ እንጌዝ ዎንግለ ጋንጨ የዛ።
15 «ክርስቶሳ የሱሳ ናጋራንችታ አሾዳይስ Ꮊ አላመ የኤዛ» ግዝ ቃላይ አማንꬅዛኔ አስ ኡባይ ኤኮዳይስ ቤዝዛያ። ኡባፕ ኣꬌዝ ናጋራንቻይ ታና። 16 ዝን መꬍና ደኦ ኤኮዳይስ ኤዛ አማንዛ አሳይስ ታኒ ኣዝሶ ማቆዳይ ጋርክ የሱስ ክርስቶሳ ታና ጋመ ዳንዳኤዛ። ታስ ኡባይፕ ኣꬊዝ ናጋራንቻይስ ጾሲ ፋ ማሮትꬅ ጋንትꬄዛ። 17 ኣፈር በንቶዋዝታይስ፥ ፐቲ ጾሳይስ፥ Ꮊይቆዋዛይስ፥ መꬍና ካታይስ፥ መꬊናፕ መꬍና ሄሎዳይስ ጋላታኔ ቦንቾ ማቆ። አምንኤ።
18 ታ ናአ ጽማቶሳ፥ ካሰ ነባጋ ናብታይ ኦዴዝ ቃላይል አፋ ኤቂ Ꮊ ኪታ ሀዳራ ኔስ እንግዛ። ነ የ ቃላ ካሊ ሎኦ ኦላ ኦልንቶባ። 19 አማኖኔ ሎኦ ካሃ ኔስ የዞ። ፐታይ ፐታይ ካሃይ ግዛያ እጺ ማረ ባ ማርካበ ꬋብዛይ ጋርክ ፋ አማና ꬋብሴዛ። 20 ያ አስታይ ጋንጨ ሄመኔሳኔ ኢስክንድረ የዛ። ኡንቲ ታማሪ ጾሳ ጫሸ አሾዳይ ጋርክ ታኒ ጻላሄስ ኡንታን ኣꬂ እንጌዛ።
1ጽማቶሳስ 2 ->