1 ሲቆ ካሎይታ። አያና እሞትታ ሚንꬂ ኮዮይታ፤ ኡባፕ ኣꬂ፥ ትንቢተ እሞታ ሚንꬂ ኮዮይታ። 2 ዱማ ዱማ ዶናር ኦድንትዛ አሲ ጾሳይስ ኦድዛፕ አትን አስስ ኦዶያ። ዝን አስስ ቆንጨካ ጹራ አያና ዎልቃር ኦድንትዛ ግሾስ ኦንካ ኤ ኦድንትዛና አካኮያ። 3 ዝን ትንቢተ ኦድዝታይ አስ ድቾዳይስ፥ ምንꬃꬆዳይስኔ ጻልሶዳይስ አስስ ኦድዛ። 4 ዱማ ዱማ ዶናር ኦድዛ አስ ፋና ድችዛ። ዝን ትንቢተ ኦድዛ አስ ዎሳ ኬꬅ ድችዛ።

5 ይ ኡባይ ዱማ ዱማ ዶናር ኦድንትዛኮ ታ ዶስዛ፥ ዝን ትንቢተ ኦድዛኮ ታ ኡሳ ዶስዛ። ዱማ ዱማ ዶናር ኦድንትዛና ዎሳ ኬꬅ ድችስ ብልእዝ አስ ꬋብኮ፥ ዱማ ዱማ ዶና ኦድንትዛይፕ ትንቢተ ኦድዛይ ኣꬍዛ።

6 ዝን ታ እሹንꬆ፥ ታኒ ይንትኮ Ꮊንጊ ቆንጭꬃር ዎይ ኤራትꬃር ዎይ ትንቢተ ኦዶር ዎይ ትምርተ ባይꬅ ዱማ ዱማ ዶናር ኦደንትኮ ይንታን አብ ማዶዴ? 7 ዱማ ዱማ የꬅ ሚሻይስ ፐቲ ግርꬂ የዝኮ፥ ሹልሹሎ ግርስነ ዲꬅ ግርስ ዋይዚ ሻኪ ኤሮዴ? 8 ማ ቱልቱሎ ፑጎ ሻኪ ኤርንታም እጽኮ ኦላስ ጊግንትዛይ ኦኖ? 9 የይ ጋርከካ፥ ዱማ ዱማ ዶናር ይ ኦድንትዛይ ቆንጨ ማቃም እጽኮ ይ ኦድዛ ኦኒ ኤሮዴ? የይ ጫርኮር ኦድንትዛይ ጋርከ።

10 Ꮊ አላመል ጋመ ዶንታይ የዛ፤ የ ኡባይስ ብልእꬂ የዛ። 11 ዝን ፐቲ አሲ ኦድንትዛ ዶና ታኒ ኤራም እጽኮ ኤ ታስ እማꬄ ማቅዛ፤ ታካ ኤስ እማꬄ ማቅዛ። 12 የይ ጋርከካ፥ ጌሻ አያና እሞታ ይ ኤኮዳይስ ሚንꬂ ኮይኮ፥ ዎሳ ኬꬅ ድቻይስ ኡባፕ ኣꬊዝ እሞታ ኮዮይታ።

13 ዱማ ዱማ ዶናር ኦድንትዛ አስ ፋ ኦዳ ብሎዳይስ ብርሽꬅ እሞታይ እንግንቶዳይ ጋርክ ጾሳ ዎሶ። 14 ታኒ ዱማ ዱማ ዶናር ጾስ ዎስኮ፥ ታ አያናይ ዎስዛ፥ ዝን ታ ዎዝናይ አኮካ ማድንቶያ። 15 የዝን፥ ታ አብ ኦꬆዳይስ ኮሼ? ታኒ ታ አያናር ዎስዛ፤ ታ ካሃይራካ ዎስዛ። ታኒ ታ አያናር የጽዛ፤ ታ ካሃይራካ የጽዛ። 16 የያ ማቃም እጽኮ ኔኒ ነ አያናር ጾስ ጋላትዛ ዎደ የ አቃይድ ኔኒ ግዛ ኤረካ አስ ነ ጋላትዛ ዎደ፥ «አምንኤ» ጎደ? 17 ኔኒ ጾስ ጋላትዛይ ሎኦ፥ ዝን ሀራ አስ ማዶያ።

18 ታ ይ ኡባይፕ ኣꬂ ዱማ ዱማ ዶናር ኦድንትዛ ግሾስ ጾስ ጋላትዛ። 19 ዝን ታኒ ዎሳ ኬꬃ ሀርታ ታማርሶዳይስ ዱማ ዱማ ዶናር ታጲ ሙኩሎ ቃላ ኦድንትዛይፕ ኤርንትዛ ዶናር እችን ቃላ ኦዶ ዶስዛ።

20 ታ እሹንꬆ፥ ይ ኢታ ቆፋስ ናእታይ ጋርክ ማቆይታፕ አትን ቆፓር ናአ ማቅፓተ ዎዛናምታ ማቆይታ። 21 ጎዳይ፥ ጌሻ ማጻፋይድ፥

26 ታ እሹንꬆ፥ ኑ ዋጎ? ይ ፐትፕ ሺቅዛ ዎደ ፐታይስ ማዝሙረ የዛ፤ ፐታይስ ታማርሶ እሞታይ የዛ፤ ፐታይስ ቆንጭꬂ የዛ፤ ፐታይስ ዱማ ዱማ ዶናር ኦድንቶ የዛ፤ ፐታይስ ብልእዝ እሞታይ የዛ። የ ኡባይ ዎሳ ኬꬃና ድችዛባዝ ማቆዳይስ ቤዝዛ። 27 ዱማ ዱማ ዶናር ኦድንትዛ አስታይ የዝኮ፥ ናምኤ ዎይ ጋንግኮ ሀይዝ ማቅኮ ማራር ማራር ናግንቲ ኦዶዳይስ ቤዝዛ። ኡንቲ ኦድንትዛና ሀራ አስ ብሎ። 28 ዝን ብልዝ አስ ꬋብኮ፥ ዱማ ዱማ ዶናር ኦድንትዛይ ዎሳ ኬꬃ ስእ ጎ። ፋስኔ ፋ ጾሳይስ ኦዶ።

29 ትንቢተ ኦድዝታይ ናምኤ ዎይ ሀይዝ ማቂ ኦዶ። ማ Ꮊንክታይ ኡንቲ ግዝባዝ ሻኮ። 30 የ ሺቃይድ የዝ ሀራ አስስ ፐትባዝ ቆንጭኮ ቲና ኦድንትዛይ ስእ ጎ። 31 ኡባይ ታማሮዳይ ጋርከኔ ኡባይ ሚንጎዳይ ጋርክ ማራር ማራር ትንቢተ ኦዶዳይስ ዳንዳእዛ። 32 ናብታይ አያናይ ናብታይስ አዛዝንትዛ። 33 ጾሳይ ሳሮትꬅ ጾሳፕ አትን ጫቦ ጾስ ባያ። ጌሽታይ ዎሳ ኬꬅታይ ኡባይ የይጋርከ።

34 ማችታይ ዎሳ ኬꬅ ሺቆ ስእ ጎ። ህገ ግዛይ ጋርክ ኡንቲ ሃርንቶፕ አትን ዎሳ ኬꬃ ኦዶዳይስ ኡንትስ ማዉተ ባያ። 35 ማችታይ ዎሳ ኬꬃ ኦድንቶ ቦርሶ ማቄዝ ግሾስ ፐቲ ፐትባዝ ኤሮዳይስ ኮይኮ ካራ ፋ አዝና ኦይጮ።

36 ጾስ ቃላ ቲና ይ ከኤኔ? ዎይ ጾስ ቃላይ ይ ኣዳኮ የኤኔ? 37 ኦንካ ፋና ናበ ዎይ ፋና ጾስ አስ ግ ቆፕኮ፥ ታኒ ይንትስ ጻፌዛይ ጎዳይ አዛዞ ማቄዛና አካኮ። 38 ዝን ኦንካ ኤራም እጽኮ ኤካ ኤርንትፐ።

39 የይ ግሾስ፥ ታ እሹንꬆ፥ ትንቢተ ኦዶዳይስ ሚንꬂ አሞቶይታ፤ ማ ዱማ ዱማ ዶናር ኦድንታካ ካይፓተ። 40 ዝን ኡባይካ ዎጋራኔ ማራር ማቆ።

<- 1ቆሮንቶሳ 131ቆሮንቶሳ 15 ->