୮ ମାତର୍ ଇଲେଇ ମିର୍ ବା ଇୟାୱିଜୁ ବିସୟ୍କୁ ଇନ୍ଡ୍ରେଙ୍ଗ୍ ସରିଙ୍ଗ୍ : ରିସା, ଆକାର୍, କାଡ଼୍ନିକା ଡ଼ିସ୍ତେଙ୍ଗ୍ ପଡ଼ାନାତ୍ । ମି ୱେୟୁଦାନ୍ ତାଗ୍ଇ ମାଟେଙ୍ଗ୍ ମାରି ତାଗ୍ଇ ବାସା ମୁଡ଼ୁକେ ଇନ୍ମାଟ୍ । ୯ [a]ନିଜେନିଜେଦିଙ୍ଗ୍ ମିଚ୍ ଇନ୍ମାଟ୍, ଇରିଙ୍ଗ୍ ମିର୍ ପାଡ଼ିଇ ଗୁଣୁ ମାରି ତାନି ବ୍ୟବ୍ହାର୍ ଡ଼ିସ୍ତିମାନିଦେର୍, ୧୦ [b]ମାରି ପୁନି ଗୁଣ୍ ଆସ୍ତିମାନିଦେର୍ । ଲୋକ୍ତି ଇୟା ପୁନିପାଣି, ତିଆର୍କିତି ମାପୁରୁ ନିଜେଦି ମୁର୍ତି ଇସାବ୍ତାନ୍ ପାଣି କିଜିନାନ୍ । ଇୟାଉଣ୍ତିଙ୍ଗ୍ ମିର୍ ୱାନି ବିସୟ୍ତାନ୍ ପୁରା ବୁଦି ପୟ୍ଜିନିଦେର୍ । ୧୧ ଇୟାୱାଜା ଜିହୁଦି, ଅଣଜିହୁଦି, ସୁନ୍ନତ ମାରି ଅସୁନ୍ନତ, ନିଜେଦି ଦେସ୍, ଆଇଦେସ୍, ଗତିମୁରୁଲି ମାରି ଆରେଏମାନି ଲୋକ୍ତି ଲୋଇ ଆମାଇନି ଅଲଗା ସିଲେତ୍ । ମାତର୍ କ୍ରିସ୍ତ ୱିଜେରିମାନୁ ମାନାନ୍ ମାରି ୱାନ୍ ଆଜିନାନ୍ ୱିଜୁୱିଜୁନେ ।
୧୨ [c]ମାରି, ମିର୍ ମାପୁରୁଦି ଲୋକୁ । ୱାନ୍ ମିଙ୍ଗିଁ ଜିବନ୍ନୋଜି ନିଜେଦି ଉଣ୍ତିଙ୍ଗ୍ ଆସ୍କିତାମାନାନ୍ । ଆଦେଙ୍ଗ୍ ମିର୍ ସିତ୍ଡ଼ି ଜିବନ୍, ଦୟା, ସାନ୍ତି, କରୁଣା ମାରି ସାହାସ୍ତିନାନି ଆଙ୍ଗିଁ ଆରାଦୁ । ୧୩ [d]ନିଜେନିଜେଦି ଉଣ୍ତିଙ୍ଗ୍ ମିସାବିଡ଼ା ଆଦୁ, ମାରି ଜଦି ଆଇ ଏମେୱାନି ବିରୁଦ୍ତାନ୍ ଇନି ମାଟା ମାର୍ଇଙ୍ଗାଁ, ଆର୍ତିଙ୍ଗ୍ ନିଜେନିଜେଦିଙ୍ଗ୍ କେମା କିଦୁ । ପ୍ରବୁ ଏଣ୍ତେସ୍ ମିଙ୍ଗିଁ କେମା କିତାମାନାନ୍, ମିର୍ ବା ଆୟାୱାଜା ନିଜେନିଜେଦିଙ୍ଗ୍ କେମା କିଦୁ । ୧୪ ମାରି ଇୟାୱିଜୁ ଗୁଣୁ ୱାଲେ ଜିବନ୍ନୋନିକା ମିସାକିଦୁ । ଜିବନ୍ନୋନିକା ୱିଜୁ ବିସୟ୍ତିଙ୍ଗ୍ ମିସାକିଜି ଉନ୍ଡ୍ରେମାନୁ କିନାତ୍ । ୧୫ କ୍ରିସ୍ତସିତିମାନି ସାନ୍ତି ମି ଜିବନ୍ତିଙ୍ଗ୍ ସାଲାକିପିତ୍; ଇରିଙ୍ଗ୍ ଇୟା ସାନ୍ତି ଉଣ୍ତିଙ୍ଗ୍ ମାପୁରୁ ମିଙ୍ଗିଁ ଅରେସ୍ୱାଜା ଉନ୍ଡ୍ରେ ମେନ୍ଧଲ୍ ଆନି ଉଣ୍ତିଙ୍ଗ୍ କୁକ୍ତାମାନାନ୍ । ୱିଜୁଦିନ୍ ଦନ୍ୟବାଦ୍ ସିଦୁ । ୧୬ [e]କ୍ରିସ୍ତଦି ବାକ୍ୟ ନାଣ୍ତଦାନ୍ନାଣ୍ତ ମି ଜିବନ୍ତୁ ବାସା କିପିତ୍; ମିର୍ ନିଜେନିଜେଦିଙ୍ଗ୍ ପୁରା ବୁଦିଦି ୱାଲେ ସିକିୟା ମାରି ସତେନେ ସିଦୁ । ମାରି ଆତ୍ମିକ ମାପୁରୁଦି ଉଦେସ୍ତାନ୍ ପାଟା ପାର୍ଦୁ, ଆରାଦନା କିଦୁ, ମାରି ଦନ୍ୟବାଦ୍ଦାନ୍ ୱେଡ଼ିକାଦି ଜିବନ୍ତାନ୍ ପାଟା ପାର୍ଦୁ । ୧୭ ମାରି, ବାକ୍ୟ ସିଲିତିଙ୍ଗ୍ ପାଣିଦାନ୍ ମିର୍ ଆମାକା ଇନିକା କିଦୁ, ଆୟାୱିଜୁ ପ୍ରବୁ ଜିସୁଦି ଦର୍ତାନ୍ କିଜି ୱାନିମାଣୁକୁ ବୁବା ମାପୁରୁଙ୍ଗୁଁ ଦନ୍ୟବାଦ୍ ସିଦୁ ।
୧୯ [g]ଏ କନ୍ଲିରି, ନିଜେ ନିଜେଦି ଆଇମେକାଙ୍ଗ୍ଁ ଜିବନ୍ନୋଦୁ, ୱାନିକା ଉଣ୍ତିଙ୍ଗ୍ ତାଗ୍ଇ ବ୍ୟବ୍ହାର୍ କିମାଟ୍ ।
୨୦ [h]ଏ କଡ଼ର୍ ଆଇଲିକ୍, ୱିଜୁଦିନ୍ ମି ବୁବା ୟାୟାରି ମାଟା ଆସ୍ତୁ, ଇକା ମି କ୍ରିସ୍ଟାନ୍ତି ପାଣି, ଇରିଙ୍ଗ୍ ଇବେନୁ ମାପୁରୁ ୱେଡ଼ିକା ଆନାନ୍ ।
୨୧ [i]ଏ ବୁବାୟାୟାର୍, ନିଜେ ନିଜେଦି କଡ଼ରିଙ୍ଗ୍ ରିସା କିମାଟ୍, ଏଣ୍ତେସ୍ ୱାର୍ ୱେଡ଼ିକା ଆଏର୍ ।
୨୨ [j]ଏ ଗତିମୁରୁଲିର୍, ୱିଜୁ ବିସୟ୍ତୁ ମି ମାଲିକ୍କା ମାଟା ଆସ୍ତୁ । ୱାର୍ ମି ଉଣ୍ତିଙ୍ଗ୍ ସୁଡ଼ୁଜି ମାନିୱାଲେ ୱାରିଙ୍ଗ୍ ୱେଡ଼ିକା କିନି ଉଣ୍ତିଙ୍ଗ୍ ସିଲେ, ମାତର୍ ପ୍ରବୁଦି ଉଣ୍ତିଙ୍ଗ୍ ମି ତିଲାଏତାନ୍ ତିର୍ ଜିବନ୍ତାନ୍ ଇକା କିଦୁ । ୨୩ ମିର୍ ଆମାକା ଇନିକା କିନିଦେର୍, ପ୍ରବୁଦି ଉଣ୍ତିଙ୍ଗ୍ କିତି ୱାଜା ଜିବନ୍ତି ୱାଲେ ଆକା କିଦୁ, ଲୋକା ଉଣ୍ତିଙ୍ଗ୍ କିତି ୱାଜା କିମାଟ୍ । ୨୪ ମନେଇଡ଼୍ଦୁ, ମାପୁରୁ ତାମି ଲୋକା ଉଣ୍ତିଙ୍ଗ୍ ଆମାକା ଇଟ୍ତାମାନାନ୍, ଆକା ୱାନ୍ ମିଙ୍ଗିଁ ପୁରସ୍କାର୍ ୱାଜା ସିନାନ୍ । ମିର୍ ପ୍ରବୁ କ୍ରିସ୍ତଦିଙ୍ଗ୍ନେ ସେବା କିଜିନିଦେର୍ । ୨୫ [k]ମାରି ଏନ୍ ଅନ୍ୟାୟ୍ କିନାନ୍, ୱାନ୍ ନିଜେଦି ଅନ୍ୟାୟ୍ଦି ବାଦ୍ଲୁ ଦଣ୍ତ୍ ପୟ୍ନାନ୍; ଇରିଙ୍ଗ୍ ମାପୁରୁ ସାମାନ୍ତାନ୍ ୱିଜେରି ବିଚାର୍ କିନାନ୍ ।
<- କଲସିୟ 2କଲସିୟ 4 ->