1 ಅಂತಿಯೊಕ್ಯಾತ್ಲೆ ಸಭೆತ್ ಪ್ರವಾದಿ ಆನಿ ಸಿಕಿವ್ನಾರ ಹುತ್ತ. ತೇ ಕೊನ್ ಮಂಜೆ ಬಾರ್ನಬ್, ನೀಗರ್ ಮಂಥ್ಯಾಲಾ ಸಿಮೆಯೊನ್, ಕುರೇನ್ಯಾಚಾ಼ ಲುಕ್ಯ, ಸಾಮಂತ ಹೆರೊದಾಚೆ ಸಂಗವಾಡಲ್ಯಾಲಾ ಮೆನಹೇನ್, ಸೌಲ್ ಹೇಸ್. 2 ಹೇ ಪ್ರಭುಲಾ ವವ್ಯಾಳಿತ್ ಉಪಾಸ್ ಕರ್ತ್ಯಾಲ ಆಸ್ಥಾನಾ ಪವಿತ್ರಾತ್ಮ ಮನಾ ಬಾರ್ನಬಾಲಾ ಆನಿ ಸೌಲಾಲಾ ಹಾಕಟ್‌ಲ್ಯಾಲೆ ಸೆವೆ ಸಾಟಿ ತ್ಯನಾ ಯಗ್ಳಾ ಮನ್ಹುನ್ ಸಾಂಗ್ತೊ.

3 ತವಾ ಬಾರ್ನಾಬಾ ಆನಿ ಸೌಲ್ ಉಪಾಸ್ ರಾಹುನ್ ಮಾಗ್ನ ಕರುನ್ ತ್ಯಾ ದೊಗಾವ ಹಾತ್ ಥಿವುನ್ ತ್ಯನಾ ಲಾವುನ್ ದೆತ್ಯಾತ.

4 ಆಸಸ್ ತೇ ಪವಿತ್ರತ್ಮಾನಿ ಲಾವುನ್ ದಿಲ್ಯಾಲ ವ್ಹವುನ್ ಸೆಲ್ಯುಕ್ಯಾತ್ ಆಲ; ತಿತ್ನಿ ಸಮಿಂದೊರಾವ್ನಿ ವ್ಹಡಿತ್ನಿ ಸೈಪ್ರಸ್ ದ್ವಿಪಾತ್ ಗೆಲ. 5 ಸಲಾಮಿಸ್ ಮಂಥ್ಯಾಲ್ಯಾ ಜಾ಼ಗ್ಯಾವ ಜಾ಼ವುನ್ ತಿಥ ಯೆಹುದ್ಯಾಂಚಾ ಸಭಾಸ್ಥಾನಾತ್ ದೇವಾಚಾ ವಾಕ್ಯಾ ಸಾಂಗ್‌ಲ್ಯಾ. ಮಾರ್ಕ್ ಮನ್ಹುನ್ ಗೆಥ್ಯಾಲಾ ಯೊಹಾನ್ ಮಜ಼ತ್ ಕರ್ತ್ಯಾಲಾ ವ್ಹವುನ್ ತ್ಯಂಚಿ ಸಂಗ ಹುತ್ತಾ.

6 ತೇ ದ್ವಿಪಾತ್ ಸಗ್‌ಳ್ಯಾ ಫಿರುನ್ ಪಾಪೊಸ್ ಮಂಥ್ಯಾಲ್ಯಾ ಗಾವಾ ಪರೇತ್ ಯವುನ್ ತಿಥ ಲಬಾಡ್ ಪ್ರವಾದಿ ಘಾಡ್ಫನ್ ಕರ್ನಾರಾ ಬಾರ‍್ಯೇಸು ಮಂಥ್ಯಾಲ್ಯಾ ಯಕಾ ಯೆಹುದಿ ಮಾನ್ಸಾಲಾ ಬಗ್‌ತ್ಯಾತ. 7 ತ್ಯೊ ರಾಜ್ ದರ್ಬಾರ್ ಕರ್ನಾರಾ ಸೆರ್ಗ್ಯಾ ಪೌಲ್ ಮಂಥ್ಯಾಲ್ಯಾ ಅಧಿಪತಿ ಸಂಗ ಸುಪ್ತಿ ಹುತ್ತಾ. ತ್ಯೊ ಅಧಿಪತಿ ಶಾನಾ ವ್ಹವುನ್ ಬಾರ್ನಬಾಲಾ ಆನಿ ಸೌಲಾಲಾ ಆಪ್ಲಿಪ ಹಾಕ್ಟುನ್ ದೇವಾಚಾ ವಾಕ್ಯಾ ಐಕಾಯಾ ಮನ್ ಕೇಲ. 8 ಫನ್ ಗಾಢಿ ಜಾ಼ಲ್ಯಾಲಾ ಎಲಿಮನ್ ಬಾರ್ನಬ ಆನಿ ಸೌಲಾನಾ ಆಡ್ಯಾವಿತಾ. ರಾಜಪಾಲಾನಿ ಇಸ್ವಾಸ್ ಥಿವುನಾಹಿ ಆಡ್ಯಾವಿತಾ. 9 ಫನ್ ಪೌಲ ಸೌಲಾಚ಼ ಆನಿ ಯಾಕ್ ನಾವ್ ಪೌಲ್ ಪವಿತ್ರಾತ್ಮಾನಿ ಬರ್‌ಲ್ಯಾಲಾ ಜಾ಼ಲ್ಹಾ ಪೌಲಾನಿ ಎಲಿಮಾಲಾ ಬಗುನ್. 10 ತ್ಯಲಾ, “ತು ಸೈತಾನಾಚಾ಼ ಲ್ಯೊಕ್ ಪರತೇಕ್ ಚಾ಼ಂಗಲ್ಯಾಲಾ ತು ವೈರಿ ಬುರ್ಸೆ ಯವಜ್ನಾ಼ನಿ ಲಬಾಡಾನಿ ಬರ್‌ಲ್ಯಾಲಾ ಜಾ಼ಲ್ಯಾಸ್ ಪ್ರಭುಚ಼ ಖರ ತು ಲಬಾಡ್ ಕರಾಯಾ ಕವಾಬಿ ಯತ್ನ ಕರ್ತೊಸ್! 11 ಬಗ, ಪ್ರಭುನಿ ತುಜಿವ ಹಾತ್ ಉಚ಼ಲ್ಯಾ. ತು ಅಂದ್ಳಾ ವ್ಹವುನ್ ಥೊಡ್ಯಾ ಯಳಾ ಪರತ್ ಕಾಯೆಕ್ ಬಗ್ನಾರ್ ನಾಹಿಸ್; ದಿಸಾಚಾ಼ ಉಜಿಡ್ ಸಾಹಿತ್ ಬಗ್ನಾರ್ ನಾಹಿಸ್” ಮನ್ಲಾ.

ತವಾ ಎಲಿಮಾಲಾ ಸಗ್ಳ ಆಂದಾರ್ ಜಾ಼ಲ್ಹ ಆಪ್‌ಲ್ಯಾಲಾ ಕೊನ್ತರಿ ಹಾತ್ ದರ‍್ಹುನ್ ಚಾ಼ಲ್ವುನಿ ಮನ್ಹುನ್ ತ್ಯೊ ತಳ್ಮಳಿತ್ ಸರ್ಬೌರಾ ಚಾ಼ಲ್ಲಾ. 12 ಹ್ಯ ಬಗ್‌ಲ್ಯಾಲ ರಾಜಪಾಲಾನಿ ಪ್ರಭುವ ಇಸ್ವಾಸ್ ಥೆವ್ಲಾ. ಪ್ರಭುಚೆ ಗುಶ್ಟಿತ್ ಸಿಕಿವ್ನ ಐಕುನ್ ಆಜಾಬ್ ಜಾ಼ಲ್ಹಾ.

13 ಪೌಲ್ ಆನಿ ತ್ಯಚೆ ಬರ್ಬರ್ಚ಼ ಪಾಪೊಸಿತ್ನಿ ಸಮಿಂದೊರಾತ್ನಿ. ಪಂಪುಲ್ಯ ಸಿಮತಲ್ಯಾ ಪೆರ್ಗ ಮಂಥ್ಯಾಲೆ ಪೆಠತ್ ತೆ ಆಲ. ಫನ್ ಮಾರ್ಕ್ ಮಂಥ್ಯಾಲಾ ಯೊಹಾನ್ ತ್ಯನಾ ಸುಡುನ್ ಯೆರುಸಲೆಮಿತ್ ಮಾಗಾರಾ ಗೇಲಾ. 14 ತ್ಯಂಚಾನಿ ಆಪ್ಲ ಪ್ರಯಾನ್ ಪೆರ್ಗಾತ್ನಿ ಚಾ಼ಲಿವ್ಲ, ಪಿಸಿದ್ಯ ಸಿಮತ್ ಮಿಳಾಲ್ಯಾಲೆ ಅಂತಿಯೊಕ್ಯಾತ್ ಗೆಲ. ತೇ ಅಂತಿಯೊಕ್ಯಾತ್ ಸಬ್ಬತ್ ದಿಸಾದಿಸಿ ಯೆಹುದ್ಯಾಂಚಾ ಸಭಾಮಂದಿರಾತ್ ಜಾ಼ವುನ್ ಬಸ್ಲ. 15 ಮೊಶೆಚ಼ ಧರ್ಮಶಾಸ್ತಾರ್ ಆನಿ ಪ್ರವಾದಿಂಚ಼ ಪುತಿಕ್ ವಾಚಿವ್ಲ. ನಂತರ್ ಸಬಾಮಂದಿರಾಚ಼ ಜಾಂತ ಪೌಲ್ ಬಾರ್ನಬನಾ, “ಬಾವ್ಹಾನು ಹಿತ್‌ಲ್ಯಾ ಲೊಕಾನಾ ಮಜ಼ತ್ ವ್ಹತ್ಯಾಚೆಗತ್ ಕಾಯ್ತರಿ ತುಮಿ ಸಾಂಗಾಯಾ ವ್ಹಯಿ ಮಂಥಾಸಾತ ದಯಾ ಥಿವುನ್ ಸಾಂಗಾ ಮನ್ಹುನ್ ಸಾಂಗ್ನ ಲಾವುನ್ ದಿಲ. 16 ಪೌಲಾನಿ ವರ್ ಉಠುನ್ ಅಪ್ಲ ಬೊಲ್ನ ಐಕಾಯಾ ವ್ಹಯಿ ಮನ್ಹುನ್ ಹಾತಾನಿ ಖುನ್ನಾ ಕರುನ್ ಆಸಾ ಮನ್ಲಾ.

ಮಾಜಾ ಇಸ್ರಾಯಲಾಚಾ ಲೊಕಾನು ಖರ‍್ಯಾ ದೇವಾಲಾ ವವ್ಯಾಳ್‌ತ್ಯಾಲ್ಯಾ ಯೆಹುದಿ ನಸ್‌ಲ್ಯಾಲ್ಯಾ ಲೊಕಾನು ಮಾಜ಼ ಐಕಾ! 17 ಇಸ್ರಾಯೆಲ್ ಲೊಕಾನು, ಆನಿ ಯೆಹುದಿ ಲೊಕಾನು, ಐಕಾ. ಆಮ್ಚಾ ಇಸ್ರಾಯೆಲ್ ಲೊಕಾನಾ ದೇವಾನಿ ನಿವಡಲ್ಯಾಲ ಆಮಚ಼ ವಾಡವಡಿಲ್ ಐಗುಪ್ತಾತ್ ಹುತ. ತವಾ ತ್ಯನಾ ದೇವಾನಿ ಅಬಿವ್ರದಿ ಕರುನ್ ಉದಾರ್ ಕಿಲಿತ. ಆಪ್‌ಲ್ಯಾ ಮೊಟ್ಯಾ ಬಳಾನಿ ತ್ಯನಾ ತೆ ದೆಶೆತ್ನಿ ಆನ್ಲಿತ. 18 ತ್ಯನಿ ಜ಼ವ ಜ಼ವಳ್ ರಾನಾತ್ ಚಾಳಿಸ್ ವರ್ಸಾ ಪರತ್ ತ್ಯನಾ ಸುಸ್ವುನ್ ಗಿತ್ಲಿತ. 19 ಕಾನಾನ್ ದೆಶೆತಲ್ಯಾ ಸಾತ್ ರಾಷ್ಟಾನಾ ನಾಸ್ ಕರುನ್ ಆಪ್‌ಲ್ಯಾ ಲೊಕಾನಾ ತ್ಯಾ ಜಾ಼ಗ್ಯಾವ್ಲ ಧನ್ಹಿ ಕೆಲ. 20 ಹ್ಯ ಸಗ್ಳ ಜ಼ವಜ಼ವಳ್ ಚಾರ್ಸೆ ಪನ್ನಾಸ್ ವರ್ಸಾ ಪರತ್ ಚಾ಼ಲ್ಲ,

“ಹ್ಯ ಜಾ಼ಲ್ಯಾವ ಪ್ರವಾದಿ ಜಾ಼ಲ್ಯಾಲ್ಯಾ ಸಮುವೆಲಾಚಾ ಕಾಲಾ ಪರತ್ ದೇವಾನಿ ಆಮ್ಚಾ ಲೊಕಾನಾ ನ್ಯಾಯಿ ತಿರ್ಮಾನ್ ಕರ್ತ್ಯಾಲ್ಯಾನಾ ದಿಲ. 21 ನಂತರ್ ಲೊಕಾಂಚಾನಿ ಆಪ್‌ಲ್ಯಾಲಾ ರಾಜಾ಼ ವ್ಹಯಿ ಮನ್ಹುನ್ ಮಾಗ್ಲ. ದೇವಾನಿ ತ್ಯನಾ ಕೀಶಚಾ಼ ಲ್ಯೊಕ್ ಜಾ಼ಲ್ಯಾಲ್ಯಾ ಸೌಲಾಲಾ ದಿಲಾ. ಸೌಲ್ ಬೆನ್ಯಾಮಿನ್ ಕುಳಾತ್ಲಾ. ತ್ಯೊ ಚಾಳಿಸ್ ವರ್ಸಾ ಪರತ್ ರಾಜಾ಼ ವ್ಹವುನ್ ಹುತ್ತಾ. 22 ದೇವಾನಿ ಸೌಲಾಲಾ ಕಾಡುನ್ ಟ್ಯಾಕ್‌ಲ್ಯಾವ ದಾವಿದಾಲಾ ತ್ಯಂಚಾ಼ ರಾಜಾ಼ ಕೇಲಾ ಇಶಾಯಾಚಾ಼ ಲ್ಯೊಕ್ ದಾವಿದ್ ಮನಾ ಆವಾಡಲ್ಯಾಲಾ ತ್ಯೊ ಮಾಜಾ ಮನಾಜು಼ಗಿ ಕಾಮ ಕರ್ತೊ’ ಮನ್ಹುನ್ ದೇವಾನಿ ದಾವಿದಾಚೆ ಗುಶ್ಟಿತ್ ಸಾಂಗ್ಲ. 23 ದೇವಾನಿ ಆಪ್‌ಲ್ಯಾ ವಾಗ್ದಾನಾಚೆಗತ್ ದಾವಿದಾಚಾ ವಂಶಾತ್‍ಲ್ಯಾ ಯಕಾಲಾ ಇಸ್ರಾಯಲಾಚಾ಼ ರ‍್ಯಾಕ್ನಾರಾ ಮನ್ಹುನ್ ಲಾವುನ್ ದಿಲ್ಯಾ. ತ್ಯೊಸ್ ಯೇಸು. 24 ಯೇಸು ಯಯಾಚೆ ಆಂದಿ ಸ್ನಾನಿಕ್ ಯೊಹಾನಾನಿ ಯೆಹುದಿ ಲೊಕಾನಾ ಸಗ್‌ಳ್ಯಾ, “ತುಮ್ಚಾ ಪಾಪಾಸಾಟಿ ಪಶ್ಚಾತಾಪಾನಿ ದೇವಾಕ್ಡ ಪರ್ತುನ್ ಬಾಪ್ತಿಸ್ಮಾ ಗೆವ್ಹಾ. ಮನ್ಹುನ್ ಸಾಂಗ್ಲ. 25 ಮಿ ಕೋನ್ ಮನ್ಹುನ್ ತುಮಿ ಯವಸ್ತಾಸಾ ? ಮೀ ಕ್ರಿಸ್ತ ನವ್ಹ ತ್ಯೊ ಮಾಜೆ ನಂತರ್ ಯನಾರ್. ತ್ಯಚೆ ಪಾಯಾತ್ಲೆ ವ್ಹಾನಚಾ಼ ಪಟ್ಟಾ ಸೊಡಾಯಾಬಿ ಮಿ ಲಾಯಿಕ್ ನಾಹಿ. ಮನ್ಹುನ್ ಸ್ನಾನಿಕ್ ಯೊಹಾನಾನಿ ಆಪ್ಲಿ ಕಾಮ ಕರುನ್ ಪುರಿ ಕಿಲಿತ ತವಾ ಸಾಂಗ್ಲ.

26 ಮಾಜಾ ಬಾವ್ಹಾನು ಅಬ್ರಹಾಮಾಚಾ ಕುಟ್ಮಾತಲ್ಯಾನು ಖರ‍್ಯಾ ದೇವಾಲಾ ವವ್ಯಾಳ್‌ತ್ಯಾಲ್ಯಾ ಯೆಹುದಿ ನಸ್‌ಲ್ಯಾಲ್ಯಾನು ಐಕಾ ಹ್ಯೊ ರ‍ಕ್ಷೆನೆಚಾ಼ ಸಾಂಗ್ ಲಾವುನ್ ದಿಲ್ಯಾಲಾ ಆಮ್ಚಿಸಾಟಿಸ್. 27 ಯೇರುಸಲೆಮಿತ್ ಜಿವ್ನಾ ಕರ್ತ್ಯಾಲ ಯೆಹುದಿ ಆನಿ ಯೆಹುದಿ ಜಾಂತ್ಯಾಂಚಾನಿ ಯೇಸುಸ್ ಸುಡಿವ್ನಾರಾ ಮನ್ಹುನ್ ಸಮಜು಼ನ್ ಗೆತ್ಲ ನವ್ಥ. ಪ್ರವಾದಿಂಚಾನಿ ಯೇಸುಚೆ ಗುಶ್ಟಿತ್ ಲಿವ್‌ಲ್ಯಾಲ ಸಬಾತ್ ಪರತೆಕ್ ಸಬ್ಬತ್ ದಿಸಾದಿಸಿ ವಾಚ್ವಿತಿತ. ಫನ್ ತ್ಯಂಚಾನಿ ಸಮಜು಼ನ್ ಗೆತ್ಲ ನಾಹಿ. ತ್ಯಾ ಯೆಹುದ್ಯಾಂಚಾನಿ ಯೇಸುಲಾ ಗುನ್ನಾದಾರ್ ಮನ್ಹುನ್ ತಿರ್ಪ್ ದಿಲಾ. ಆಸ ಕರತ್ಯಾಲ್ಯಾಸ್ ಲಾಗುನ್ ಪ್ರವಾದಿಚ಼ ಸಬಾತ್ ಘಢ್ಲ. 28 ಯೇಸು ಮರಾಯಾಸ್ ವ್ಹಯಿ ಮನ್ಹುನ್ ಶಾರ್ಕಾ ಕಾರನ್ ತ್ಯನಾ ದರಾಯಾ ಜಾ಼ಲಾನಾಹಿತರಿ ಯೇಸುಲಾ ಮಾರುನ್ ಟಾಕಾಯಾಸ್ ಪಾಯ್ಜೆ ಮನ್ಹುನ್ ಪಿಲಾತಾಪ ಮಾಗುನ್ ಗೆತ್ಲ. 29 ಪವಿತ್ರ ಪುಸ್ತಾಕಾತ್ ಲಿವ್‌ಲ್ಯಾಚೆಗತ್ ಯೇಸುಲಾ ವ್ಹಯಾ ವ್ಹಯಿ ಜಾ಼ಲ್ಯಾಲ ಸಗ್ಳ ಯೆಹುದ್ಯಾಂಚಾನಿ ಕೆಲ. ನಂತರ್ ತ್ಯಂಚಾನಿ ಯೇಸುಲಾ ಶಿಲ್ಬೆತ್ನಿ ಖಾಲ್ ಉತ್ರುನ್ ಮಸುರ್ಡಿತ್ ಥೆವ್ಲಾ. 30 ಫನ್ ದೇವಾನಿ ತ್ಯಲಾ ಮೆಲ್ಯಾಲ್ಯಾತ್ನಿ ಜಿ಼ತ್ತಾ ಕೆಲಾ! 31 ಹ್ಯ ಜಾ಼ಲ್ಯಾವ ಗಲಿಲಾಯಾತ್ನಿ ಯೆಸುಸಂಗ ಯೆರುಸಲೆಮಿತ್ ಆಲ್ಯಾಲ್ಯಾಂಚಾನಿ ಖುಬ್ ದಿಸಾಪರತ್ ತ್ಯಲಾ ಬಗ್ಲಾ ತವಾ ತ್ಯಚೆ ಗುಶ್ಟಿತ್ ತೆಸ್ ಲೊಕಾನಾ ಸಾಕ್ಷಿ ಜಾ಼ಲ. 32 ದೇವಾನಿ ಆಮ್ಚಾ ವಡ್ಲಾನಾ ಕೆಲ್ಯಾಲ್ಯಾ ವಾಗ್ದಾನಾಚೆ ಗುಶ್ಟಿತ್ ಬರಿ ಖಬರ್ ಆಮಿ ತುಮನಾ ಸಾಂಗ್ತಾವ್. 33 ಆಮಿ ತ್ಯಂಚಿ ಪಿಳ್ಗಿಜಾ಼ಲ್ಯಾವ್. ದೇವಾನಿ ಯೇಸುಲಾ ಮೆಲ್ಯಾಲ್ಯಾತ್ನಿ ಜಿತ್ತಾ ಕರುನ್ ಉಟಿವಲ್ಯಾಲ್ಯಾಸ್ ಲಾಗುನ್ ತ್ಯ ವಾಗ್ದಾನ್ ಆಮ್ಚಿಸಾಟಿ ಘಡಿವಲ್ಯಾತಾ. ಹ್ಯೆಚೆ ಗುಶ್ಟಿತ್ ದೊನ್ವೆ ಕಿರ್ತನೆತ್ ಆಸ ಲಿವ್‌ಲ್ಯಾ: ಹ್ಯಾ ಯಳಾತುಸ್ ಮಿ ತುಲಾ ಬಾ ಜಾ಼ಲ್ಯೊ. [a] 34 ದೇವಾನಿ ಯೇಸುಲಾ ಜಿತ್ತಾ ಕರುನ್ ಉಟಿವಲ್ಯಾ ಮನ್ಹುನ್ ತ್ಯೊ ಹಿತ್ನಿ ಮೊರ‍್ಹ ಮಸುರ್ಡಿತ್ ಕುಜ಼ತ್ನಾಹಿ ಮನ್ಹುನ್ ದೇವ್ ಆಸ ಮಂಥೊ: [b] 35 ಫನ್ ಆನಿಯಕಾ ಜಾ಼ಗ್ಯಾವ ದೇವ್ ಆಸಾ ಮಂಥೊ: ತು ತುಜಾ ಸೆವಕಾಚ಼ ಶರಿರ್ ಕುಜು಼ದಿಯಿತ್ ನಾಹಿಸ್. [c] 36 ದಾವಿದಾನಿ ಆಪ್ಲಾ ಜಿವ ಆಸ ಪರತ್ ದೇವಾಚಾ ಮನಾಶಾರ್ಕಾ ಜಿವ್ನಾ ಕೆಲಾ. ನಂತರ್ ತ್ಯೊ ಮರುನ್ ಗೆಲಾ. ದಾವಿದಾಲಾ ತ್ಯಚಾ ವಡ್ಲಾಂಚೆ ಸಂಗ ಮಾತಿ ದಿಲಿ. ತ್ಯಚ಼ ಶರಿರ ಮಸುರ್ಡಿತ್ ಕುಜ಼ುನ್ ಗೆಲ! 37 ಫನ್ ದೇವಾನಿ ಜಿತ್ತಾ ಕರುನ್ ಉಟಿವಲ್ಯಾಲ್ಯಾ ಯೇಸುಚ಼ ಶರೀರ್ ಮಸುರ್ಡಿತ್ ಕುಜ಼್ಲ ನಾಹಿ. 38 ಭನ್ಹಿ ಬಾವ್ಹಾನು ಯೇಸುಪ್ನಿಸ್ ಪಾಪ ಮಾಪ್ ವ್ಹತ್ಯಾತ ಹ್ಯ ತುಮನಾ ಠಾವ ರಾಹುನಿ. 39 ಮೊಶೆಚಾ ನೇಮಾನಿ ಸುಟಕಿ ವ್ಹವುನ್ ನಿಯೆತಿಚಿ ವ್ಹಯಾಚೆ ಆಂದಿ ಹಾಸಾ. ಫನ್ ತ್ಯಚಿವ ಇಸ್ವಾಸ್ ಥೆವಲ್ಯಾಲಿ ಸಗ್ಳಿ ತ್ಯಚಿಪ್ನಿ ಸುಟ್ಕಿ ವ್ಹವುನ್ ನಿಯೆತಿಚಿ ಮನ್ಹುನ್ ಗೆನ್ಹಾರ್. 40 ಮನ್ಹುನ್ ಪ್ರವಾದಿಂಚಾನಿ ಸಾಂಗ್‌ಲ್ಯಾಲ್ಯಾ ಹ್ಯಾ ಖನ್ಕತಿ ತುಮ್ಚಿಪ ಖರ‍್ಯಾ ವ್ಹಯಾಚೆ ಆಂದಿ ಹುಶಾರ್ ರಾವ್ಹಾ;

41 ಆರ, ನಕೊ ಮಂತ್ಯಾಲ್ಯಾನು, ಆಜಾಬ್ ವ್ಹವಾ, ನಾಸ್ ವ್ಹವುನ್ ಜಾ಼ವಾ. ತುಮ್ಚಾ ಕಾಲಾತ್ ಮಿ ಯಾಕ್ ಕಾಮ್ ಕರ್ನಾರ್; ತ್ಯ ಕಾಮ್ ಯಕಾನಿ ತುಮಾನಾ ಫುಡುನ್ ಸಾಂಗ್ಲ ತರಿ ತುಮಿ ಜ಼ರಾಬಿ ಖರ ದರ‍್ನಾರ್ನಾಹಿಸಾ!’ ಮನ್ಹುನ್ ಸಾಂಗ್ಲ. [d]

42 ಪೌಲ್ ಆನಿ ಬಾರ್ನಬ್ ಸಬಾಸ್ಥಾನಾತ್ನಿ ಜಾ಼ತಾನಾ ಹ್ಯಾ ಖನ್ಕತಿಚೆ ಗುಶ್ಟಿತ್ ಆಜು಼ನ್ ಖುಬ್ ಸಾಂಗಾಯಾಸಾಟಿ ಮೊರ್‌ಲ್ಯಾ ಸಬ್ಬತ್ ದಿಸಾದಿಸಿ ಆನಿಕ್ ಯಯಾ ವ್ಹಯಿ ಮನ್ಹುನ್ ಲೊಕಾಂಚಾನಿ ತ್ಯಲಾ ಸಾಂಗ್ಲ. 43 ಸಬೆ ಸಪ್ಲಿತವಾ ಯೆಹುದ್ಯಾತ್ಲ ದೆವಾವ ಬಕ್ತಿ ಆಸಲ್ಯಾಲ ಖುಬಜಾ಼ನ್ ಪೌಲ್ ಬಾರ್ನಬಾಚೆ ಮಾಗ್ನಿ ಗೆಲ. ಹೆ ತ್ಯಂಚಿ ಸಂಗ ಬುಲುನ್ ದೆವಾಚೆ ಕ್ರುಪೆನಿ ಉಬಿರಾಹ್ಯಾ ವ್ಹಯಿಸಾ ಮನ್ಹುನ್ ಉಮೇದ್ ದಿಲಿ.

44 ಮೊರ್‌ಲ್ಯಾ ಸಬ್ಬತ್ ದಿಸಾತ್ ಪ್ರಭುಚಾ ವಾಕ್ಯಾ ಐಕಾಯಾಸಾಟಿ ಖುಬ್ ಗಾವಾತ್ಲಿ ಲೊಕ ಸಗ್ಳಿ ಹಿಂಡಾನಿ ಆಲಿತ. 45 ಹ್ಯ ಬಗ್‌ಲ್ಯಾಲ ಯೆಹುದ್ಯಾನಾ ಖೊಟಫನ್ ಆಲ. ಆನಿ ತೆ ಪೌಲಾಚಾ ಬೊಲನ್ಯಾಲಾ ಆಡ್ಯಾವಿತ್ ಹುತ. 46 ಫನ್ ಪೌಲ್ ಬಾರ್ನಬ್ ಧಿರಾನಿ ಬುಲುನ್, “ಆಮಿ ದೇವಾಚಿ ವಾಕ್ಯಾ ಯೆಹುದಿ ಜಾ಼ಲ್ಯಾಲ್ಯಾ ತುಮಾನಾಸ್ ಸಾಂಗಾಯಾ ವ್ಹಯಿ. ಫನ್ ತುಮಿ ತುಮಾನಾಸ್ ಶಾಸ್ವತ್ ಜಿವಾಲಾ ಉಪೆಗ್ ನಸಲ್ಯಾಲಿ ಮನ್ಹುನ್ ನಕ್ವಾಟ್ ಕರ್ತ್ಯಾಸಾ. ಮನ್ಹುನ್ ಆಮಿ ಯೆಹುದಿ ನಸ್‌ಲ್ಯಾಲ್ಯಾಂಚಿಪ ಜಾ಼ತಾವ್! 47 ಕಾ ಮಂಜೆ ಪ್ರಭುನಿ ಆಮಾನಾ ದಿಲ್ಯಾಲಿ ಆಜ್ಞಾ ಆಸಿ ಹಾ:

ತು ದುನೆಚೆ ಸಗ್ಳಿಕ್ಡ ಸುಡಿವ್ನಾರಾ ಜಾ಼ಲ್ಯಾಚೆಗತ್ ತುಲಾಬಿ ಯೆಹುದಿ ನಸ್‌ಲ್ಯಾಲ್ಯಾ ಲೊಕಾನಾಬಿ ಉಜಿಡ್ ಕರುನ್ ಥರಿವಲ್ಯಾ ಮನ್ಹುನ್ ದೆವಾನಿ ಸಾಂಗ್‌ಲ್ಯಾ” ಮನ್ಲ[e].

48 ತಿಥ ಪೌಲಾಚಾ ಬೊಲ್ಯಾ ಐಕ್‌ಲ್ಯಾಲ ಯೆಹುದಿ ನಸ್‌ಲ್ಯಾಲಿ ಲೊಕ ಖುಬ್ ಸಂತೊಶಾನಿ ಸಂದೆಶಾಸಾಟಿ ಸ್ತುತಿಕಿಲಿ. ಶಾಸ್ವತ್ ಜಿವ್ ಗಿಹ್ಯಾ ನಿವಡ್‌ಲ್ಯಾಲ್ಯಾ ಸಗ್‌ಳ್ಯಾಂಚಾನಿ ಇಸ್ವಾಸ್ ಥೆವ್ಲಾ.

49 ಪ್ರಭುಚ಼ ಸಂದೆಶ್ ಸಗ್ಳೆ ಸಿಮತ್ ಪಗಾಳ್ಳಾ. 50 ಫನ್ ಯೆಹುದ್ಯಾಂಚಾನಿ ಆಪಲ್ಯಾ ದರ್ಮಾವ ಬಕ್ತಿ ಆಸಲ್ಯಾಲ್ಯಾ ಉಡಾಳ್ ಬಾಯಿಲ್ಮಾನ್ಸಾನಾ, ಗಾವಾಚಾ ಜಾಂತ್ಯಾನಾ ಪೌಲ್ ಬಾರ್ನಬಾವ ತೆ ರಾಗಾವ ಯಯಿಶಾರ್ಕ ಚಾ಼ವಳುನ್ ತ್ಯನಾ ಆಪಲ್ಯಾ ಪ್ರಾಂತ್ಯಾತ್ನಿ ಬಾಹಿರ್ ಗ್ಯಾತ್ಲ. 51 ತ್ಯಂಚಾನಿ ಆಪ್‌ಲ್ಯಾ ಪಾಯಾಂಚಿ ಧುಳ್ ಜಾ಼ಢುನ್ ಇಕೊನಿಯಾ ಪೆಠತ್ ಗೆಲ. 52 ಫನ್ ಯೇಸುಚ಼ ಅಂತಿಯೊಕ್ಯಾಚ಼ ಇಸ್ವಾಸಿ ಸಂತೊಶಾನಿ ಪವಿತ್ರಾತ್ಮಾನಿ ಬರ್‌ಲ್ಯಾಲ ಜಾ಼ಲ್ತ.

<- ಅಪೊಸ್ತಲರ ಕ್ರತ್ಯ 12ಅಪೊಸ್ತಲರ ಕ್ರತ್ಯ 14 ->