1 ತ್ಯಾ ಕಾಲಾತ್ ಹೆರೊದ್ ರಾಜಾ಼ ಸಭೆತ್‌ಲ್ಯಾ ಥೊಡ್ಯಾನಾ ಜಾ಼ಸ್ ಕರಾಯಾ ಲಾಗ್ಲಾ. 2 ಯಾಕೊಬಾಚಾ಼ ಕುಂಗ್ಳಿನಿ ಘಾತ್ ಕೆಲಾ. ಯಾಕೊಬ್ ಯೊಹಾನಾಚಾ಼ ಬಾಹು. 3 ಯೆಹುದ್ಯಾನಾ ಹ್ಯ ಆವಾಡಲ್ಯಾ ಮನ್ಹುನ್ ಹೆರೊದಾಲಾ ಸಮಾಜ಼್ಲ. ಆನಿ ತ್ಯನಿ ಪೇತ್ರಾಲಾ ಕುಂಡುನ್ ತುರುಂಗಾತ್ ಗ್ಯಾತ್ಲಾ. ಹ್ಯ ಚಾ಼ಲ್ಯಾಲ ಯೆಹುದ್ಯಾಂಚಾ ಫುಗತ್ ನಸ್‌ಲ್ಯಾಲೆ ಭಾಕ್ರಿಚಾ ಸನಾಚಾ ಕಾಲಾತ್. 4 ಚಾರ್ ಜನಾಂಚಾ ಸೈನಿಕಾಂಚ಼ ಚಾರ್ ಹಿಂಡ್ ಪೇತ್ರಾಲಾ ರಾಖಿತ. ವಲಾಂಡ್ಯಾಚಾ ಸನಾಚ಼ ಕಾಲ್ ಸೊಪ್‌ಲ್ಯಾ ನಂತರ್ ಪೇತ್ರಾಲಾ ಲೊಕಾಂಚೆ ಮೊರ‍್ಹ ಉಬಕರಾಯಾ ವ್ಹಯಿ ಮನ್ಲಾ. 5 ಆಸ ಪೇತ್ರಾನಿ ತುರುಂಗಾತ್ ಆಸ್ಥಾನಾ ಸಭೆತ್‌ಲ್ಯಾಂಚಾನಿ ತ್ಯಚಿಸಾಟಿ ಖಾಯಿಮ್ ದೇವಾಪ ಮನ್ ಥಿವುನ್ ಮಾಗ್ನ ಕರಿತಾ.

6 ಪೇತ್ರಾ ದೊಗಾ ಸೈನಿಕಾಂಚೆ ಮದ್ದಿ ನಿಜ಼್ಲಾ ಹುತ್ತಾ. ತ್ಯಲಾ ದೊನ್ ಸರ್ಪೊಳ್ಯಾನಿ ಬ್ಯಾಂದ್ಲಾ ಹುತ್ತಾ. ಖುಬ್ ಸೈನಿಕ್ ತುರುಂಗಾಚ಼ ದಾರ್ ರಾಖಿತ. ತವಾ ರ‍್ಯಾತ್ ಜಾ಼ಲ್ಥಿ. ದುಸ್ರೆ ದಿಸಿ ಸಕಾಳ್ಚ಼ ಪೇತ್ರಾಲಾ ಲೊಕಾಂಚೆ ಮೊರ‍್ಹ ಆನಾಯಾ ವ್ಹಯಿ ಮನ್ಹುನ್ ಹೆರೊದಾನಿ ಯವಜ಼್ಲ ಹುತ್ತ. 7 ಪಾಕನ್ ಪ್ರಭುಚಾ಼ ದೇವ್ ದುತ್ ಯೊಕ್ ತಿಥ ಉಬಾರಾಯ್ಲಾ. ತೇ ಖುಲಿತ್ ಉಜಿಡ್ ಬರ್ಲಾ. ದೇವ್ ದುತಾ ಪೇತ್ರಾಚೆ ಕುಸಿತ್ ಹಾತ್ ಲಾವುನ್, “ಬಿಗಿನಿ ಉಟ್!” ಮನ್ಲಾ. ತವಾಸ್ ಸರ್ಪೊಳ್ಯಾ ಪೇತ್ರಾಚಾ ಹಾತಾತ್ನಿ ಸುಟುನ್ ಪಡ್‌ಲ್ಯಾ. 8 ದೇವದುತಾನಿ ಪೇತ್ರಾಲಾ, “ಕಪ್ಡ ಗ್ಯಾಲ್ ವ್ಹಾನಾ ಗ್ಯಾಲ್” ಮನ್ಹುನ್ ಸಾಂಗ್ಲ. ತಸಸ್ ಪೇತ್ರಾನಿ ಕೇಲ. ನಂತರ್ ದೇವ್ ದುತ್, “ತುಜಾ಼ ಜ಼ಘಾ ಗುತ್ಪಳುನ್ ಮಾಜೆ ಮಾಗ್ನಿ ಯೆ” ಮನ್ಲಾ. 9 ದೇವ್ ದುತ್ ಬಾಹಿರ್ ಗೇಲಾ ಪೇತ್ರಾ ತ್ಯಚೆ ಮಾಗ್ನಿ ಗೆಲಾ. ದೇವ್ ದುತ್ ಆಸ ಕರತ್ಯೊ ಮನ್ಹುನ್ ಪೇತ್ರಾಲಾ ಖರ‍್ಯಾನಿಸ್ ಸಮಾಜ಼್ಲ ನವ್ಥ. ಆಪ್ನು ದರ್ಶಾನ್ ಬಗ್‌ತ್ಯೊ ಮನ್ಹುನ್ ಯವಜ಼್ಲ. 10 ಪೇತ್ರಾ ಆನಿ ದೇವ್ ದುತ್ ಯಕವ್ಯಾ ಆನಿ ದೊನವ್ಯಾ ಸೈನಿಕಾನಾ ವಲ್ಯಾಂಡುನ್ ಗೆಲ. ನಂತರ್ ತೇ ಆಪ್‌ಲ್ಯಾಲಾ ಪೆಠತ್ ಜಾ಼ತ್ಯಾಲ್ಯಾ ಲೊಖಾಂಡಾಚಾ ದಾರಾಪ ಆಲ. ತ್ಯ ದಾರ್ ತ್ಯಂಚಿಸಾಟಿ ಆಪ್ಲೆ ಆಪ್ನು ಉಗಾಡ್ಲ ಹುತ್ತ. ಪೇತ್ರಾ ಆನಿ ತ್ಯೊ ದೇವ್ ದುತ್ ದಾರಾನಿ ಬಾಹಿರ್ ಯವುನ್ ಯೆಕ ಪಾಂದಿನಿ ಗೇಲ. ತವಾ ಪಾಕನ್ ತ್ಯೊ ದೇವ್ ದುತ್ ತ್ಯಲಾ ಸುಡುನ್ ಗೇಲಾ.

11 ತವಾ ಚಾ಼ಲ್ಯಾಲ್ಯಾ ಖನ್ಕತಿ ಪೇತ್ರಾ ಆಪ್‌ಲ್ಯಾಲಾ ಆಪ್ನುಸ್ ಮನ್ಹುನ್ ಗೆಥೊ, “ಪ್ರಭುನಿ ಆಪ್‌ಲ್ಯಾ ದೇವ್ ದುತಾಲಾ ಖರ‍್ಯಾನಿಸ್ ಲಾವುನ್ ದಿಲ್ತಾ ಮನ್ಹುನ್ ಆತಾ ಮನಾ ಸಮಾಜ಼್ಲ. ತ್ಯನಿ ಮನಾ ಹೆರೊದಾಚಾ ಹಾತಾತ್ನಿ ಪಾರ್ ಕೆಲಾ. ಮಾಜಾ಼ ನಾಸ್ ವ್ಹನಾರ್ ಮನ್ಹುನ್ ಯೆಹುದಿ ಮನ್ಲ ಹುತ್ತ. ಫನ್ ಪ್ರಭುನಿ ಮನಾ ತ್ಯಾ ನಾಸಾತ್ನಿ ರ‍್ಯಾಕ್ಲಾ”

12 ನಂತರ್ ಪೇತ್ರಾ ಯೊಹಾನಾಚಿ ಆಯಿ ಜಾ಼ಲ್ಯಾಲೆ ಮರಿಯಾಚಾ ಗರ‍್ಹಾತ್ ಗೆಲಾ. ಯೊಹಾನಾಲಾ ಮಾರ್ಕ್ ಮನ್ಹುನ್ ಹಾಕ್ಟಿತಿತ. ಖುಬ್ ಲೊಕ ತಿಥ ಜ಼ಮ್ಲಿಹುತ್ತಿತ. ತೀ ಸಗ್ಳಿ ಮಾಗ್ನ ಕರೀತಿತ 13 ಪೇತ್ರಾನಿ ಬಾಹಿರ್ಲ ದಾರ್ ಬಡಿವ್ಲ ಕೊನ್ ತ್ಯ ಇಚಾರಾಯಾ ರೊದೆ ಮಂಥ್ಯಾಲಿ ಸೇವಕಿ ಆಲಿ. 14 ರೊದೆನಿ ಪೇತ್ರಾಚಾ಼ ಸಬ್ದ ವಳಕ್ಲಾ. ತೀಲಾ ಖುಬ್ ಸಂತೊಶ್ ಜಾ಼ಲ್ಹಾ. ಆನಿ ದಾರ್ ಕಾಡಾಚ಼ ಇಸ್ರುನ್ ಮಾಗಾರಿ ಮಾನ್ಸಾಂಚಿಪ ಪಳತ್ ಜಾ಼ವುನ್, “ಪೇತ್ರಾ ದಾರಾಪ ಉಬಾ ರಾಯಲ್ಯಾ! ಮನ್ಲಿ. 15 ತೇ ಇಸ್ವಾಸಿ ತಿಲಾ, “ತುಲಾ ಖುಳ ದರ್‌ಲ್ಯಾ! ಮನ್ಲ. ಫನ್ ತಿ ಆಪ್ನು ಸಾಂಗ್‌ತ್ಯಾಲ ಖರ ಮನ್ಹುನ್ ಜೊ಼ರಾನಿ ಸಾಂಗ್ಲ. ತವಾ ತೇ, “ತ್ಯೊ ಪೇತ್ರಾಚಾ಼ ದುತ್ ಆಸಲ್” ಮನ್ಲ.

16 ಫನ್ ಪೇತ್ರಾ ದಾರ್ ಬಡ್ವಿತುಸ್ ಹುತ್ತಾ. ತವಾ ತ್ಯಂಚಾನಿ ದಾರ್ ಉಗಡ್ಲ ಆನಿ ತ್ಯಂಚಾನಿ ಪೇತ್ರಾಲಾ ಬಗುನ್ ಗಾಭಾರ್ಲ. 17 ಪೇತ್ರಾನಿ ತ್ಯನಾ ಗಪ್ ರಾಹ್ಯಾ ವ್ಹಯಿ ಮನ್ಹುನ್ ಸುಸ್ನಾ ಕಿಲಿ. ಪ್ರಭುನಿ ಆಪ್‌ಲ್ಯಾಲಾ ತುರುಂಗಾತ್ನಿ ಸುಡಿವಲ್ಯಾಲ ತ್ಯನಿ ತ್ಯನಾ ಫುಡುನ್, “ಯಾಕೊಬಾಲಾ ಆನಿ ಇಸ್ವಾಸಿನಾ ಹಿ ಖನ್ಕತ್ ಸಾಂಗಾ” ಮನ್ಹುನ್ ಸಾಂಗ್ಲ. ನಂತರ್ ಪೇತ್ರಾ ದುಸ್‌ರ‍್ಯಾ ಯಕಾ ಜಾ಼ಗ್ಯಾವ ತಿತ್ನಿ ಗೇಲಾ.

18 ಸಕಾಳ್ಚ಼ ಪೇತ್ರಾ ಕ್ಯಾ ಜಾ಼ಲ್ಹಾ ಮನ್ಹುನ್ ಸೈನಿಕಾಂಚಾ಼ ಮೊಟಾ ಗೊಂದೊಳ್ ಜಾ಼ಲ್ಹಾ. 19 ಹೆರೊದಾನಿ ಕುಠ ಕುಠ ಶೊದ್ಲ ತರಿ ಪೇತ್ರಾಲಾ ದರಾಯಾ ಜಾ಼ಲ್ಹ ನಾಹಿ. ಮನ್ಹುನ್ ಹೆರೊದಾನಿ ರ‍್ಯಾಕ್‌ತ್ಯಾಲ್ಯಾನಾ ಇಚಾರುನ್ ತ್ಯನಾ ಮರ್ನಾಚೆ ಶಿಕ್ಷಾ ದಿಲಿ.

ತವಾಸ್ ಹೆರೊದ್ ಯುದಾಯಾತ್ನಿ ನಿಗುನ್ ಕೈಸರೆಯಾ‍ ಪೆಠತ್‍ ಯವುನ್ ತಿಥ ಥೊಡ ದಿಸ್ ರಾಯ್ಲಾ.

20 ಥೈರ್ ಆನಿ ಸಿದೊನ್ ಪೆಠಚಾ ಲೊಕಾಂಚಿವ ಹೆರೊದ್ ಖುಬ್ ರಾಗಾವ ಜಾ಼ಲ್ಥಾ. ತೀ ಸಗ್ಳಿ ಲೊಕ ಹೆರೊದಾಲಾ ಭೆಟ್ ವ್ಹಯಾ ಯಂಗ್ದಾಸ್ ಗಿಲಿತ. ತ್ಯಂಚಾನಿ ಬ್ಲಾಸ್ತನಾಲಾ ಆಪ್ಲಿಕ್ಡ ವಳಿವ್ಲಾ. ಬ್ಲಾಸ್ತನ್ ರಾಜಾಚಾ಼ ಸಗ್ಳ ದೆಕ್ರೆಕ್ ಕರ್ನಾರಾ. ತ್ಯಂಚಾನಿ ಆಪ್ಲಿಸಂಗ ಸಮಾಧಾನಾನಿ ರಾಹ್ಯಾ ವ್ಹಯಿ ಮನ್ಹುನ್ ಹೆರೊದಾಲಾ ಇಚಾರ್ಲ. ಕಾ ಮಂಜೆ ತ್ಯಂಚಾ ಗಾವಾಲಾ ಹೆರೊದಾಚಾ ಗಾವಾತ್ನಿ ಪ್ಯುಡ್ಗಿ ಆನಾಯಾ ವ್ಹಯಿ ಜಾ಼ಲ್ಥಿ.

21 ತ್ಯನಾ ಭೆಟ್ ವ್ಹಯಾ ಹೆರೊದಾನಿ ಯೊಕ್ ದಿಸ್ ಥರಿವ್ಲಾ. ತಿಸಿ ಹೆರೊದಾನಿ ಶಾದ್ರಾ ರಾಜಾಚಾ಼ ಪೊಶಾಕ್ ಗಾಲ್ಹುನ್. ಆಪ್‌ಲ್ಯಾ ಸಿಂಹಾಸನಾವ ಬಸುನ್ ಸಗ್‌ಳ್ಯಾ ಲೊಕಾನಾ ಬಾಶಾನ್ ಕೆಲ. 22 ತೀ ಲೊಕ, “ಹ್ಯೊ ಸಬ್ದ ಮಾನ್ಸಾಚಾ಼ ನವ್ಹ ದೇವಾಚಾ಼ ಮನ್ಹುನ್ ವರಾಡ್ಲಿತ. 23 ಹೆರೊದಾನಿ ಹ್ಯ ವವ್ಯಾಳ್ನ ಆಪ್ನು ಗೆತ್ಲ. ದೇವಾಲಾ ಮೈಮಾ ಕಿಲಿ ನಾಹಿ. ಮನ್ಹುನ್ ತವಾಸ್ ಪ್ರಭುಚಾ ದುತಾನಿ ತ್ಯಲಾ ಮಾರುನ್ ಬುಡಿ ಪಾಡುನ್ ಗ್ಯಾತ್ಲಾ. ತ್ಯೊ ಕಿಡ ಪಡುನ್ ಮೇಲಾ.

24 ದೇವಾಚ಼ ಸಬಾತ್ ಪಗಾಳ ಆನಿ ಖುಬ್ ಲೊಕಾಂಚಿಪ ಗೆಲ. ಇಸ್ವಾಸಿಂಚಾ಼ ಸಮುದಾಯ್ ದಿಸುನ್ದಿಸ್ ಬಳ್ಕಾಟ್ಲಿ.

25 ಬಾರ್ನಬ್ ಆನಿ ಸೌಲ್ ಯೇರುಸಲೆಮಿತ್ ಆಪ್ಲಿ ಕಾಮ ಸುಪಿವ್‌ಲ್ಯಾವ ಮಾಗರ ಪರ್ತುನ್ ಆಲ. ಮಾರ್ಕ್ ಮಂಥ್ಯಾಲಾ ಯೋಹಾನ್ ತ್ಯಂಚಿ ಸಂಗ ಹುತ್ತಾ.

<- ಅಪೊಸ್ತಲರ ಕ್ರತ್ಯ 11ಅಪೊಸ್ತಲರ ಕ್ರತ್ಯ 13 ->