इब्रानीयो खे नाम चिठ्ठी

इब्रानीहोन का नाम चिठ्ठी
पैछान
यीशु जुन्ना नीयम खुप भविष्यवानी कसी करतो थो यो बतानवाला इब्रानीहोन कि चिठ्टी हय एक धिरज देन वाली किताब हइ, एक उपदेस का बरोबर इनकी गिनती करणा मे अय. भविष्यवानी अरु यहूदी मुख्य याजकहोन कर्तव्य यीशु मसीह कसी पुरी करीस हय सपा दिखान वाली साट से जादा जुन्ना नीयम का बारे मे या किताब हइ, ह्या कारण से या किताब यहूदी दुन्या का लिये प्रोत्साहित देनआला असो मानन लग्या हइ. याजक होन ह्या से आगे यज्ञ करण की गरज नी हय यीशु पवित्रशास्त्र कसी पुरी करतो थो येका पर से या किताब सपा कर्‍यो गयो हइ. सब पाप का लिये एक बार अरु सब काल यज्ञ असो यीशु हुइ गो. या किताब मे से हमखे असो समजस की, यीशु मसीह प्रभु पर विश्वास करणा मे हमारा लिये बरोबर करुस.12:2 असी रिती से यो जमाना मे हम मसीह विश्वासीहोन या किताब बडी प्रोत्साहित हइ. हम उनका पर भुली रास हय.
इब्रानीहोन का नाम चिठ्ठी कोने लिखी हुये हमखे मालुम नी तेभी कुछ पडनवाला को मानणो हइ की वे प्रेरितो पत्रस लुका अरु बार्णबास असा प्रभु खे सेवकहोन ने लिखी हुये. ओसोय या किताब कब लिखी गय हय याभी हमखे मालुम नी का तेभी खुप अभ्यास असो मानस कि जभी यरुशलेम शहर मे 70 वा साल खत्म करणा मे आयो तेभी या किताब मे यरुशलेम को वर्णन असी रितीसे करणा मे आयो हइ कि जसो कुछ तो खत्म हुयोय नी थो या किताब खुप मंडलीहोन मे फिरीखे पड्यो गयो असो. ते रोम शहर मेसे लिखी हुये 13:24.
रुप रेखा
1. लेखक असो बतय देस की यीशु यो प्रभु को खबर अरु स्वर्गदूत येकासे बडो हइ 1:1—4:13.
2. येका बाद मे असो बताह्ये की , जो याजक यरुशलेम कइ मन्दिर मे सेवा करस ओकासे जादा यीशु बडो हइ 4:14—7:28
3. मूसा खे दि वाली आज्ञा का वजेसे जो जुन्ना नीयम प्रभु ने उनका दुन्या करी वाली ओका सभी यीशु कि सेवा बडि हइ 8:1—10:31.
4. यीशु ह्या हर एक बात मे बडो हइ ह्या सपा करणा का बाद लेखक जादा दिन मे व्यवाहार का बारेमे सुचना कर्‍हे 10:32—13:17
5. आखरी मे कुछ बोध अरु हाजीर करीखे लेखक या चिठ्टी बतायो करतो थो 13:18-25

परमेश्वर को वचन बेटा का वजेसे

1 पैयले का जमाना मे परमेश्वर ने बापदादाहोन से थोडो-थोडो करीखे अरु तरह-तरह से भविष्यव्दक्ताहोन का वजेसे बात करी. 2 यो आखरी दिनहोन मे हम से बेटा का वजेसे बातहोन करी. जेने ओने भोत चिजहोन को वारिस ठैरायो अरु ओका वजेसे ओने पुरी जगत की रचना करी हइ. 3 उ परमेश्वर की महिमा को उजालो अरु ओका तत्व को चिन्ह हइ. अरु सब चिजहोन खे अपनो सामर्थ्य को वचन से संभालस हइ. उ इन्सान जात का पाप खे धौइ खे माफ दिखे स्वर्ग मे जैखे महामहिम का जवना जगा बैठ्यो.

परमेश्वर का बेटा की महानता

4 या प्रकार बेटा स्वर्गदूत से महान बन्यो गयो उ प्रकार जसो परमेश्वर ने ओखे स्वर्गदूत से उत्तम नाम दियो. 5 क्युकि परमेश्वर ने कोय भी स्वर्गदूत से असो नी बोल्यो.

“तु मरो बेटो हइ.

आज मी तरो बाप बन्यो हइ”

अरु नी कोय स्वर्गदूत से बोल्यो हइ.

“मी तरो बाप बन्यु

अरु तू मरो बेटो हुये?”

6 पन जब परमेश्वर ओका पइलो जन्मे बच्चा खे जगत मे भेजस हइ,

परमेश्वर का सब स्वर्गदूत ओकी उपासना

करस.

7 अरु स्वर्गदूत का बारे मे यो बोल्यो हइ,

“व्हा अपना दुत खे हवा,

अरु अपना सेवकहोन कि आत्मा भकभक अंगार

बनस हइ.”

8 पन परमेश्वर बेटा का बारे मे बोलस हइ,

हे परमेश्वर. तरी राजगद्दी पिडमपिडि र्‍हिये;

तरो शासन तरा दुन्याहोन पर न्याय का साथ र्‍हिये.

9 तो ने सच्ची से धार्मीकता अरु बुरो काम से दुर रख्यो;

यो कारण परमेश्वर. तरो परमेश्वर ने

आनंद का तेल से अभिषेक करन का वजेसे तरा सोप्तीहोन से बडीखे चुन्यो.

10 परमेश्वर यो भी बोलस हइ.

हे प्रभु सुरवात मे तो ने धरती को पय्यो डाल्यो,

अरु स्वर्ग तरा हाथहोन को कारीगर हइ.

11 वे तो खतम हुइ जाये, पन तु बन्यो ऱ्हीहे:

परमेश्वर बोलस हइ. “उ अपना दूतहोन खे हवा मे उडास.

अरु अपना सेवकहोन खे भगभग अंगार बनास हइ[a].”

12 हे भैइ अरु बहीन हुशार र्हेनु कि तुम मे असो बुरो

अरु अविश्वासी लम्बा मन नी होनु, जो तुमखे जिन्दो

परमेश्वर से दुर हटन खे लि जाये.

13 अरु स्वर्गदुत मे से परमेश्वर ने कोका से कब

बोल्यो, तु मरा जवना बठ,

जब तक “कि मि तरा बैरिहोन के तरा पायहोन का

नीचे को पिडो नी बनय दियो”.[b]

14 क्युकि हम मसीह कि आत्मा से सेवक हुया हइ, अगर हम अपना पैयला भरोसा पर आखरी तक मजबुत से बन्या र्‍हिये.

इब्रानीहोन 2 ->