1 Kahine halaqay Eliyaseebinne hara kahineti Dorsa Pengiya zaari gimbidi Xoossas dummayidosona; sanqa aathidosona. Enti Xeeta geetetiya gimbe shakuwafe bidi Hanaani7eela geetetiya gimbe shakuwa gakanaw gimbidi Xoossas dummayidosona.

2 Enta lanqen de7iya bessaa Iyaarko asay gimbin, kaallidi de7eysa Imira na7ay Zakuri gimbis.

3 Hasinaa7a nayti Molo Pengiya gimbidosona. Enti gobane essidi, sanqa aathidosona; sanqa gordiya kasuwanne kasuwa gelsiya sagaayuwa giigisidosona.

4 Enta kaallidi de7iya bessaa Haqooxa na7a gidida Uraya na7ay Maremooti gimbis.

Iyape kaallidi de7iya bessaa Masezabeela na7a Baraka na7ay Masulaami gimbis.

Iyape kaallidi de7iya bessaa Ba7ana na7ay Saadoqi gimbis.

5 Iya matan de7iya bessaa Taqoha katamaa asati gimbidosona. Shin he katamaa halaqati bantaw imetida oosuwa oothonna ixidosona.

6 Paseha na7ay Yodaaheynne Baasodiya na7ay Masulaami Gal7a Pengiya gimbidosona. Enti gobane essidi, sanqa aathidosona; sanqa gordiya kasuwanne kasuwa gelsiya sagaayuwa giigisidosona.

7 Enta lanqen de7iya bessaa Gaba7oona katamaa asi gidida Malaaxinne Meronoota katamaa asi gidida Yadooni gimbidosona. Gaba7oonanne Mixipha katamaa asay entara issife gididi, Efraxiisa shaafape wuloha bagga biitta haareysi de7iya keethaa gakanaw de7iya bessaa gimbidosona.

8 Worqa sheeshiya Harihaya na7ay Uzi7eeli enta matan de7iya bessaa gimbis. Qassi iya matan de7iya bessaa shitto oothiya Hanaani gimbis. Enti nam7ay issife Yerusalaame Dalga Gimbiya geetetiya bessaa gakanaw de7iya bessaa gimbidosona.

9 Enta matan de7iya bessaa Huura na7ay, Yerusalaame woradaas baggaa haariya Rafayi gimbis.

10 Haruma na7ay Yadayi ba keethaafe sintha baggara de7iya bessaa gimbis.

Iya matan de7iya bessaa Asebaana na7ay Hatushi gimbis.

11 Harima na7ay Malkeynne Pahati-Moo7aba na7ay Hashubi iya matan de7iya bessaanne Itoone Shako gimbiya gimbidosona.

12 Enta matan de7iya bessaa Haloheesa na7ay, Yerusalaame woradaas nam7antho baggaa haariya Saluminne iya macca nayti gimbidosona.

13 Hanuninne Zanoha kataman de7iya asay issife Zangaara Pengiya gimbidosona. Enti gobane essidi, sanqa aathidosona; sanqa gordiya mithaanne mithaa gelsiya sagaayuwa giigisidosona. Pito Pengiya gakanaw issi mukulu wadha adussa gimbiya gujidi gimbidosona.

14 Rakaaba na7ay, Beet-Hakareema woradaa haariya Malkey Pito Pengiya gimbis. Enti gobane essidi, sanqa aathidosona; sanqa gordiya kasuwanne kasuwa gelsiya sagaayuwa giigisidosona.

15 Kolihaaza na7ay, Mixipha woradaa haariya Salumi Pulto Pengiya zaaridi gimbis. I pengiyas kama giigisidi sanqa aathis; sanqa gordiya kasuwanne kasuwa gelsiya sagaayuwa giigisis. Qassi, Selaha teqe haathay de7iya baggara kawa atakilte bessaafe doomidi, Dawita Katamaape dugethe wodhisiya dethaa gakanaw de7iya gimbiya gimbis. 16 Beet-Xura woradaas baggaa haariya Azibuuqe na7ay Nahimey gimbis. I Dawita duufuwape sintha baggara de7iya bessaa gakanaw, asi oothida teqe haathay de7iya bessaa gakanaw, olanchota keethaa gakanaw de7iya bessaa gimbis.

17 Haysafe kaalleysa Baana na7aa Rehuuma aawatetha garsan de7iya Leeweti gimbidosona.

Enta matan de7iya bessaa Qi7aala woradaas baggaa haariya Hashabi ba woradaa sunthan gimbis. 18 Iyape kaallidi Henadaada na7ay, Qi7aala woradaas nam7antho bagga haariya Bawi gimbidosona. 19 Enta matan de7iya bessaa Iyyasu na7ay, Mixipha woradaa haariya Ezeri gimbis. I ola miishe wothiya keethaafe sintha baggara gimbiya maazaniya gakanaw de7iya bessa gimbis. 20 Iyape kaalleysa Zabaya na7ay Baaroki, gimbiya maazaniyape bidi, kahine halaqaa Eliyaseeba keethaa pengiya gakanaw de7iya bessaa gimbis. 21 Iyape kaalleysa Haqooxa na7aa gidida Uraya na7ay Maremooti Eliyaseeba keetha pengiyafe doomidi, wursethi gakanaw de7iya bessaa gimbis.

22 Iyape kaallidi de7eysa heeran de7iya kahineti gimbidosona. 23 Entafe kaallidi Biniyaameynne Hashubi banta keethaa sinthan de7iya bessaa gimbidosona.

Entafe kaallidi Ananiya na7a gidida Ma7iseya na7ay Azaari ba keethaa sinthan de7iya bessaa gimbis. 24 Iyape kaallidi Azaara keethaafe bidi, gimbiya maazaniya gakanaw de7iya bessaa Henadaada na7ay Benuyi gimbis. 25 Uzaya na7ay Palali gimbiya maazaniyape doomidi, I naageysata dabaaba matan de7iya qommo bagga kawo gadho naago gimbiya gakanaw de7iya bessaa gimbis.

Iyape kaallidi de7eysa Paanose na7ay Padaynne 26 Ofeela deriya bolla de7iya Xoossa keethaa aylleti gimbidosona. Enti Haatha Pengiya matan doloha baggan de7iya bessaanne naago gimbiya gakanaw de7iya bessaa gimbidosona. 27 Entafe kaallidi Taqoha katamaa asay gimbiya sinthan de7iya bessaafe bidi, Ofeela matan de7iya gimbiya gakanaw de7iya bessaa gimbidosona.

28 Para Pengiyafe qommo baggan, banta keethaa sinthan de7iya bessaa kahineti gimbidosona. 29 Entafe kaallidi Imera na7ay Saadoqi ba keethaa sinthan de7iya bessaa gimbis.

Iyape kaallidi Doloha Pengiya naagiya Sakana na7ay Shamayey gimbis. 30 Iyape kaallidi Salama na7ay Hananinne Zalafa usupuntho na7a gidida Hanunra gimbidosona.

Entafe kaallidi Baraka na7ay Masulaami ba kifiliyape sinthan de7iya bessaa gimbis. 31 Iyape kaallidi Xomooso Pengiya sinthan de7iya Xoossa keetha oosanchotanne zal7anchota keethaa gakanaw de7iya bessaa worqa sheeshiya Malkey gimbis. Qassi I gimbe maazaniyas bolla baggara de7iya bessaaka gimbis. 32 Maazaniyas qommo bagga kifiliyapenne Dorsa Pengiyafe giddon de7iya bessaa worqa sheesheysatinne zal7anchoti gimbidosona.

<- Nahime Maxaafa 2Nahime Maxaafa 4 ->