1 ታኒ ክርስቶሳን ቱማ ኦዳይስ፥ ዎርዶትከ። ጌሻ አያናይ ካለꬅያ ታ ካሀይ ታኒ ዎርዶቶናይሳ ታዉ ማርካቴስ። 2 ታ ዎዛናን እስራኤለታስ ዳሮ ቃታይስነ ቃማ ጋላስ ቆፓይስ። 3 ታኒ፥ ታ እሻታ ግሾ፥ ክርስቶሳፐ ሻከታዳ ፆሳ ባደꬃፈ ጋርሳን ደእዳኮ ዶሳይስሽን። 4 ኤንቲ እስራኤለታ፥ ፆሳይ ኤንታ ባ ናይታ ኦꬅስ፥ ባ ቦንቹዋ ኤንታዉ ቆንጭስስ። ኤንታራ ጫቅስ፤ ህግያ ኤንታዉ እሚስ። ኤንቲ ፆሳ ጎይናና ቱማ ኦግያ በስስ፤ ፆሳይ ኡፋይሳ ቃላ ኤንታዉ እሚስ። [a] 5 ኤንቲ የለተꬃን ማይዛታ ኮቸ፤ ቃስ ክርስቶስ አሾን ኤንታ ኮቸ ግድድ ይስ። ኡባፈ ቦላ ግድዳ ፆሳይ መርናዉ ጋላተቶ። አምንእ!

6 ግዶሽን፥ ፆሳይ ገልዳ ቃላይ ፖለቶና አትስ ጉሱ ግደና። እስራኤለ አሳ ኡባይ ፆሳ አስ ግዶኮና። 7 ቃስ አብራሃመ ዛረ ኡባይ አብራሃመ ናይታ ግዶኮና። ፆሳይ አብራሃመስ፥ “ነ ኮቻይ ይሳቃ ባጋራ ፄገታና” ያግስ። [b] 8 ሄሳ ጉሳይ አሾን የለትዳ ናይት ኡባይ ፆሳ ናይታ ግዶኮና። ሽን ቱማ እስራኤለ ናይት ፆሳይ አብራሃመስ ገልዳ ቃላዳ የለትዳ ናይታ። [c] 9 ፆሳይ እማና ግድ ገልዳ ቃላይ፥ “ታኒ ዎንቶ ላይꬅ ሀኖደ ያና፤ ሳራካ አደ ናአ የላና”[d] ያገይሳ።

10 ሄሳ ፃላላ ግዶናሽን፥ እርብቅነ ይሳቅ የልዳ መንተ አደ ናይታባ አኬክተ። 11 ኤንቲ የለታናፐ ዎይኮ ኢታ ዎይኮ ሎኦ ኦꬃናፐ ስን ፆሳ ዶሮይ ኦሶን ግዶናሽን ፄሳን ግደይሳ ቆንጭሳናዉ፥ 12 “ባይራይ ካሉዋስ ኪተታና” ያግድ ጎዳይ እርብቃስ ኦድስ። [e] 13 ሄስካ ጌሻ ማፃፋን፥ “ያይቆባ ዶሳስ፥ ኤሳዌ እፃስ”[f] ጌተትድ ፃፈትስ።

14 ያትን፥ ኑኒ ዎይጋኔ? ፆሳይ አሰ አሳፐ ሻክዬ? ግደና። 15 ጎዳይ ሙሰኮ፥

19 ህንተፈ እሶይ፥ “ያትን፥ ፆሳይ አሰ ኢታ ኦሶ ግሾ አይስ ቦሪ? ፆሳ ሸንያ እፃስ ጋናይ ኦኔ?” ያግድ ኦይቻናዉ ዳንዳኤስ።

20 ሽን ታ እሻዉ፥ ፆሳራ ፓላማናዉ ኔኒ ኦኔ? ኡርቃፈ መትዳ ሚሸይ ባና መꬍዳይሳ፥ “ታና ሀይሳዳ ኦꬃዳ አይስ መꬋዲ?”[i] ግድ ኦይቻናዉ ዳንዳኢ? 21 ዎይኮ ኡርቃ መይስ እስ ኡርቃፈ እሱዋ ቦንቾ ሚሸ፥ ሀንኩዋ ቃስ ቶሸ ሚሸ ኦꬅድ መꬋናዉ ማት ባዌ?

22 ፆሳይ ባ ሀንቁዋ በሳናዉነ ባ ዎልቃ ኤርሳናዉ ኮይድ፥ ፕርዳስ ጊግዳ ሀንቆ ናይታ ዳሮ ገንጫን ዳንዳእዳኮ ነ አይ ኤራይ? 23 ሄሳ እ ኦꬅዳይ ኮይሮትድ ቦንቾስ ጊግስዳ፥ ባ ዶርዳ ናይታስ ባ ቦንቹዋ ቆንጭሳናሳ። 24 አይሁደ ግድን፥ ዎይኮ አይሁደ ግዶና አሳ ኡባይ ፆሳን ዶረትዳ።

25 ናብያ ሆሰ ማፃፋን፥