5 አስ ህገ ናግድ ኤክያ ፅሎተꬃባ ሙሰይ ፃፍሸ፥ “ህገ ናግያ ኦንካ ሄ ህግያ ናግዳ መላ ደኤስ”[a] ያግስ። 6 ሽን አማኖን ኤክያ ፅሎተꬃባ ጌተትዳይ ሀይሳ፦ “ነ ዎዛናን፥ ‘ኦን ሳሎ ከያኔ?’ ያጎፓ፤ ሄስ ክርስቶሳ ዎꬍሳናሳ።[b] 7 ዎይኮ፥ ‘ዱገ ሳአ ጋርስ ዎꬋናይ ኦኔ?’ ጎፓ፤ ሄስ ክርስቶሳ ዱፎፐ ከሳናሳ። 8 ሽን ያግድ ፃፈትስ፦ ‘ፆሳ ቃላይ ነ ማታና፤ ነ ዶናንነ ነ ዎዛናን ደኤስ’ ኑኒ ህንተዉ ኦድያ አማኖ ቃላይ ሀይሳ።

9 “የሱሲ ጎዳ” ጋዳ ነ ዶናን ማርካትኮነ ፆሳይ እያ ሀይቆፐ ደንꬅዳይሳ ነ ዎዛናን አማንኮ፥ ነ አታና። 10 አስ ባ ዎዛናን አማንድ ፅሌስ፤ ባ ዶናን ማርካትድ አቴስ። 11 ጌሻ ማፃፋይ፥ “እያን አማንያ ኦንካ ዬላተና”[c] ያጌስ። 12 እስ ፆሳይ ኡባ ጎዳ ግድያ ግሾ፥ አይሁደታ ግዶንነ አይሁደ ግዶና አሳ ግዶን ዱማተꬅ ባዋ። እ ባና ፄግያ ኡባስ ዳሮ ኬሀ። 13 ጌሻ ማፃፋይ፥ “ጎዳ ሱንꬃ ፄግያ ኦንካ አታና”[d] ያጌስ።

14 ያትን፥ ኤንቲ አማኖና ደእሸ ዋንድ እያ ፄጋናዉ ዳንዳኦና? ኤንቲ እያባ ስኦና ደእሸ ዋትድ እያ አማናናዉ ዳንዳኦና? ቃስ ኤንታዉ ቃላ ኦድያ አስ ባይና ደእሽን፥ ዋንድ ስአናዉ ዳንዳኦና? 15 ኪተትዳ አስ ባይና ደእሽን፥ ቃላይ ዋንድ ኦደታናዉ ዳንዳኢ? ጌሻ ማፃፋን፥ “ኡፋይሳ ዎንገላ ኦድያ አሳ ቶሆት ዋንድ ሎኦና!”[e] ያግድ ፃፈትስ።

16 ሽን እሳያስ፥ “ጎዳዉ፥ ኑ ማርካተꬃ ኦን አማንዴ?”[f] ያግዳይሳዳ፥ ኡባይ ዎንገላ አማንቦኮና። 17 ሄሳ ግሾ፥ አማኖይ ስሳፈ ዬስ፤ ስስ ክርስቶሳ ቃላፐ ዬስ።

18 ግዶሽን፥ እስራኤለ አሳይ ቃላ ስእቦኮና ጉሰዬ? አካይ፥ ስእዶሶና። ጌሻ ማፃፋን፥