11 “ኤንታ ማርካብያ ጫና ህዛፐ ሻምያ አስ ባይና ግሾ፥ ሳአን ደእያ ዛልአንቾት ሄ ካታማስ ዋሳናነ ካዮታና። [h] 12 ኤንታ ዎርቃ፥ ብራ፥ ቦንቾ ሹቹ፥ አልኦ ሹቻ፥ ካሎሰ ማኦ፥ ሊኖ ማኦ፥ ሃረ ማኦ፥ ዞኦ ማኦ፥ ዱማ ዱማ ሳዎ ምꬅ፥ ዳንጋርሳ ዛለ፥ አልኦ ምꬅ፥ ናሰ ብራታ፥ ጎለ ሹቹ፥ [i] 13 ቃራፋ፥ ቅማመ፥ እፃነ፥ ካርበ፥ ሽቶ፥ ዎይነ፥ ዛይተ፥ ሎኦ ꬊለ፥ ግስተ፥ መሄ፥ ዶርሰ፥ ፓራ፥ ፓራ ጋረ፥ አይለታነ ሀራ አሳታ ሻምያ ኦንካ ባዋ።

14 “ዛልአንቾት ማጫሴኮ፥ ‘ኔኒ አሞትዳ ሎኦባ ኡባይ ኔፐ ꬋይስ። ነ አቆይነ አሌቀትዳባ ኡባይ ኔፐ ሃክስ። ኔኒ ዛራዳ ኤንታ ኡባ ደማካ’ ያግዶሶና። 15 ሄ ካታማን ዛልእድ ዱረትዳ ዛልአንቾት እ መቱዋ ባብድ ኢፐ ሃክድ ኤቃና። ኤንቲ ዬካናነ ካዮታና። [j] 16 ቃስ፥

21 ያትን፥ ምኖ ኪታንቾይ ዎፃ ዳንያ ግታ ሹቹ ደንꬅድ አባን ሆልሸ፥ “ግታ ካታምያ ባብሎነይ ዎልቃን ሆለታዳ ሀይሳዳ ኩንዳና፤ እያ ሀችፈ ጉየ ኡባካ በንቱኩ። [n] 22 ዲꬅ ዲፀይሳትነ የፀይሳት፥ ሱሱልኤነ ሞይዘ ፑነይሳት፥ ህዛፐ ጉየ ነ ግዶን ኡባካ ስኤቶኮና። አይ ኮቻ ዛልኤ ዛልእያ አስካ ነ ግዶን በንተና። ዎፃ ግርስ ህዛፐ ጉየ ነ ግዶን ስኤተና። [o][p] 23 ፆምፐ ፖኦይ ዛሪድ ነ ግዶን ፖኤና። ማቾ ኤከይስነ አዝና ገልያር ቃል ህዛፐ ጉየ ነ ግዶን ስኤተና። ነ ዛልአንቾት ቢታ ኡባን ኤረትዳ ዎልቃማታ። ነ ብታን ካዎተꬃታ ኡባ ጭማዳሳ” ያግስ።

24 ናበታ ሱꬃይ፥ ጌሻታ ሱꬃይነ ቢታ ቦላ ሀይቅዳ አሳ ኡባ ሱꬃይ እ ግዶን በንትዳ ግሾ ባብሎነይ ፕርደታሱ። [q]