1 ታን ቱሙዋ ሃሳያይ፤ ታን ክርስቶሳሳ፤ ቃይ ዎርዶትከ። ጌሻ አያናይ ሞድያ ታ ትላ ዎዛናይ ታን ዎርዶተናዋ ታዉ ማርካቴ። 2-3 ታዉ አሹዋን ዛረ ግድያ ታናዳን አማንያዋንቶ፥ ታ ዎዛናን ዳሮ ቃረታይነ አገና ቆፋይ ደኤ። አያዉ ጎፐ፥ ታን ታ ሁጰዉ ኡንቱንቱ ድራዉ፥ ጾሳ ሸቃፐ ጋርሳና ደኣርክታሻ! ቃይ ክርስቶሳፐካ ሻከታርክታሻ! 4 ኡንቱንቱ እስራኤልያ አሳቱዋ፤ ጾሳይ ኡንቱንታ ባረ ናና ኦꬂደ፥ ባረ ቦንቹዋ ኡንቱንቱና ሻኬዳ። ኡንቱንቱና ቃላ ገሊደ፥ ህግያ ኡንቱንቶ እሜዳ። ኡንቱንቱ ጾሳዉ በስያ ኦግያን ጎይኒኖ፤ ቃይ ጾሳይ እማና ጌዳዋካ አኬድኖ። [a] 5 ኡንቱንቱ ዘረꬃን ካሰ አዎቱዋ ዛረ፤ ቃይ ክርስቶስካ አሹዋን ኡንቱንቱ ዛረ። እ፥ ኡባፐ ቦላ ግዲደ ሞድያ፥ መꬍናዉ ጋላተቴዳዌ ጾሳ። አመንእ።

6 ሽን ታን፥ “ጾሳይ እማና ጌዳዌ አታና” ያግከ። አያዉ ጎፐ፥ እስራኤልያ አሳ ኡባቱ ጾሳይ ዶሬዳዋንታ ግድክኖ። 7 ቃይ አብራሃመ ዘረꬃቱ ኡባቱ ጾሳ ናና ግድክኖ። ጾሳይ አብራሃሞ፥ “ነ ዘረꬃይ ይሳቃ ባጋና ጼሰታናዋ” ያጌዳ። [b] 8 ሄዋ ጉሳይ ኡንቱንቱ ጾሳይ እማና ጌዳ ኦግያን የለቴዳ ናናይ ዛርያዳን ፓይደታና፤ ሽን አሳ ቆፋዳን የለቴዳዋንቱ ጾሳ ናና ግድክኖ ጉሳ። 9 አያዉ ጎፐ፥ ጾሳይ እማና ጊደ ሃሳዬዳዌ ሀዋ፤ “ታን ሀ ጌተቴዳዋዳን ሄ ዎደ ያና፤ ሳራካ አቱማ ናኣ የላና” ያጌዳ። [c]

10 ሄዋ ጻላላካ ግደና፤ እርቢቃ የሌዳ ማንተ ናና አዉ እቱዋ፤ እካ ኑ አዉዋ ይሳቃ። 11-12 ሽን እት ናኣ ዶሬዳ ጾሳይ ባረ ሁጰዉ ቆፔዳዋ ግዳናዳን፥ ጾሳይ እርቢቅዉ፥ “ባይራይ ቴፋዉ አዛዘታና” ያጌዳ፤ እ ሄዋ ኡንቱንቱ የለታናፐነ ኢታባ ዎይ ሎኦባ አይነ ኦꬃናፐ ካሰና ጌዳ። ሄዋ ድራዉ፥ ጾሳ ዶሩ አ ጼሴዳዋዳንፐ አትን፥ ኡንቱንቱ ኦꬄዳዋና ግደና። [d] 13 ጾሳ ማጻፋይ፥ “ያቆባ ሲቃድ፤ ሽን ኤሳ እጻድ” ያጌ።

14 ያትና፥ ኑን ዋጋኔ? ጾሳይ ደሽሲደ ፕርዲ? ሄዋ ግደና። 15 አያዉ ጎፐ፥ ሙሴዉ እ፥

19 ስም ህንተ ታና፥ “ሄዌ ቱማ ግዶፐ፥ ጾሳይ አሳ ባይዞ አያዉ ቶሺ? ጾሳይ ጌዳዋ እጻድ ጋናዌ ኦኔ?” ያጋናዉ ዳንዳዪታ።

20 ሽን ታ ላገዉ፥ ጾሳዉ ዛራናዉ ኔን ኦኔ? ኡርቃፐ መቴዳ ሚሻይ ጉየ ዛሪደ ባረና መꬌዳዋ፥ “ታና ሀዋዳን አያዉ መꬋዲ?” ጊደ ኦቻናዉ ዳንዳዪ?[g] 21 ዎይ ኡርቃ መꬍያዌ ባረ መꬍያ ኡርቃ ባረ ኮይያዋዳን ኦꬃናዉነ እት ማላ ኡርቃፐ እቱዋ ቦንቾ ሚሻ ኦꬂደ፥ ቃይ እቱዋ ቶሸቴዳ ኦሱዋ ኦꬅያ ሚሻ ኦꬂደ መꬋናዉ አዉ ማት ባዌ?

22 ጾሳይ ኦꬄዳዌ ሀዋና እቱዋ። እ ባረ ሀንቁዋ በሳናዉነ ባረ ዎልቃ ኤርሳናዉ ኮዬዳ፤ እ ባረ ሀንቁዋን ፕርዳናዋንታ፥ ባይዛናዉ ጊግ ኡቴዳዋንታ፥ ዳሮ ገንጩዋን ዳንዳዬዳ። 23 ቃይ እ ማሬዳዋንቶ፥ ባረ ቦንቹዋ አካናዉ ጊግስ ዎꬄዳዋንቶ እ አይ ኬና ቦንቼትንቶነ በሳናዉ ኮዬዳ። 24 ኑን እ ጼሴዳዋንታ፤ ሽን አይሁዳ አሳ ጻላላፐ ግደናን፥ አይሁዳ ግደና አሳ ግዶፐካ ጼሴዳ።

25 ሆሰአ ማጻፋን እ ግያዌ ሀዋ፤