6 “ ‘አይ አሳይነ ታናን አማነተናን እጺደ፥ ሞይትልያ ሃሳይስያዋንታነ ሻሬቾቱዋ ኦቻናዉ ቦፐ፥ ታን አ እጻና፤ አ አሳ ግዶፐካ ꬋይሳና።
7 “ ‘ታን፥ መꬍና ጎዳይ፥ ህንተ ጾሳ ግድያ ድራዉ፥ ስም ህንተ ህንተና ዱማይተ፤ ቃይ ጌሻ ግድተ። 8 ታ ህግያ ናግተነ ኦꬅተ። ታን ህንተና ጌሽያ መꬍና ጎዳ።
9 “ ‘አይ አሳይነ ባረ አዉዋ ዎይ ባረ ዳዮ ሸቆፐ ሀይቆ። እ ባረ አዉዋ ዎይ ባረ ዳዮ ሸቄዳ ድራዉ፥ አ ሱꬃ አጩ አ ቦላና። [a]
10 “ ‘እት አሳይ ባረ ሾሩዋ ማቻትና ግሶፐ፥ ሄ ግሴዳ ብታኒነ ምሽርታ ላኡካ ሀይቂኖ። [b] 11 ባረ አዉዋ ማቻትና ግሴዳ አሳይ ባረ አዉዋ ካዉሽሴዳ፤ ኡንቱንቱ ላኡካ ሀይቂኖ። ኡንቱንቱ ሱꬃ አጩ ኡንቱንቱ ቦላና። [c] 12 እት አሳይ ባረ ናኣ ማቻትና ግሶፐ፥ ኡንቱንቱ ላኡካ ሀይቂኖ። ኡንቱንቱ ቱናባ ኦꬄድኖ። ኡንቱንቱ ሱꬃ አጩ ኡንቱንቱ ቦላና። [d]
13 “ ‘እት አቱማ አሳይ ማጫ አሳና ግስያዋዳን አቱማ አሳና ግሶፐ፥ ኡንቱንቱ ላኡካ ቱናባ ኦꬄዳ ድራዉ ሀይቂኖ። ኡንቱንቱ ሱꬃ አጩ ኡንቱንቱ ቦላና። [e] 14 እት አሳይ ናቶነ አቶነ እትፐ አክያዋ ግዶፐ፥ ሄዌ ቱናባ፤ ህንተ ግዶን ቱናተꬃይ ደኤና ማላ፥ እነ ኡንቱንቱነ ታማን ጹገትኖ። [f]
15 “ ‘እት አሳይ መህያና ግሶፐ፥ እ ሀይቆ፤ ሄ ማጫ መሀቶካ ዎꬍተ።[g] 16 እት ማጫ አስ መህያና ግሶፐ ሄ ምሽራቶነ ሄ መህያ ላኡዋካ ዎꬍተ፤ ኡንቱንቱ ሀይቂኖ። ኡንቱንቱ ሱꬃ አጩ ኡንቱንቱ ቦላና።
17 “ ‘እት አሳይ ባረ ምቻቶ ባረ አዉዋ ናትና ዎይ ባረ ዳይ ናትና ግሶፐ፥ ሄዌ ፖኮባ። ኡንቱንቱ ባረንቱ አሳ ግዶፐ ቦሄትኖ። እ ባረ ምቻቶ ካዉሼዳ ድራዉ፥ እ ባረ ናጋራን ኦሸቴ። [h] 18 እት አሳይ ፒላይ ዬዳ ማጫን ካሉዋ ቃሪደ ኢናና ግሶፐ፥ ኡንቱንቱ ላኡካ ባረንቱ አሳ ግዶፐ ቦሄትኖ። አያዉ ጎፐ እ እዝ ሱꬃይ ጎግያ ፑልቱዋ ካሎዬዳ፤ እዛካ ባረ ሱꬃይ ጎግያ ፑልቱዋ ካሎያዱ። [i]
19 “ ‘ነ ዳይ ምቻትና ዎይ ነ አዉዋ ምቻትና ግሶፓ፤ አያዉ ጎፐ፥ ሄዋ ኦꬅያዌ ባረ ማታ ዳቡዋ ካዉሽያዋ። ህንተ ላኡካ ህንተ ናጋራን ኦሸታና። [j] 20 እት አሳይ ባረ አዉዋ እሻ ማቻትና ግሶፐ፥ እ ባረ አዉዋ እሻ ካዉሽሴዳ። ኡንቱንቱ ባረንቱ ናጋራን ኦሸታና፤ ኡንቱንቱ ላኡካ ናኣ የለናን ሀይቃና። [k] 21 እት አሳይ ባረ እሻ ማቻቶ አኮፐ፥ ሄዌ ቱናተꬃ። እ ባረ እሻ ካዉሽሴዳ፤ ኡንቱንቱ ላኡካ ናኣ የልክኖ።
22 “ ‘ስም ህንተ ደአናዳን፥ ታን ህንተና ገልስያ ቢታይ ህንተና ጩቼና ማላ፥ ህንተ ታ ህግያነ ታ አዛዙዋ ናግተነ ኦꬅተ። 23 ታን ህንተ ስንꬃፐ ꬋይስያ አሳቱዋ ደኡዋ ዎጋ ካሎፕተ። ኡንቱንቱ ሀዋ ኡባ ኦꬄዳ ድራዉ፥ ታን ኡንቱንታ ሸነታድ። 24 ሽን ታን ህንተና፥ “ኡንቱንቱ ቢታ ህንተ ላታና፤ ህንተ ሄ ቢታ ህንተዋ ኦꬃናዳን፥ ሄ ማꬃይነ ኤሳይ ጎግያ ቢታ ታን ህንተንቶ እማና” ያጋድ። ታን ህንተና ሀራ አሳቱዋፐ ዱማያ ከሴዳ መꬍና ጎዳ ህንተ ጾሳ።
25 “ ‘ሄዋ ድራዉ ህንተ ጌሻ ግዴዳ መሄቱዋነ ካፎቱዋ ጌሻ ግደናዋንቱፐ ሻኪደ ኤርተ። ታን ሀዋንቱ ህንተንቶ ቱና ጋ ዎꬄዳ መሄቱዋን፥ ካፎቱዋንነ ሳኣን ቃጸረትያባቱዋን ኡባን ህንተ ሁጲያ ቱንሶፕተ። 26 ታን መꬍና ጎዳይ ጌሻ ግድያ ድራዉነ ህንተ ታዋ ግዳና ማላ ህንተና ሀራ አሳፐ ዱማዬዳ ድራዉ፥ ህንተካ ታዉ ጌሻ ግድተ።
27 “ ‘እት አቱማ አሳይ ዎይ ማጫ አሳይ ሞይትልያና ሃሳይያዋ ዎይ ሻሬቾ ግዶፐ፥ ኡንቱንቱ ሀይቃናዉ በሰ። ኡንቱንቱ ሹቻን ጫደትኖ። ኡንቱንቱ ሱꬃ አጩ ኡንቱንቱ ቦላና’ ያጋ” ያጌዳ።
<- ዎጋ 19ዎጋ 21 ->