1 जव हामु वाच निकल्या, ते मालुम पड़्यो कि यो टापू माल्टा कहवाये से। 2 आरू चा रवनेवावा हामु पर अलगुज किरपा की; काहकि पानी पड़ रीयु हुतु आरू जाड़ेन कारण, हेकेने आगठो धोपाड़ीन हामु सब जाजे ठहराव्या। 3 जव पौलुस पोराय काजे लाकड़ान गाट्ठो चुटीन आगठा पर हावक्यु, ते एक घड़सा आस देखीन निकल्यु आरू ओको हाथ पर चष्टी गयु। 4 जव इन रवनेवावा गड़सा ओको हाथ मा चष्ट्या ओसा देख्या, ते आपसु मा कयो, “सचमुच यु मानुस लुहूय यी छे, कदाम दरया रईन वाच गया, ते भी न्याय काजे जीवतो नी रवने दे।” 5 तव त्यो गड़सा काजे आगठा मा झटकी दिदा, आरू तीनाक काहय हानि नी पुगी। 6 पुन चाँ वाट जुवे रया हुता कि त्यो सुज जाछे, या एकदम पड़ीन मर जाछे, पुन जव चाँ घण देर तव देखता रया आरू देख्या कि ओको काहय भी नी बिगड़या, ते आरू ही पुछीन कयो, “यु ते कोय देव छे।”

7 तीन जगन आस–पास पुबलियुस नावन तीन टापुन प्रधानन धरती होती: त्यो हामुक आपने घर ली जाईन तीन दाहाड़ा दोस्तन पाहंतराय कर्‍या। 8 पुबलियुसन बास तेज छेरी आरू पश्चिम रईन मांदलु पवड़ु होतु। शेवली कावा पौलुस ओको जु घर मा जाईन प्रार्थना कर्‍या, आरू तीना पर हाथ हावकीन तीनाक आरगाय कर्‍यु। 9 जब असो हुयो, ते तीन टापुन बाकी मांदला आश, आरू आरगाय कर्‍या गया। 10 चाँ हामरा घण विजुत कर्‍या, आरू जब हम चालने लाग्या, ते जा काहय हामरे करता जरूरत होती, ढोंड्या पर हावक दिदा।

11 तीन महनान बाद हामु अलेक्जेन्द्रिया एक ढोंड्या पर चाल निकव्या, जो ओको टापू मा जोड़े काट रया हुता, आरू जेरो सहलानी दियुसकूरी हुता। 12 सुरकूसा मा लंगर नाखीन हामु तीन दाहड़ा टिकाड़ रया। 13 वाँ छे हामु पुगिन रेगियुम मा आश; आरू एक दाहड़ान बाद दक्षिण वाहवो चाली तव दिसरे दाहड़े पुतियुली मा पुग्या। 14 वाँ हामुक काही भाईस मिव्या, आरू तीनुक कोवने सी हामु तीनुन चाँ सात दाहड़ा तक रया; आरू इनी रीति सी हामु रोम मा चाल्या। 15 चा रईन हामरू भाई खुश खबर सोमळीन अप्पियुसन चौक आरू तीन सराय तक हामरी भेंट करने निकवी आश, जीनुक देखीन पौलुस ने यहोवा–भगवानन धन्यवाद कर्‍या, आरू, ढाढ़स बांधिया।

16 जव हामु रोम मा पुग्या, ती पौलुसन एक सिपाईन साथे जी तेरी राखवावी करता हुता, एखला रोवनेन हुकुम होयी।

17 तीन दाहड़ा बाद त्यो यहूदि योन मुखिया मानसोक बुलायो, आरू जव वो एखठा होया ती तीनुछे कयो, “हे भाईस्यो, हावने आपसा मानसोक या डाहलानुक रीतिन विरोध मा काही भी नी कर्‍या, पछु भी बन्दी बनावीन यरूशलेम छे रोमियोन हाते सौप दिदा।” 18 चे मखे पुछताछ करीन छुड़ देने जूवे, काहकि मखे मा मरलान योग्य काही दोष नी हुता। 19 [a]पुन जव यहूदि अतरान करीन विरोध मा बुलने लाग्या, ती मखे कैसरन विनता देनो पड़े; यी नी कि मखे आपसा मानसोन पर काही दोष लागाड़ ्या हुता। 20 अतरान करीन हावने तुमूक बुलायो छे, कि तुमू छे हाववो आरू वात करीस; काहकि इस्त्राएली आश करीन हाव इन साकव छे जकड़ा हुयो छे।

21 चे तीनुसी कयो, “हामु तारे विषय मा यहूदि यो सी चिठ्ठी देखी, आरू नी भाईस्यो मा सी काही ने आवीन तारे विषय मा काय देखाड्या, आरू नी बुरो कयो।” 22 पुन तारो विचार काय छे? चो हामु तुखे छे सोमवनो जूवता छे, काहकि हामु जानता छे, कि हर धरतीम इनुमा विरोध मा मानसे वात करता छे।

23 तव चे तेरेन करता एक दाहडु ठेराया, आरू घण छे मानसे तेरे चाँ एखठा होया, आरू वो यहोवा–भगवान क राज्यन गवाय देतु, आरू मूसान व्यवस्था आरू भविष्यवक्तान किताब से ईशु क विषय मा समझा–समझाड़ीन सोंधारेन ते सांते तक तेर बाराम वात करतु रयु। 24 तव काही ने इन वातक मान लेदा, आरू काही विश्वास नी कर्‍या। 25 जव वो तींदरा मा एकु नी होया, ती पौलुसन इन एक वात कोवने पर चाल गया, “चुखलो आत्मा ने यशायाह कागळीयान द्बारा तुमरा डाहला छे ठीक ही कयो।” 26 जसो त्यो कयो,