98
1 Le goḻ che X̱anžon' to da' kob dan' bene' da' žonen ga žebanlžo.
Ḻen yeḻa' waḻe chie', na' yeḻa' wak la'y chie' bzex̱jwe' benne' ka' ẕží'igake' chie'.
2 X̱anžon' bzenle' benách ka' kan žeslé' ḻégake'.
Bzenle' benne' yež ka' ka nak da' chawe' chie'.
3 Bene' da' bchebe ḻaže'e gone' chegak benne' Israel ka' ni'a che yeḻa' ḻi ḻaže', na' yeḻa' nži'il chie'.
Yógo'te benách bḻé'egekle' da' ben Dios ni'a chežo.
4 Le goḻ ḻen yeḻa' žebele ḻaw X̱anžon', ḻe'e zoale dot yežlyó nga.
Le wká'n ẕene' Ḻe' ḻen da' goḻ-le.
Ḻo yeḻa' žebele chele, le kwéžeya'a.
5 Le goḻ da' we ḻawle X̱anžon'.
Le goḻ ḻen da' ka' žóḻ-ḻenle, da' ka' chinnle.
6 Le wkwéž lozgak bia ka', na' yezika' da' ka' ẕgol-le,
na' le kwéžeya'a ḻo yeḻa' žebele chele ḻaw X̱anžon', Bennen' ẕnna bi'e žo'o.
7 Le nne, nisdo', na' bia ka' zoale ga na'.
Le goḻ, ḻe'e, yežlyó, na' ḻe'e zoale ga na'.
8 Le kapa' na'le, ḻe'e, yegw ka'.
Le goḻ ḻo yeḻa' žebele, ḻe'e, ya'a ka', ḻaw X̱anžon',
9 dan' yide' yedjnná bi'e yežlyó nga.
Nna bi'e benne' ka' nníta'gake' do ẕente yežlyó ḻen da' nak chawe',