93
1 X̱anžo Dios nake' Benne' Wnná Bia' Ẕen, na' nakwe' da' záka'ḻe'en.
Da' nžejw ḻi'e naken yeḻa' wak ẕen.
Bzoa choche' yežlyó nga, na' bi gak no benne' wtén'.
2 Gan ži'o ẕnna bi'o, X̱anto' Dios, wzóa chochen ža ni'te
na' Le' zoakzo' to chi'ize.
3 Žónḻe'egak yegw ka' žax̱to', X̱anto' Dios.
Žónḻe'egaken žax̱to', na' ẕnnégaken zižje.
4 X̱anžon', Bennen' zoe' ya'abá, napže' yeḻa' wak
ka nak da' zej nape yegw ka' žónḻe'egaken žax̱to',
na' ka nak da' nape nis ẕgo'nen che nisdo'.
5 Chochḻe'e zej nak da' ka' wnnakzo', X̱anto' Dios.