1 ¡Le wká'n ẕen X̱anžo Dios, Benne' chawen'!

Zóateze yeḻa' žeyache' ḻaže' chie'.

2 ¡Le wká'n ẕen Dios, Bennen' nákḻe'eže' ẕen ka zej nak dios chegak benne' zi'to' ka'!

Zóateze yeḻa' žeyache' ḻaže' chie'.

3 ¡Le wká'n ẕen X̱anžon', dan' nákḻe'eže' ẕen ka zej nak x̱angak benne' zi'to' ka'!

Zóateze yeḻa' žeyache' ḻaže' chie'.

4 ¡Le wká'n ẕen toze' Ḻe' dan' žone' yeḻa' wak ẕen ka'!

Zóateze yeḻa' žeyache' ḻaže' chie'.

5 ¡Le wká'n ẕen Ḻe', dan' benkze' ya'abá ḻen yeḻa' žejní'il chie'!

Zóateze yeḻa' žeyache' ḻaže' chie'.

6 ¡Le wká'n ẕen Dios, Bennen' bzoe' yežlyó ḻawle nisdo'!

Zóateze yeḻa' žeyache' ḻaže' chie'.

7 ¡Le wká'n ẕen Dios, Bennen' bene' wbíž, na' byo'!

Zóateze yeḻa' žeyache' ḻaže' chie'.

8 Bene' Ḻe' wbíž nich wsa'nín' te ža.

Zóateze yeḻa' žeyache' ḻaže' chie'.

9 Bene' byo', na' belj ka' nich wsa'ní'gaken žel.

Zóateze yeḻa' žeyache' ḻaže' chie'.

10 ¡Le wká'n ẕen Dios, Bennen' bete' bi' byo nežw ka' chegak benne' Egipto ka'!

Zóateze yeḻa' žeyache' ḻaže' chie'.

11 ¡Le wká'n ẕen Dios, Bennen' bebeje' benne' Israel ka' ḻo yežlyó Egipton'!

Zóateze yeḻa' žeyache' ḻaže' chie'.

12 Bchi'e ḻégake' ḻen yeḻa' wak ẕen chie'.

Zóateze yeḻa' žeyache' ḻaže' chie'.

13 ¡Le wká'n ẕen Dios, Bennen' ben chople' Nisdo' X̱na!

Zóateze yeḻa' žeyache' ḻaže' chie'.

14 Bene' ga bdegak benne' Israel ka' gachj ḻawle nisdon'.

Zóateze yeḻa' žeyache' ḻaže' chie'.

15 San bene' ga bkache' nisdon' Faraón, benne' wnná bi'e benne' Egipto ka', benne' ka' žjake' ḻo wdiḻe.

Zóateze yeḻa' žeyache' ḻaže' chie'.

16 ¡Le wká'n ẕen Dios, Bennen' bchi'e benne' chie' ka' ladjw latje dach!

Zóateze yeḻa' žeyache' ḻaže' chie'.

17 ¡Le wká'n ẕen Dios, Bennen' bete' benne' wnná bia' ka'!

Zóateze yeḻa' žeyache' ḻaže' chie'.

18 Bete' benne' wnná bia' waḻe ka'.

Zóateze yeḻa' žeyache' ḻaže' chie'.

19 Bete' Sehón, bennen' wnná bi'e benne' amorreo ka'.

Zóateze yeḻa' žeyache' ḻaže' chie'.

20 Bete' Og, bennen' wnná bi'e benne' yež Basán ka'.

Zóateze yeḻa' žeyache' ḻaže' chie'.

21 Bdie' yežlyó chegak benne' ka' ḻo na'gak benne' chie' ka'.

Zóateze yeḻa' žeyache' ḻaže' chie'.

22 Bneẕjwen' chegak benne' Israel ka', benne' wen žin chie' ka'.

Zóateze yeḻa' žeyache' ḻaže' chie'.

23 Žejsá' ḻaže'e žo'o kate' ẕdíḻ-ḻengak benne' ka' žo'o.

Zóateze yeḻa' žeyache' ḻaže' chie'.

24 Beslé' žo'o ḻo na'gak benne' ka' bzéx̱jwgake' žo'o.

Zóateze yeḻa' žeyache' ḻaže' chie'.

25 Ẕwawe' yógo'te da' zej zoan nbángaken.

Zóateze yeḻa' žeyache' ḻaže' chie'.

26 ¡Le wká'n ẕen Dios che ya'abá!