1 Ba nez ẕen naken chegak yógo'te benne' ka' žápegake' X̱anžo Dios ba' la'ne,

benne' ka' žóntezgake' kan ẕnnakze Dios.

2 Kate' žawo' da' žezi'o che žin da' beno',

gak chio' yeḻa' ba nez ẕen, na' gak chawe' chio'.

3 Gak ẕo'lo' ka to lba uba da' ẕbian da' ẕix̱ kwit ližo',

na' ẕi'no' ka' gákgakbe' ka yag olibo ka' zej zen žoa'a gan žawo'.

4 Ki gon chawe' X̱anžon' bennen' žape' Ḻe' ba la'ne.

5 Ẕnnabla' X̱anžon', Bennen' zoe' Ya'a Sión, gon chawe'e le',

nich ḻe'elo' gak chawe' che yež Jerusalén yógo'te ža so' nbano',

6 na' nich ḻe'elo' ẕa'só' ka'.

Ẕnnabla' Dios gone' ga gata' yeḻa' ẕga'n chawe' chegak benne' Israel ka'.

<- SALMOS 127SALMOS 129 ->