1 Benne' ka' žx̱en ḻáže'gake' X̱anžo Dios zej nake' ka Ya'a Sión.

Bi gak no benne' wtén', san to chi'ize zoa chochen.

2 Kan zej že' ya'a ka' da' nyéchjgeklen yež Jerusalén,

ki žon X̱anžo Dios, žape chi'ikze' benne' chie' ka', na'a ža, na' to chi'ize.

3 Kege to chi'ize nna bia'gak benne' wen da' ẕinnj ka' ḻo yežlyó chegak benne' chawe' ka',

nich bi gakgak benne' chawe' ka' toze ḻen benne' wen da' ẕinnj ka', na' bi góngake' da' ẕinnj.

4 X̱ana' Dios, ben chawe' benne' chawe' ka',

na' benne' ka' zej nake' ḻi ḻaže'.

5 San benne' ka' žebéj yíchjgake' Dios nich góngake' da' ẕinnj,

X̱anžo Dios wkwase' benne' ka' tẕen ḻen benne' wen da' ẕinnj ka'.