1 Buli mugabe omukúlu atoozibwa kuluga aha baantu bazeenzíbe, kuba ayemeelelele amagaambo ga Múungu habwa abaantu. Káandi weényini amusoholeza Múungu echigabo ne echitáambo habwe ebiheno bya abaantu. 2 Omugabe omukúlu yaakaáhicha kubazilila embabazi abaantu áabo abalikuhena batéena kumanya, habwo kuba weényini náwe no omuheni. 3 Niyo ensoonga naayeéndelwa kusohoza ebitáambo habwe ebiheno byoómwe, nko óokwo asohoza ebitáambo habwe ebiheno bya abaantu abáandi.[a] 4 Táliho omuuntu óogwo yaakuhicha kwiíha weényini isima lyo kuba omugabe omukúlu, náho Múungu niwe amutooza nko óokwo akamutooza Haruni.[b]
5 Bityo nyini, Kristu náwe taleloondeliile weényini isima lyo kuba Omugabe Omukúlu, náho Múungu niwe akamutooza no kumugaambila nkokwo,
7 Obuchilo Yeézu akaba ali omu nsi ezi, akasaba no kumutoozela Múungu, káandi akamulilila aha mpámo na amaziga, habwa Múungu óogwo ayina obuhicha bwo kumuchuúngula kuluga omu lufu.[e] Múungu akamuhulila habwo obuchuleezi bwoómwe omu méeso goómwe. 8 No óobu Yeézu akaba ali Mutábani wa Múungu, akeeyega kumukoondookela Múungu habwe ebyaágalalo éebyo bikaba nibimwizaho. 9 Habwa ago, Múungu akamukola Yeézu abe Omugabe Omukúlu ahikile, alikusohoza omuháanda gwo kuchuúngulwa obucha no obuchiile habwa bóona áabo abalikumukoondookela. 10 Múungu akamutaho kuba Omugabe Omukúlu nko óokwo Melikizedeeki akaba ali.
- a 5:3 Osome Amagaambo ga Abaláawi 16:11-19.
- b 5:4 Haruni: Weényini niwe akaba ali omugabe mukúlu owo kubaanza. Osome Okuluga 28:1-3.
- c 5:5 Osome Enzina 2:7.
- d 5:6 Melikizedeeki: Weényini akaba ali omugabe óogwo akaba amulámya Múungu omu chikaali cha Yeruzaléemu obuchilo Ibrahímu akaba ali mwooyo. Osome Okubaanza 14:17-20; Enzina 110:4.
- e 5:7 Osome Matayo 26:36-45; Mariko 14:32-42.