82
1 Zua Dios naga zaj nazraga benne' dxuluchi'e̱ chee̱ bénneache chee̱'.
Dios dxuchi'e̱ chee̱ benne' ca' dxuluchi'e̱ chee̱ bénneache.
2 Dxenná Dios: “¿Bátadxa guchí'ale chee̱ bénneache chia' da quebe naca xrlátaje,
ne gápale ba lá'ana benne' ca' zaj nabéaj xíchaje̱' Dios?”
3 Le gácale̱ benne' xache' ca', ne bidau' we̱ze̱be ca'.
Le gun da xrlátaje chee̱ benne' baxache' ca'
ne chee̱ benne' ca' dxelexázrjene̱'.
4 Le guselá benne' ca' dxeledée̱' lu da ba xa',
ne benne' ca' quebe bi zaj nape̱'.
Le guselá benne' ca' lu na' benne' ca' zaj nabéaj xíchaje̱' Dios.
5 Quebe bi zaj nézene̱', ne quebe dxeléajni'ine̱',
na' dxeledé̱' lu da chul-la.
Dxuluzrizre̱' ca naca da zaj de̱ lu xe̱zr la xu.
6 Neda' gunnía': Le'e nácaquezle ca dios ca',
ne nácale xúgute̱le ca zrí'inequeze Dios szrente̱,
7 Wátele ca dxelate xezícadxa bénneache,
na' cheajcházele ca cheajchaze nútete̱ze benne' dxenná be'e̱.
8 ¡Guxasa, Dios!
¡Bchi'a chee̱ bénneache zaj zra' lu xe̱zr la xu,