93
1 ¡Rinná bëʼë Xanruʼ!
¡Nácuëʼ yöl-laʼ ba zxön queëʼ!
¡Nácuëʼ zxëʼ Xanruʼ, en núguiëʼ lëʼë yöl-laʼ unná bëʼ!
¡Nuzóëʼ tsutsu yödzölió, ateʼ bitiʼ utá cuini!
2 ¡Tsaz nuzúʼ tsutsu ga röʼu rinná bëʼu, Xan,
en zóaticaʼsuʼ Liʼ!
3 Riyasa ridxía nisa yuguʼ lu nísadoʼ, Xan.
Riyasa ridxía nisa, en ruʼu bö que.
Riyasa ridxía nisa yuguʼ lu nísadoʼ, en yuguʼ lu yegu.
4 Xanruʼ Dios yehuaʼ yubá nápatërëʼ yöl-laʼ unná bëʼ
ca bö ruʼu lu nísadoʼ le riyö́n ca guziúʼ rinnë́,
encaʼ ca le riyasa ridxía nisa lu nísadoʼ.
5 Tsaz naguixjuʼ xibá quiuʼ, Xan,
ateʼ idú láʼayi naca ga zoa cazuʼ Liʼ.