113
1 ¡Guliʼcuʼë yöl-laʼ ba Xanruʼ!
¡Guliʼcuʼë yöl-laʼ ba, libíʼiliʼ huen dxin queëʼ Xanruʼ!
¡Guliʼcúʼu yöl-laʼ ba Lëʼ Xanruʼ!
2 ¡Cúʼuruʼ yöl-laʼ ba Lëʼ Xanruʼ,
cateʼ risí lo naʼa, en yuguʼ iz siʼ zaca!
3 ¡Ga naguelaʼ ga rilén gubidza ga ridxintë ga ribía,
cúʼuruʼ yöl-laʼ ba Lëʼ Xanruʼ!
4 ¡Nayë́pisëtërëʼ Xanruʼ Dios ca yúguʼtë yödzö izáʼa!
¡Nazxö́ntërö yöl-laʼ zxön queëʼ ca naca lúzxiba!
5 ¿Nuzxi caz zoa naca ca náquiëʼ Xanruʼ Dios?
Röʼë rinná bëʼë ga naʼ nayë́pisëtërëʼ.
6 Ruzötaj cuinëʼ para uyúëʼ
le dë lúzxiba, en le dë luyú ni.
7 Ruchisëʼ nupa nácagaca yechiʼ, rubéajëʼ léguequi lu bëchtö yu.
Ruchisëʼ nupa taʼyadzaj, rubéajëʼ léguequi lu dö bëbu.
8 Runëʼ ga taʼböʼlen nupa taʼnná bëʼ.
Taʼböʼlen nupa taʼnná beʼe bönachi queëʼ.
9 Runëʼ ga zóanu nigula huödx yuʼu lídxinu.
Rudzeja ládxiʼnu tuʼ runëʼ ga nacuáʼabiʼ zxíʼininu.