87
Kangkamambe Amisye Apa munijo Yerusalem rai
1 Ransyeran. Masmur vatano susyo Kora wo ratoe inta mi som.
Nai unato ndandinit, AMISY Po Apa munije rauseo nteto rai.
2 Munije kotaro no no Israel,
Yerusalem wemirati AMISY anuga no rai rave.
3 Inya, Amisye Apa munije winy ndanide,
Amisye Po ayao ngko dave raura aje Yerusalem wibuiny nai, pare:
4 ‘‘Wakoe! Vatano Mesir[a] muno Babel kavinta nakato Syo maugave siso Sya vatano ubeto Rinai matavon.
Mo namije rakivan akato mamo vatano Pilistea, Tirus muno Sudan[b] wenawamo
Syo mausiso ube munive vatano utantuna munijo Yerusalem rai matavon tenambe,
umba Syo mato siso irati kawasae Yerusalem mai tavon.’’
5 Munijo Sion[c] indati vatane wo raura ware:
vatano susye kotar usisa utantuna rai tenambe, maisyare vatano ta utantuna rai to wemaisy.
Muno Amisye Titi Rave taune Po rayaranande ti ntindimu tutir.
6 Arono AMISY Po vatano susye kotar awa tame ratoeve,
umba Po mato siso kawasae Yerusalem matavon.
7 Vatano susye kotare so ukiny, usarer wo Sion rangkakivambe ware: