82
Amisy Po mamaisye rapatimugo ana akokoe[a] Po manari mai
1 Masmur Asap po ratoe.
Amisye Pi be akarive anugano akoe rai no Manunggara,
umba Po patimu mamaisye raugaje ana akokoe nanawirati Po vambunino manakoe raunanto maije mai.
2 Pare: ‘‘Ntoa nandui rati umba patimu wadaugaje ti mamaisyo Sya bekere rai jewene ma wadapayawa?
Muno wasamunggarerave vatano mamune[b] mai nsopija?
3 Syare wapo mamaisye rapatimugo arikainyo wawate muno vatano mayondi mai,
muno wapo marimbe vatano siuri mai muno awa ana jajewembe mai, mamaisyo Sya ananyao rai.
4 Syare wapo vatano mayondi muno awa ana jajewembe mai mapaya,
syare wapo mapaya irati vatano mamune mansaneme rai.’’
5 Ana akokoe umaso nanawamo wananepabe muno awa ana udakarae ngkove ramu.
Wenawamo wanya tutir no kaumure rai.[c]
Ananyao mo kawasae wansaokaisye mamo wo ratakar doyadi.
6 Syo raura mai to, syare: ‘‘Weapamo maisyare Amisye rinamaisy,[d]
Amisy Titi Rave Apa arikainye nanawirati wea tenambe.
7 Weramu weapamo Syo mangke raugaje wasai:
indati wananta wene rai maisyare vatane mansamaisy,
muno maisyare akarijo mine waraya mansamaisy tenambe, indati wakakai tavon.’’
8 Sya Amisy, syare wimbeseo Nyo mamaisye rapatimu mine so rai,
weye susyo mine tename so mainyamo taune Winya ma.
<- MASMUR 81MASMUR 83 ->
- a 82:0 ana akokoe: ama ine mare ana ntuna no naume warae, maisyare anawayo akoe dako naito Amisye dako, nanawirati Amisye Po vambunine raugaje mai indamu ube akarive susye kotaro mine so mai. Umba ama ino kaijinta ntavonamo mare vatano akokoe nanawirati ube akarive no mine vone so rai.
- b 82:2,4 vatano mamune: wenawamo vatano wonae Amisye Ai muno Apa ananyao rai muno ananyao rui vayave rai.
- c 82:5 wanya tutir no kaumure rai: ama ine mare wo mamune bo raijar tutir.
- d 82:6 Yoh. 10:34