142
Amisye anajo indamu no naora
1 Daud apa ransyerano ananyao arono no no tinda ama uga, umba po Amisye anajo.[a]
2 Inanamote raijaseo akoeve syo AMISY awain,
syo AMISY anajo indamu aemeno rinai.
3 Sya anakotaro syanonae rai mamo syo rave uje no Amisye Winamun,
anakotaro nsosobe rinai mamo syo raura vintabo no Winamun.
4 Arono sya vambunine kavintare mewen kobe,
Winyamo Nyo sya unanuijo rito syakasiso rai raen to.
Unanui syanya raito som, sya marova wo aviri ratugar maninimbe ti mo inaman.
5 Syeravo inakiri, indati arepi de teto inakiri rai?
Jewen bayave, inta po marimbe rinai ramu.
Syansanan daowane meweno rinai to,
vatane inta po inatantona akato ramu.
6 Sya AMISY, risyo winawain,
Wibuiny irati rigaugambe Nai,
Wibuiny irati ribekero Nai arono ta rikov no mine so.
7 Syare Nyo rinanyanyuto mavabe sya ana dawain ore rai,
weye risyamo siuri rave,
syare Nyo rinapaya irati sya marova mai
weye onawamo awa vambunine mo inakivan.
8 Syare Nyo rinapaya irati ana nsosobe[b] mo inakikipi rai,
indamu syo Nya tame raijaseo titive.
Vatano ubeto irati Winai nawamo indati ude wanunugambe inakijani wenawe reamo nararimbe,