134
AMISY ararimbe arono naman
1 Ransyerano Israel ukiny dai arono wanya usea no Yavaro Amisy no Yerusalem.
Inya, syeno wapanapatambe AMISY Ai weap,
wade wapo AMISY ararimbe,
weapirati wade wapanapatambe Ai no Apa Yavar arono naman.
2 Wasamumbe to no tanoano ndandinite[a] rai,
wasaneme raijaseo wasambayambe wapo AMISY ararimbe.
3 Syare AMISY wepi no no Sion Po kove raugaje wasai,
Wepi Po naume muno mine so ranari tenambe.
<- MASMUR 133MASMUR 135 ->
- a 134:2 Tanoano ndandinit ntami no Yavaro Amisye ama uga rai. Syeno titi obo pirati amayaro siso rai. Tanoane so kasyamo urairi raugaje ntuna rai.